بارت طويل 🫳🏻
" من اطول البارتات اللي قد كتبتها "
___________________
الساعه 6:00 الصباح
صحى فارس وشاف ان هتان باقي نايم وصحاه
فارس : هتان
هتان نومه ثقيل
فارس : لحول هتااان
هتان : هممم
فارس : اصحى يلا ورانا اختبار
هتان : طيب
فارس عرف ان هتان يزبد له : شف بقوم الحمام اتسبح يويلك لو ما الاقيك صاحي وجاهز
هتان تجاهله ساحب منه البطانيه
ودخل فارس الحمام واخذ له شاور ربع ساعه
-
تركي اللي واقف عند باب بيت هتان ويدق على هتان وهتان ما يرد عليه
وقرر انه ينزل ويدق الجرس
وفعلاً دق الجرس وانتظر شوي
وفتح له ابراهيم الباب
تركي : السلام عليكم
ابراهيم : وعليكم السلام يالله حيه
تركي : الله يحييك ويبقيك بالله ناد لي هتان وراه اختبار
ابراهيم : هتان نايم عند صاحبه
تركي منلخم : من صاحبه؟
ابراهيم اللي استغرب من اسئلة تركي وجاوبه
ابراهيم : فارس
تركي : اها وليه ما عطاني خبر
ابراهيم : وليه يعطيك
تركي : انا اللي اوصله كل يوم واجيبه شلون ما تبيه يعطيني
ابراهيم اللي طلع برا وسكر الباب وراه
وتكتف واعطى تركي وضعية المستقعد
ابراهيم : عطني من الاخر وش اللي بينك وبينه
تركي اللي توهق وما وده يجيب العيد
تركي : شلون يعني
ابراهيم : ليه هتان طلع من المستشفى يصيح وانت كنت وراه؟ تفكر ما لمحتك؟
تركي : الله يعين يلا انا استأذن
ابراهيم مسك كتفه قبل ما يروح وتركي التفت عليه
ابراهيم : ان كان صاير بينكم شيء انت واخوي وانا ما عندي فيه علم ف قول لي من الحين احسن ما تزيد المشاكل بعدين واضطر اني احرمك منه
تركي اللي ناظر فيه بنظرات حاده : وانت وش مصلحتك من الموضوع
