-عند فهد ووطن
نزلت تسوي حلا بعد ما تاكدت ان عمتها بتجي الساعه ٤
رفعت شعرها الحرير وبدت بتحضير الوصفه شغلت الايباد تشوف وصفة الحلا
وبدت بخلط المكونات تفاجأت بيد تحاوط خصرها من الخلف رمت الملعقه ولفت فهد اللي مزينه ثغره الابتسامه ولا زلت يده تحاوطها
وطن بقبقت عيونها:فهد بلا قلت حيا
فهد بابتسامه:وين قلة الحيا بالموضوع؟
وطن تاشر على يده المحاوطه خصره:كل ذا ومهي قلت حيا؟
بدا يضحك ودخلت عليهم وسن تنهي النقاش بعد يده فهد وخرج
ووسن قرب لها وبنبره طفوليه بريئه :ممكن اساعدك؟
وطن:اكيد ممكن
شالتها وحطتها على طاوله المطبخ
وبدا يطلعون مواهبهم على الحلا وصوت ضحكاتهم اللي ممليه البيت ولا تدري وطن ان بتتلاشه ابتسامتها عن قريب
خلصت الكيكه وشافت للوقت متاخر "٣:٤٥"رمت الجوال وراحت للغرفه تتزين وتوري عمتها انها عايشه افضل حياه حتى لو كان العكس
لبست فستانها الاسود وله فتحه من عند الفخذ يمثل قلب عمتها
وانحنت لتلبس كعبها اللي يطلعها رزه
ومحاولاتها بلبس عقد الالماس فتح باب غرفتها فهد ونظر فيها وشاف كيف مهي عارفه تقفل العقد برقبتها
وقف عندها وسحب العقد من يدها وهي تناظر فيه نظرات تعجب وانزعاج لف وجهها للمرايه
ويبعد شعرها الناعم ويلبسها العقد يبرز انوثتها وجمالها
رفعت عينها من المرايه الى وجههه تبتسم له ابتسامة شكر
وهو يحاول يبعد عيونه عنها مايبي يسوي شي مايعجبه ولا يرضيها بس مايقدر يتحمل لازم يتأمل وجهها السموح
رن صوت الجرس قاطع نظراتهم لبعض
فهد ترك وطن وطلع على غرفته مايبي يقابل اللي يزعلون معشوقته
-عند خالد وغرام
من شاف كيف فقدت املها بلحظه حاول يطمنها
عادي ننتظر للفجر امكن يجون ناس
غرام:وانا اقدر استحمل للفجر
خالد بنبره جاده:حاولي!!!
لفت وجههها عنه
خالد بدا يتلفت ويفكر ومافي عنده الى حل واحد يبيتون بالفندق اللي من اول مادخله وهو مو حاس براحه بس مافي الى ذي الخطه
ناظر فيها وهي منزله راسها بالارض:نبيت بالفندق ذا منه انك ترتاحين منه ان ننتظر للفجر
وقبل لا تقول ردها خالد لف وراح للفندق لحقته
وفروته على كتفها
دخل الفندق وبجنبه غرام اللي تتلفت وتوزع انظارها للفندق بقرف
والموظف يطالع فيها هي بذات ولا شال عينه عنها الى من سمع صوت خالد
خالد:ياخوي!
الموظف شال عينه وطالع بخالد
خالد:بستأجر غرفه
الموظف:فلوس؟
خالد بنرفزه:عندي ساعه
الموظف يبي يتكلم
فك الساعه خالد ورماها على الطاوله
وسكت الموظف ومسك الساعه وبدا يقلبها
الموظف:بس للاسف للاسف مافي الى غرفه وحده
خالد:شلون انا اشوف الفندق فاضي
الموظف رفع عينه:كل الغرف محجوزه
خالد هز راسه:طيب عطيني المفتاح
جت بتتكلم غرام خالد لا..
قاطعها خالد بهمس بعدين نتفاهم
اخذ المفتاح من الموظف واتجه الى الغرفه رقم"٢٥"
غرام وهي تطالع بكل زوايه للمكان:كيف بجلس معك مستحيل!!
خالد:بخليك تاخذين راحتك ماراح اجيك معليك
غرام اللي مو عاجبهه ولا تبي تجلس معه
فتح باب الغرفه وريحت الغبار فتح النور وهو حاط شماغه على خشمه:ذي مانسكنت ولا ايش
غرام تهوي ببيدها:الله العالم
