نبدأ الروايه عند بطلتنا وطن اللي اهلها توفو وهي تبلغ من العمر ٦ سنوات و عاشت مع عمتها بعد وفات امها وابوها لان مافيه احد مستقبلها حتى عمتها اللي كانت مو راضيه بس اخذتها وكانت تحس بنقص مع عمتها اللي كل شوي تبينلها ان انتِ يتيمه كنها هي اللي كان ودها تعيش معهم بس الظروف حدتها وتعامل بناتها معامله كويس الى هي وجبرتها انها تشتغل بثنوي بالمرحله اللي تحدد مصيرها وهي تعودت على ذي المعامله من عمر ٦ سنوات
-
صباح يوم جديد وبطلتنا بشغل تشتغل بحضانه اطفال والاطفال يحبونها وهي كانت تعرف تتعامل معهم
باليوم ذا جت طفله جديده للحضانه
وطن ما استغربت لان ذا شي عادي
شافت وطن ان البنت خجوله ووقت الالعاب جالسه بزاويه وماتبي تلعب راحت لها وطن
وطن:ياعيوني تعالي نلعب
ردفت الطفله اللي كان اسمها وسن انا خايفه ابي ارجع البيت
وطن:لا تخافين تعالي يلا انا بلعب معك ومسكت يدها ودتها الالعاب وبدت تلعبها انبسطت الطفله
وطن:شفتي كيف مافي شي يخوف
تبسمت وسن
خلص شغلها ورجعت البيت وهي تعبانه فتحت الباب وتشوف عمتها امل واقفه عند الباب تستناها
وطن:هلا عمه عسى ما شر
امل:والله ان الشر انتي
وطن اللي نزلت راسها
امل:وين الفلوس
وطن اللي اردفت لها وهي عينها بالارض حولتها لك فلوس شغلي كله والله معد معي شي
امل:بدينا استعباط ادري انك ماخذه نص الفلوس
وطن اللي سكتت لانها تعودت صحيح ان مب هي اللي اخذت الفلوس بس تبونها ترد وتتهاوش اكيد لا
طلعت غرفتها وهي والدمعه بعينها طالعت نفسها بالمرايه واردفت ياوطن لا تبكين مو على كل شي تبكين
كل شي بيحله ربي وطن اللي كانت مؤمنه بالله وانه بيطلعها من العائله ذي
-وعند عائلتنا الثانيه وابطالنا الثانين
البنات ملتمين حول بعض بالحوش يتقهوون واللي يسولف وللي يذب وللي تحش وماخلت احد وتسمعون صوت ضحكاتهم من الحاره الثانيه
جت لهم غرام وهي شايله صينية الشاهي
غرام:بنات تخيلو الوكيند ذا لازم نروح بيت جد بتكون فيه عزيمه امي قالت لي
غيم:احلفي وانا اخر من يعلم
غرام:اصلا توي اعرف
واردفت سما منجدك والله مالي خلق للعزايم
سهام:لازم نروح تبيون يقولون وين احفاد الجد مفلح ماجو
غرام:والله انتس صادقه لازم نعلمهم مين حفيدات الجد مفلح
هيام:بطلو عنصريه
والبنات جلسو يضحكون
عند العيال اللي جالسين بالاستراحه
عبدالعزيز اللي يقهوي عيال عمه
عبدالعزيز:سم
خالد:سم الله عدوك ياعزوز وينك عننا تراك قاطعنا ناسي ان عندك عيال عم شكلك
عبدالعزيز: ترا عندي حياه غيركم
عبدالله: اما ذا عبدالعزيز انت غيرت شخصيتك
خالد: شفت يا عبدالله شكل ذا مو ولد عمنا نبي الحقيقي
عبدالعزيز: لا كان عندي ضغط بشركه وابوي يبيني اشتغل معاه ويقول علشان حلال جدك مايروح
خالد:الحمدلله اني ما اشتغلت بشركه صحيح ابوي زعل مني بعدين نسى بس اهم شي مرتاح بوظيفتي
عبدالعزيز:احسن شي سويته
بدر اللي كان ماسك جواله ونزله بالارض واردف للعيال الجمعه بنزوح بيت جد بيسوي عزيمه
خالد اللي ناظر لعبدالعزيز واردف لا تقول عندي شغل
عبدالعزيز: لا ان شاء لله بجي
