هتان تحرك وفتح عيونه بعد كلام تركي وهو كان صاحي اصلاً
شافه تركي وفز من مكانه ماسك يده ويمسح على راسه
هتان اللي سمع كلام تركي كله من بدايته لنهايته
وامتلت عيونه دموع وناظر على جنب ما يبي تركي يشوفه
ويده بيد تركي وتركي اللي تقدم وجلس جنبه مقابل وجهه
هتان حاول يشتت عيونه لكن ما قدر يمسك نفسه وجلس يبكي
وتركي تمسك فيه على طول وضمه بقوه وكأنه ما صدق يرجع يضمه ويشم ريحته
وهتان جلس يصيح لا ارادياً بصوت تعبان : اسف يا تركي ظلمتك معي وشككت بحبك لي والله اسف
تركي وهو يمسح على ظهره وراسه : بس يا روح روحي انت لا تصيح
هتان رجع نفسه وناظره : تعبتك معاي؟ قلت لك ما تستاهل شخص مثلي
تركي ابتسم وقرب منه : ما شفت معاك الا كل الحب ومابي شيء اكثر
بس اطلب منك تعطيني فرصه اصحح الغلط اللي صار وانسيك كل تعب وهم
هتان هز راسه موافق
تركي اللي ما صدق ان هتان وافق قرب ومسك خصره وجلس يناظره ويتحسس خده ويتأمل تفاصيل وجهه اللي واضح التعب فيها
تركي : يشهد الله علي اني احبك وما ودي اخسرك
وابيك تشوف عوض الدنيا فيني
وباسه في شفته بخفه وعمق يعوض فيها تعب الايام اللي مر فيها بدون معشوقه وهتان ماسك بدلته ونزلت دمعه حتى هو كان متأثر من الموضوع
تركي اللي لاحظها ومسح دمعته وحط راسه براس هتان
تركي : أحبك
هتان غمض عيونه وابتسم ودفن وجهه بحضن تركي
هتان : وانا بعد
وتركي رجع يبادله الحضن وحاوط ظهره من ورا
دق الباب عليهم
دخل مهند يبي يشيك اذا هتان صحى وشافه حاضن تركي دليل على انه صحى بكل عافيه
وراح وصارخ للي برا : هتااان صحى
وكلهم فزوا من اماكنهم متوجهين له وهتان فز من صوت مهند
ودخل مهند ومعه راكان
راكان : الحمدلله على سلامتك
هتان ابتسم : الله يسلمك
ومهند حضنه حضن شوق : اشتقتتت لك
هتان : مهند جالس توجعني
مهند وقف واستوعب يوم شاف المغذيات اللي بيده
تركي مسك يده وباسها ورجع يلعب بشعره : الله يجعلني اخذ وجعك وضيمك
هتان ابتسم وعيونه تلمع
