خرج هتان وقفل تركي باب قسم الزيارات
هتان : حضرة الضابط
تركي : لبيه
هتان : متى ابوي راح يطلع
تركي : وانا وش دراني لا يكون انا القاضي
هتان نزل راسه : معليش اسف نسيت
تركي قرب من هتان وهو يمسح على راسه
: مو ابوك قالك لا تشيل هم وان الموضوع بينحل بسرعه؟
هتان بصدمه : شدراك؟
تركي : سمعتكم
هتان : يعني سمعتني وانا اتكلم لابوي عنك؟
تركي بضحكه : ايه يمكن
*هتان انحرج وما قدر كيف يصرف الموضوع
جاء ليث لهتان لصوبه ومسكه من يده
ليث: تعال ابي اتكلم معك
هتان : فكنيي مابيك ولا ابي اتكلم معك
ليث جرح يد هتان بأظافره من قوة ما كان ماسكها وشاد عليها
ليث : قلت لك تعال!
تركي شاف ان ليث تمادى قام مسك ليث من بلوزته واخذه على جنب
تركي : تدري اللي جالس تسويه جريمة اعتداء؟
وقدام احد طاقم الشرطه بدون احترام!
عشان كذا اضبط نفسك لا ارميك في التوقيف وتخيس هناك
وفكه راميه على وراء وليث سكت وما قدر يقول شيء
ليث : تمام
وراح ليث وهو يناظر هتان بنظرات شر
تركي : انت بخير؟
هتان : اي
تركي ناظر هتان وشاف كيف انه متوجع من يده المتجرحه من بعد اظافر ليث الحاده
تركي : تعال معي
واخذ هتان وراحوا لغرفه فيها الاسعافات الاوليه وكان فيها سرير
تركي عطى ظهره لهتان وطلع معقم ومرهم ولصقات جروح
تركي : اجلس
هتان : وين
تركي لف وناظر لهتان : فوق راسي يعني وين
اجلس فوق السرير
هتان : اوه تمام
تركي : ببدأ اعقم جروحك لو عورتك قل لي
هتان قام يهز راسه
تركي مسك يده وبدأ يعقم اول جرح
هتان غمض عيونه
وتركي ناظر فيه : عورك ؟
هتان : اي
تركي ترك المعقم وبدأ يحط له مرهم
هتان : حضرة الضابط
تركي : لبيه
هتان : ليش جالس تسوي ذا كله معي ما وراك شغل؟
تركي قام يناظر هتان : اسوي ذا كله عشان ابوك وصاني عليك واللي جالس اسويه لك الحين هو شغلي اني جالس احمي مواطن واساعده
هتان : اها اسف على سؤالي التافه
تركي بدأ يحط لصقة الجروح
هتان : حضرة الضابط
تركي : لبيه
هتان : الحين منجد تطلقون على الاعداء بالمسدس نفس اللي بالافلام؟
تركي : لا نطلق عليهم بسكاكين
هتان : منجد؟
تركي قام يناظر هتان يعني اسكت
هتان : اسف
تركي : بما انك سألتني اول وانا ابي اسألك
هتان مستغرب : اي وش
تركي : هذاك ولد عمك اللي كان يبي يسحبك معه بينك وبينه شيء او مسوي لك شيء ؟
هتان جاته قشعريره وجلس ساكت
تركي ناظر فيه : ما قصدي اتلقف حول خصوصيتك لكن اذا مب مرتاح لي لا تقول لي والمقصد اني اساعدك بس
هتان بدون تردد : مع الاسف اي صارت بيني وبينه اشياء
تركي حط العلاجات اللي بيده وجلس جنب هتان وكأنه جالس يحتويه
تركي : اي اسمعك
( وبدأ هتان يقول له قصته مع ليث من الالف للياء )
"وبعد ما انتهى"
تركي : يعني كان متعمد يوم اعتدى عليك وتحرش فيك؟
هتان : اي بس لا تقول لاحد تكفى مابي احد من اهلي يعرف بالسالفه
تركي وهو ماسك نفسه : وكيف تبي تتصرف معاه؟ هذي تعتبر جريمة تحرش!اذا ما وقفته عند حده القانون راح يوقفه!!
هتان شاف ان تركي مصرّ عليه وارتبك وبدأ يصيح بشويش
هتان : لا تسوي له شيء انت سألتني وانا جاوبتك بس ابي الموضوع هذا يبقى بيني وبينك
تركي قام يحضن هتان ويحاول يهديه : تمام ما راح يصير الا كل خير وبرضاك طبعاً
هتان شاف ان تركي قريب منه وما قدر يمسك نفسه وقام يصيح اكثر بحضنه
وتركي فجأه قام يتأمل عيون هتان وهو يبكي لا شعوريًا ونسى نفسه
تركي جلس يطبطب عليه ويواسيه : كل شيء بينحل اوعدك واذا محتاج شيء ف انا موجود
هتان كان حاط راسه على صدر تركي وجلس تقريباً ثلاث دقايق
تركي نزل راسه يبي يشوفه وحصل هتان غفى بحضنه
__________________
