راكان طلع من المبنى الكبير وتجاهل السيارات السوداء والشراطي اللي كانوا يحقرونه بنظراتهم وكأنه مسوي جريمه
واول ما طلع ووقف عند سياق المبنى تنهد بأعلى ما عنده
وحط راسه ع السور
شافوه تركي وسالم وراحوا ركض لعنده
سالم : راكان!
تركي : شصار بشر!
راكان : ولا شيء
تركي عقد حواجبه : شلون ولا شيء وانت جالس هالمده كلها داخل
راكان : حصل سوء تفاهم بس
تركي : اللي هو؟
- راكان ساكت
سالم متنرفز : بتعلمنا بالتفاصيل ولا ب الطم فمك
تركي دق سالم من كتفه وهمس : ورع اهجد
راكان ناظر فيهم ومشى رايح للسياره
ناظروه تركي وسالم
تركي : شفت كله منك يا حمار
سالم : شسوي يخوي ما احب الصبر
تركي : ها اص وسد حلقك
سالم : طيب لا تنفخ
وراحوا وراء راكان
تركي مسك كتفه ولفه : اسمع تراني اعرف اذا فيك شيء ولا متضايق تراني ولد عمك ماني ب احد غريب!
سالم : مهما كان الموضوع حن عليك لا تحسب انك لحالك
تركي دق سالم : معك معك وش اللي عليك
سالم : اوه معليش اقصد معك
راكان بحده : يعيال قلت لكم مافيه شيء
سالم : قل قسم
تركي دف سالم اللي مستحيل يصير جدّي في المواقف الجديه
تركي : يا بزر اهجددد
سالم رجع يناظر راكان وحب يمازحه : الكذاب وين يروح؟؟؟
- راكان قلب عيونه
راكان وهو ماشي : عند امك
سالم انصدم
وتركي ميت ضحك ع وجه سالم
سالم : اح ما توقعتها منه الحيوان
تركي : قلت لك خل عنك حركات المبزره
سالم قام يحك راسه
-
مهند كان حاط راسه ع فخذ هتان ويهوجس
وهتان يمسح على شعره
مهند رفع راسه : وش تتوقع راح يسوون في راكان
هتان رفع اكتافه ب ما أدري
مهند تنهد ونزل راسه ورجع يحطها ع فخذه
دق جوال هتان ومهند فز وعدل جلسته
هتان : هلا تروك
تركي : يا بعد عيون تروك انت كيف صحتك
هتان : بخير حبيبي
تركي : يا عساه دوم كنت ابي اعلمك انه تو راكان يطلع
هتان : صدق راكان طلع؟؟
مهند والابتسامه شاقه وجهه
تركي : اي طلع ولكن باين عليه انه متضايق وصاير معه شيء
هتان : ليه شفيه
تركي : راح للسياره ولا تكلم هذا وانا ولد عمه ولا علمني
هتان : تركي يا حبيب قلبي لا تزعل نفسك عطيه شوية وقت لين يرتاح ويقولك بعدها
