~والعذر في بعض الاحيان مايلقى القبول في وسع صدرٍ تحمل زعل لين أمتلى~
-عند غرام و خالد
دخلت غرفتها بالمستشفى اللي كانت فاضيه ما اعطت ايت اهتمام توقعت انهم راحو علشان ترتاح
تقدمت لسرير المستشفى تجلس عليه بتعب وترخي راسها على المخده بألم وصداع.
قاطع ألمها صوت الباب اللي ينفتح بهدوئ فتحت عيونها تطالع جهت الباب
امها مبتسمه وشايله بيدها شاي اخضر
مدت الكأس ل غرام وهي تردف:اشربيه يهدي الاعصاب
ابتسمت بخفه غرام وصدت الكوب:مني مشتهيه.
رجعت الكوب على الطاوله وتقدمت تسحب لها كرسي لسرير غرام
جلست وابتسمت ابتسامه وراها شي
غرام عرفت ان امها تبي تقول شي
استقامت وجلست واردفت:ماما تبين تقولين شي اعرفك ترا
ام غرام مدت يدها ليد غرام تمسكها
بدّت تطبطب على يدها وتمسح عليه بخفه
استغربت غرام من تصرفهاا.
اردفت ام غرام وهي تناظر بيد غرام:ادري انك منتي قادره تتكلمين ولا ودك
غرام فهمت قصد امهاا
نزلت عيونها ل طرف السرير:الوقت مو مناسب
ام غرام:اذا الان مو مناسب مافي وقت مناسب
غرام تحاول تحبس دموعها لانها تنهزم قدام امها ولا تقدر تخبي عنها شي.
ام غرام لاحظت صمت غرام وشالت عينها من على يدها الى وجهها اللي منزلته ومدت يدها لدقنها ترفع راسها وتناظر بعيونها اللي ممتليه دموع
مسحت على وجهها:وش فيك يابنيتيي.
غرام كل الدموع اللي حابستها بثانيه نزلة شلالل ماتقدر تخبي عن امها شي تهزمها دموعهااا!
نزلت راسها لحضن امهاا تحس بالامان ودموعها اللي مازالت مستمره وصوت شهقاتهاا اللي تكتمها بصعوبه
رمت نفسها بحضن والدتها بدون لا تنطق بايت حرف
وكل ماطبطبت على ظهرها امهاا يزيد صوت شهقاتهااا كان ودها بذا الشي ترتمي بحضن شخص وتبكي
وتطلع كل اللي بخاطرها تبي تطلع دموعها اللي حابستها لها مده طويله بترتاح كثييرر
ام غرام تمسح على ظهر غرام ودها تاخذ كل همومها عنها:علمينيي وش صار
غرام رفعت راسها من حضن والدتهاا وبتردد وبسرعه علمتها وش صار علشان يروح كل اللي شايلته بقلبها من احزان وهمومم واشياء كثيرههه حابستها
وختمت اخر كلامها بشهقاتها و:تحرش فيني الكلب
واللي سمع اخر كلماتها عبدالعزيز ورا الباب كان شاد على يدهه بقهر يحسبب خالد ما سمع كلامها كاملل!
-عند وطن وفهد
وقفت عند الباب تدق الجرس
وفهد وقف وناظر بسياره اللي
عند الباب باستغراب ما تعود ان يجي عند امه ضيوف
وهو يلعب بمفتاح السياره
انتبه للباب ينفتح ودخلت وطن
سرع بخطواته ووقف جنبها
وطن ناظرت فيه ورجعت عيونها للباب
دخلو داخل وفهد بدا يتلفت يدور امه والضيوف
وانتبه ل امل طالعه من وحده من الغرف
عصب وعرف نواياهم وقف قدامهاا ووطن
اللي واقفه عند الباب ماتحركت
وقف قدامها ونطق بعصبيه:وش تدورون هنااا!!!
نزلت راسها:ضيوف امك
اردف بصراخ:اطلعي برااا ولا ابي اشوفك
الجده غاليه قامت من السرير وطلعت من ورا امل بعكازها وترجف يدينها:ياولدي عيب اللي انت جالس تسويه
ووطن اللي ساكته وتشوف المنظر من بعيد
فهد قرب من امه ومسك يدها:يما تكفينن وش يدورون ذولي عندك
الجده غاليه سحبت فهد من يده واشرت له على رغد اللي جالسه بزاويه الغرفه
فهد مسك راسه بعصبيه وغمض عيونه بقهر
ووطن مشت بخطواتها بهدوئ لهم
ووقفت جنب امل وضمت يدينهاا
وقبل لا ينطق بكلمه فهد امه سحبته لغرفه ودخلت وراهم وطن وقفلت الباب
تحت نظرات امل
دخلو على الغرفه وفهد معصب والارض مو جالس تشيله جلس على اقرب كنب وحط يده على راسه
يشد شعره بقهرر
جلست غاليه جنبه واردفت:علمني وش سويت فالبنيه
ناظر فيها فهد ويشيل يده من على راسه:ما سويت شيي صدقينيييي انا بقول كل شي صار
هزت راسها غاليه باستماع
تقدمت وطن وجلست قريب منهم واردفت:اسمعي اكاذيبه
لف جسمه لو وطن ورص على اسنانه من كلامها
ورجع ناظر بأمه من اردفت:تكلم
اخذ نفس عميق علشان يبدا كلامه:انا دخلت المجلس ولقيتها وراي..
وقبل لا يكمل كلامه تكلمت وطن:بس ذا الشي مايسمح لك تقرب منها.
ضغط على يده وناظر بوطن:بتخليني اتكلم ولا؟؟؟
ووطن اللي طالعت بالجهه الثانيه
فهد:ما مداني اقول للبنت اطلعي القاها منصرعه على الارض وتصرخ
ضحكت وطن باستهزاء
غاليه:بس البنت عندها ادله
وقفت وطن وناظرت بفهد:وتقول باثبت لك!اظاهر العكس صار
فهد اللي مو قادر يمسك اعصابه وعروقه برزت:شلونن عندهمم ادلهه من وين جابوها
غاليه نزلت عينها بالارض
فهد عرف ان امه صدقت رغد:لا لا ما عاش من ينزل عينك بالارض
غاليه:تبي تسمع شوري يا ولدي؟
هز راسه فهد
الجده غاليه متردده من اللي بتقوله بس مافيه الى ذا:البنت ذي لو ماتزوجتها..
كان بيقاطعها فهد بس اشرتله بيدها خلته يسكت
غاليه:اذا ماتزوجتها راح تفضحنه بالقبيله واحتمال ياخذون منا الشركه لو درو عمانك وانا مصدقتك وعارفه انك ماسويت شي غلط
