INISTA : @ampreson
في بداية قصتنا راح اتكلم لكم عن الشخصيات الأساسيه
القصه تتمحور عن هذولي الشخصيات
-
" شخصية هتان "( عفوي وجميل وقلبه حنون ويحب الامان والاحتواء
ويقدّر الانسان اللي يعطيه كل الحب
ومن جوانب شخصيته
(حساس مره وقلبه رهيف ولا تفكر تزعله لأن زعله شين )
-
" شخصية تركي " ( قوي وطويل ووسيم ويحب الاكتفاء وما عنده مشكله يقطع علاقاته مع الكل عشان الشخص اللي يحبه )
ومن جوانب شخصيته
(عصبي وما يهمه احد ولا تجرب تلعب معاه عشان راح تتمنى الهزيمه بسرعه )
" شخصية ليث " ( حلو لكن بلاير يحب يلعب بمشاعر الشخص اللي قدامه ( سايكو )
من جوانب شخصيته
( يبي كل شي يمشي نفس اللي في باله يحب يستفزك بس لا تستفزه واذا حطك براسه راح يطبق عليك كل افكاره السوداويه)
ومع الاحداث راح تلاقون شخصيات اكثر
في يوم من الأيام وكان يوم طبيعي جداً
كان بطلنا هتان عمره ١٧ سنه جالس يعيش حياته بدون مشاكل وبعيد عن ضجة العالم دايم كانوا يسوون عزايم ومناسبات ولكن اغلبها هتان ما يحضرها لأن كان مشغول بمدرسته وما يحب زحمة الناس ويفضل يجلس لحاله بعيداً عن هروج القبايل اللي بالنسبه له هي تفاهات
وهتان كان يملك ٣ اخوان فقط (ما عنده اخوات) وهو كان الاصغر فيهم
- الكبير فيصل عمره ٢٦ وعلى وشك الزواج
- والثاني ابراهيم ٢٣ متخرج من الجامعه
- والثالث مهند ١٨ يدرس اخر سنه ثانوي
مرّت الايام وجاء موعد زواج اخو هتان الكبير فيصل
وكانت العايله متجمعه في الصاله وفرحانه ومبسوطه جداً بفيصل لأنه اول العيال والكبير فيهم راح يتزوج والكل يبارك ويهني فيما بينهم الأب والأم كانوا سعيدين في ولدهم لأنه راح يكوّن عايله ويبدأ حياه جديده ...
سليمان ( ابو هتان ) : مبروك يا ولدي على زواجك وعقبال ما افرح بعيالك واحفادك الله يجعلهم لك بالذريه الصالحه
مها ( ام هتان ) نطقت وعيونها مليانه دموع
: مبسوطه فيك يا اجمل عطايا ربي الله يجعلها حياه كلها فرح وسعاده عليك
سليمان : وانتي بس تصيحين يالغاليه من يوم ما تزوجتك وانتي ماغير تصيحين
