-عند البنات
اللي توهم خلصو التنظيف
غرام:بنات والله رجليني تكسرت احس اني دايخه
الهام:ياعمري رجلينك بس وانا جسمي كله مولع
الجده:والله انتكم ماجربتو حياتنا كنا نفرك البيت فرك
تدلعون تدلعون
هيام:شلون ندلع ياجده والله اني تكسرت كيف احضر العزيمه
الجده اللي تحرك بعصاها:لو ماتسكتين لا اخليتس تنضفين البيت مره ثانيه
الهام بهمس اسكتي يرحم امك
الجده:يلا وحده منكم تروح تسوي قهوه
هيام:خلي غرام قهوتها حلوه
غرام:خير ان شاء لله انا اخر مره سويت
الجده:هيام يلا قومي
غرام اللي تناظرها بنظرات انتصار
-عند العيال
اللي جالسين بالمشب بعد ماخلصو
عبدالعزيز:ليتني متزوج زي بدر
خالد اللي جلس يغمز
عبدالعزيز:ياهوو لا تروح نيتك بعيد بس عشان ما اكرف
سهم:ياعيال قومو سوو شاهي والله مشتهي شاهي على الجمر
عبدالعزيز:تبشربييي
سهم:كفوو ياولد العم
خالد:شكلي مني ولد عمكم
عبدالعزيز:افا انت تامريني
عبدالله:بجيب عودي عبال ما تسوي الشاهي
خالد:الله عليك الجو بيصير بطل
-عند وطن وفهد
فهد اللي نزل من تحت
واردف ما ابي انتو كلو بطلع وصك الباب بقوه وطلع
وطن اللي طنشت توقعت انه يسحب وما ياكل
وطن:يلا ياعيوني كلي علشان بنام
هزت راسها وسن بموافقه
ودتها تنام بعد ماخلصت اكل جلست بصاله
واكيد جلست تهوجس وكنها بدت تندم على جيتها
وطلعت صوره من جيبها هي الصوره الوحيده اللي تجمعها مع والديها حتى الصوره مو مبينه بس مستحيل ترميها ذي الذكره الوحيده لها
بدت تمطر دموعها ومسكت الصوره بيده وضغطت عليها كنها تعاتب تعاتب كيف تركوهاا!بذي الحياه لا سند ولا شي تسندت عليه يعينها بذي الدنيا اللي فيها من الناس الطيبه واللي ماترحم
-عند العيال
بعد ماخلص عبدالعزيز الشاهي وعبدالله جاب عوده
عبدالعزيز:شفتو شلون دبرت لكم مكسرات من داخل
خالد:كفو يلا وين عبدالله يعزفلنا
عبدالله :اختارو اختارو اغنيه وتبشروبي
عبدالرحمن:غن لنا يابعد حيي واجدادي
عبدالله اللي بدا يعزف ويطالع بالعيال يبيهم يتفاعلون
يابعد حيي والاجدادي
ارحم اللي صابت عله
ارحم اللي صابته عله
وان ذبحني ياعوض عادي..
العيال اللي كانو صمت وعبدلله يعزف والكل يفكر بمعشوقته
من يحاسب ياعوض خله
من يحاسب ياعوض خله
ياعوض هو غايته مرادي
لا تبسم والشعر فله
عبدالله اللي خلص وشافهم كلهم هاجدين واردف
شكل انوخذت قلوبكم ياعيال وبدا يضحك
خالد اللي اخذ نفس واردف ايه والله
عبدالرحمن:لا وين انا بعيد افكر بالاكل ياعيال جوعان
عبدالعزيز:كلن على همه سرا
عبدلله:انتبهو منه لا ياكلنا
-عند وطن و فهد
اللي تغارقت دموعها على الصوره والبيت فاضي وماتسمع فيه الى صوت شهقاتها اللي تحاول تكتمها
سمعت صوت قفل الباب ينفتح وتحاول تمسح دموعها بس ماقدرت كل مامسحت دمعه انزلت الثانيه وراها
اللي فتح الباب فهد ورفع عينه وطالع فيها وشوش
انتبه لعيونها اللي كانت مليانه دموع ورمشها الكثيف وعيونها الحلوه اللي تلفت كل منظر لها
وطن اللي تبي تبين قويه قدامه بس ماقدرت شافها وهي تبكي الحين بيستغلها
فهد اللي كان متجهه ناحتيها وكل مشيه يخطيها ينبض قلب وطن بالخوف ويرتعش جسمها
جلس جنبها واخذ نفس طويل
واردف انا مدري وش همومك ووش يصير فبيتكم اللي اعرفه وانتي تعرفين الله موجود بياخذ حققك ولا راح ينساه تحملي انتي وماله داعي الدموع
وطن اللي تحاول جاهده تمسك دموعها بس كلامها خلها تنهار من جوه اكثر قامت وهي مانطقت بأيت حرف ماتبي تبين ضعفها اكثر ولا تبي تنهار قدامه
كل اللي تبيه انها تطلع من ذا البيت بسلام
فهد اللي كان يطالع بمشيتها وهي رايحه الغرفه ولا شال عينه عنها لما دخلت وجلس يفكر بعيونها الحلوه ودمعتها اللي كانت على خدها والشي اللي يبي يعرفه من وش تبكي وش اللي بكاها بنص تفكيره
رن جواله اللي قطع تفكيره
