من بكره الصباح
صحى هتان وتجهز للمدرسه ولبس ثوبه وافطر واخذ شنطته ونزل
وهو نازل فتح جواله
ويشوف 55 اشعار من امس من ليث و 20 مكالمه فائته
وقف في مكانه وجلس يستوعب وفتح الرسايل يبي يشوف وش السالفه
وحصله كاتب "قابلني عند المدرسه"
هتان بدأ يتوتر وقرر يقفل جواله ولا رد عليه ونزل وافطر
وراح للمدرسه مشي
اول ما دخل للمدرسه وقف في وجهه ليث
*هتان يحاول يصده
ليث : تعال معي
هتان : بعد من طريقي
ليث : ابي اتكلم معك
هتان حط عينه بعين ليث
هتان : وانا ما ابغى!
ليث مسك يد هتان بقوه
ليث : بتجي ولا شلون؟؟
قاطعهم الاستاذ : يله يا ولد انت وياه على الطابور
ليث وهو متنرفز : يصير خير
وفك يد هتان ومشى
هتان مشى وهو ماسك يده متعور
* ليث كان ماسكه من يده المجروحه
-
عدى الوقت وجاء بعد الفسحه
والكل طالع لفصله
هتان يبي يروح لفصله لقى ليث عند الباب ينتظره
هتان تأفف يبي يدخل الفصل دفه ليث على وراء
*هتان ناظر فيه قلب عيونه
وتجاهل حركته وكمل طريقه يبي يدخل
ليث تنرفز
ومسك يد بقوه هتان ساحبه للمستودع
دخله داخل المستودع وسكر الباب
هتان : وش جالس تسوي خرجني!!!
ليث : ما راح تخرج لين نتكلم
هتان : ابي اخرج
وحاول يبعد ليث ويدفه .. ليث مسك هتان ودفه ع الجدار
وحشره في الزاويه
ليث : تبي تسمعني ولا شلون
هتان وهو يناظر تحت : ما عندي شيء اتكلم معك فيه
*ليث رفع راس هتان
ليث : بس انا ابي ابرر لك ان مالي علاقه باللي صار بين ابوي وابوك
- هتان يبي يتكلم
ليث حط يده ع فم هتان : ششش للحين ما خلصت
*وهتان يناظر في عيونه مستغرب
ليث مكمل : وقت ما كنت اكلم الضابط كنت اكلمه عن موضوع عمي ابوك
وكان يقول عن تفاصيل القضيه بس ما كان عندي علم من اللي رفع القضيه على عمي وما كنت ادري انه ابوي هو السبب
*هتان بعد يد ليث من فمه
هتان : ومع ذلك ما بيني وبينك شيء
ليث : يعني تبي تسحب علي؟
هتان : الاوضاع متوتره ومقدر اتكلم معك في الموضوع
اكثر من كذا
