انتِ لي 🕊💜

الحلقة 52

لجين : ااه..اوكي ني رايحة نشوفو..

نشفت يديها..ومسحتهم..وطلعت تجري عندو...دقدقت فلباب..سمعت صوتو يقوللها..ادخلي دخلت..وقعدت جنبو..كان مستلقي على سريرو..اعراض المرض..بدات تزيد وتبان عليه اكثر...وجهو اصفر..وعلامات العيا باينين..عليه..تبسملها وشد يديها..

خليل : راني حاب..نخرجو للجنان برا..ونهدرو شوية..

لجين( تبسمت) : اوكي..ميكون غير خاطرك..

عاوناتو يوقف..وهبطو للتحت..هو يقدر يمشي وحدو عادي يعني..بصح هي من خوفها عليه مخلاتوش...هبطو للتحت وراحو للجنان..قعدو فالكرسي..
بقى يشوف لبعييد..وهي تشوف معاه..تبسم وهدر..

خليل : تتشبهيلها بزاف..عينيك..شعرك..تبسيمتك..روحك الطفولية...خطرات نحس سعاد..قاعدة قدامي..

لجين (تبسمت) : احكيلي عليها...

خليل : كانت مرا عاقلة..حدها حد روحها..عمرها مأذات نملة..حكايتنا بدات مصغر..وقتها عمي..وبابا هدرو وعطاو كلمة فيما بيناتهم..خليل لسعاد..وسعاد لخليل..الهدرة مشات..وحنا كبرنا...وقتها انا شفت جميلة..كي كنت نخدم فولاية **** حبيتها..وتزوجتها..بسيف على عايلتي والناس لكل..عمي وقت سمع..زعف بزااف...ومرض..وبعد مدة مات...بقات سعاد وحدها..بحكم يماها ماتت كي كانت صغيرة..امبعد خممت بزاف..وقلت نتزوجها..وخلاص..تزوجنا وخبينا هذ الشي..على الكل..حتى نهار..قاتلي راني حاملة..جبتها واجهت العايلة بيها..عشت معاها ايام بزاف شابين..عمرها معيطت ولا زقات ولا دارت مشكل..لعكس كانت عااقلة..وحتى جميلة..عمرها مضاربت معاها..كانت تقولي شحال من خطرة..خليل بنتي امانة عندك..اوعدني متفرطش فيها..كنت نقوللها اسكتي يا مرا..نربوها مع بعض..بصح.....

طاحت دمعة من خدو...قربت منو لجين..مسحتهالو..وتبسمت..

لجين : اذا مراكش قادر..خلاص..

خليل : ااه..لالا..وقت ماتت..انا كنت بعيد..ومكنتش معاها..حتى عيطتلي ليلتها..يما..قاتلي سعاد عطاتك عمرها..مقدرتش نأمن..يعني هي كانت حاسة..علابيها كانت توصي فيا..بصح..انا محافظتش على امانتها...كان لازم نربووك..انا وجميلة مع بعض..بصح انا..مقدرتش..جميلة وحدها..لي قدرت..ورباتك وخرجاتك مرا..

لجين : معندكش...فوطو تعها..؟؟!

خليل : كانت عندي وحدة..اما منعرف اذا مزالت ولا لالا..دك..كي نطلعو نحوسلك عليها..

لجين : علاه طلقت..نتا وماما جميلة..

خليل (تبسم) : لحكاية طويلة...

لجين : نحب نسمعها..

خليل : دك منقدر نقولك والو..غير انو كاين انسان..دخل بيناتنا وفرقنا..الموضوع فيه سحر..وفيه بزاف صوالح..

لجين (بدهشة) : السحر..؟؟؟!

هز راسو ب ايه...
ضرك بدات تتوضحلها لجين..الصورة..وعلاه حتى خلاهم خليل..