-عند البنات
بعد العزيمه والكل تعبان ومنهلك هيام اللي فصخت كعبها ورمت على جنب وانسدحت على الكنب الله اشتقت انام
الهام:لا ياماما ماتنامين لما ننظف تبين ترقدين واحنا نكرف مافيه
هيام:ياخي انتي بذات عيب مفروض تقولين اختي خليها ترتاح مسكينه
الهام:اما انتي مسكينه!
غرام اللي جت تصرخ لهم خلاص ورا ماتسكتون!تتهاوشون على اتفه الاسباب
هيام اللي انصدمت ذا مو اسلوب غرام اردفت
غرام تعالي انتي وش سالفتك من العزيمه وانتي منفسه وبس متنحه وحالتك حاله قولي قولي
وغدير اللي اردفت بعد هيام ايه والله دخلت عليك المطبخ ووجهك مصفر
غرام اللي انصدمت انهم لاحظو ماتدري ان الكل لاحظ تغيرها واردف قلت لك مو حاره
غدير:لا ماتمشي علي مويه حاره!
غرام:خلاصص ليه ماسكيني قلت لكم مويه حاره وخلاص وراحت لغرفتها
غدير اللي تناظر بهيام وتنطق ذي وراها شي بس ماتبي تقول اذا قالت علمني
هيام:تهقين وش
غدير اللي فكرت واردفت مدري اتوقع احد زعلها وراها سالفتاً كايده
غرام اللي دخلت الغرفه وبدت تبيكي وتدفن راسها بالمخده وتقول في بالها انا وش خلاني اشرب مويه كان رحت مع البنات احسن لي
-عند العيال
اللي ينضفون الحوش وكل واحد فيهم محتاس
خلصو وحطو فرشه بحوش جدهم وجلسو وجابو ابريقهم وقهوتهم السعوديه اللي عبدالعزيز سواها
جلسو وتبدا سوالفهم واكثر واحد ساكت خالد اللي جالس ويهوجس من اول ماشاف غرامه عبدالعزيز لاحظ واردف انت مو على بعضك علمنا السالفه وبساعدك
خالد مستحيل يعلمه يعرف انه عصبي لو درا بيروح يذبح اخته او يسوي فيها شي خويه ويعرفه
اخذ نفس واردف مشكله بشغل وبيحلها ربي
عبدالعزيز:بتزين بتزين
عبدالرحمن:بعدونا عن الكئابه بالله بقولكم ابيات غزل
عبدالعزيز اللي ضحك واردف تلقون سارقها من جوجل
عبدالرحمن:اسمع واحكم سارقها من جوجل
عبدالرحمن تكه على المركه واردف
"اعشقك تفاصيلك وأهيم بملامحك صورتك
ياسبحان منهو رسمها تخطي على قلبي وقلبي سامحك بالضحكة اللي جعلني ماعدمها"
عبدلله:اخس اخس اخس منهو علمك عليها
اما خالد يتذكر شكلها ومشيتها تستاهل الابيات ذي لها
عبدالعزيز:صح لسانك
-عند وطن وفهد
وطن اللي جالسه تنهار من داخلها ومن برا خلاص مهي قادره تتحمل تصير شخصية البنت القويه واللي محد يقدر ينزل دمعتها بس ماقدرت ماقدرت
طالعت بالمرايه تشوف دمعتها على خدها وحالتها حاله جلست على السرير وهي تراجع افكارها واختارت ان تلبس فستانه علشان مايسوي فيها شي لبسته وكان راسم جسمها ومبين مفاتنها وخصرها حلو بس هي مب راضيه عنه ودها تنزله بس خايفه يسوي زي ماتسوي عمتها فيها جلست بالغرفه لما سمعت صوت دق الجرس وحست ان باب الشارع انفتح ودخلت على طول الصاله وقفت عن الباب ومتجاهله نظرات فهد لها اللي جالس ياكلها بعيونه جلست يتمعن على كل تفاصيلها يحفظها
نادتها الجده غاليه وسلمت عليها
الجده غاليه:وش هزين
ابتسمت وطن لان ماتدري وش ترد عندها الابتسامه رد او شكراً
الجده غاليه:شكلك صرتي رسمي زوجت فهد
وطن اللي تشرب مويه وشرقت فيها
وفهد اللي جنبها جالس يطبطب على ظهرها العاري ودها تصرخ وتقول بعد يدك عني بس ماراح تقوله قدام جده غاليه
ماداها وطن تنطق بكلمه الى وسن جايه تبيها ارتاحت وطن علشان تفتك من لمسات فهد واسئلة جده غاليه جلست مع وسن بالغرفه الثانيه وبدت تساعد وسن بالرسمه من خلصو الرسمه اردفت وسن: خلصنا شكراً اذا تبين تروحين عند جده
هزت راسها وطن بلا ماتبي تروح عشان ماتشوفه فهد
بنص جلستها وهي تقلب بالجوال تسمع صوته العالي يردف ياوطن امي تبيك
ارتعش جسمها من نبرته
راحت له ووقفت عند الباب الشي الوحيد اللي تقدر تسويه تلبي نداءه واردفت وسن تبيني ما اقدر اسفه ياعمه(تناديها عمه احترام)
الجده:وسن تعرف تدبر نفسها خليها تعالي اجلسي هنا واشرت مكان جنب فهد على طول
وطن اللي ماتحركت لما اردف فهد تعالي اجلسي يلا امي بتمشي
راحت وجلست جنبه هل مره لاصقه فيه وجلست تحرك برجلها بتوتر ويدها بدت تعرق ماصارت تسمع سوالف جده غالي من التوتر
اردفت الجده يعني خلاص صرتي زوجته مو عشان وسن ذا اللي كنت ابيه الله يوفقكم
وطن اللي تبي تنطق بلا ماصرت زوجته بس ما مداها فهد سبقهاا واردف للجده ايه الحمدلله شكراً يما انك جبتيها لي لولا الله ثم لولاك ماكنت اعرفها
ومسك يد وطن وضغط عليها
وطن اللي تحس لسانها مربوط تبي تتكلم بس ماتقدر
قامت وطن عشان تصب لها فنجال وتتنفس شوي وكيف هي محشوره جنب فهد
مسكت فنجال وصبتلها من القهوه السعوديه رائحتها الجميله ومنظرها الجميل وائحت البيت بن وهيل
جت بتنزل الدله لانها قهوت جده غاليه واردف فهد قبل لا تنزل القهوه قهويني ومد لها الفنجال
وطن بدت تطالع فيه ماتبي تصبلن عناد بس ردف الجده غاليه صبي لزوجك وصبت له
وهي تمدله الفنجال تلامست يدينهم اللي خلى جسمها يرتعش اكثر من رعشته
