تواجهوا ونطق سليمان بعصبيه
سليمان (ابو هتان) : لا تطري اسمي على لسانك ف اقطعه لك
صقر (ابو ليث) : اقلها حشمني قدام العربان يا سليمان !
سليمان : حدٍ حشمه وحدٍ حشم نفسك عنه وانت ما تستحق الحشيمه
صقر بعصبيه : تفرقنا ارض وانا اخوك؟
سليمان : الله كان مغنيك وش اللي حادك ترفع علي قضيه؟
صقر : عشان كذا انا جايك ومتعني اطلب منك السموحه
سليمان بحده : عطني مقفاك واطلع بيتي يتعذرك
قاموا عيال اخوانهم من مكانهم منصدمين
ليث تدخل بصوت مرتفع : يا عم حشم ابوي قدام الرجال!
ابراهيم اللي رد عليه وهو مندفع : مب انت اللي تعلم ابوي الحشمه يالطقعان لا ادعسك
ليث : طلع خشمك عشان ما ادقه لك
ابراهيم اللي تقدم بعصبيه : لا تحدني ع الردى لا اساوي بك انت والارض سوا
مسكوه فيصل ومهند قبل لا يمد يده على ليث وحاولوا يهدونه
فيصل اللي راح عند عمه صقر : يا عم لا تخلي الشيطان يدخل بينكم انت وابوي تعال له بوقت ثاني
سكت صقر ولف على ولده : مشينا
وطلعوا من بيت سليمان
واللي بعد خروجهم هدت الاوضاع وكل واحد رجع لمكانه
مهند وهو يبي يجلس : قهر ليش ما تلكمه!!
هتان اللي دقه في كتفه : الا غصب تبي تزيد النار حطب!
ابراهيم وهو متنرفز : اهينه السلوقي وبكل ثقه يتكلم
والله لو ما كان ابوي وابوه قدامه ان ما كان خليت فيه عظم صاحي لكن هين الايام بيننا واجده
فارس اللي مسك يده ومسح عليها يحاول يخفف عنه
فارس : ممكن اكلمك شوي؟
ابراهيم اللي تنهد وهز راسه وقام معه
مهند نطق بسرعه : على وين لا يكون بترجعون لاشغالكم؟
فارس سكت وابراهيم اللي ابتسم بعد ما شاف وجه فارس معتليه الخجل
لف على مهند : انطم
ومشوا متوجهين لداخل البيت
