--عند وطن وفهد
وطن جلست بمكانها تبكي ولا طلعت من الغرفه
ندمت انها نظفت وعلى كل شي
ركت راسها على الدولاب والدموع تتظارف من عينها
وفهد دخل غرفته وقفل الاباب بأقوى ماعنده
كان وده يهاوشها اكثر ويعاتبها انها تدخل بشي مو لها
بس على قولة الشيله"انا الغلطان دام السالفه توصل مدامعها"
نزل ثوبه وطلع من الغرفه يحسب انها طلعت من الغرفه اللي هي فيها بس انتبه الاباب ماتقفل راح يمشي بخطواته للغرفه توقع انها جالسه تدور بصور زي ما شافها
بس لقاها متكيه راسها على الدولاب وجالسه بالارض ومغمضه عيونها والدموع على وجنتيها متغرقه وشاده على نفسها
قرب لعندها وجلس على ركبته
وبدا يبعد شعرها اللي على وجهها وانتبه لدموعها المتناثره ورموشه المبتله من الدموع
ورفعت يدها من حست بلمساته تمسك يده وتبعدها:وش تبي تراضيني بعد ماصرخت بوجهي
فهد بعد يده وتنفس:صدقيني لحظه غضب
وطن استقامت:لحظه غضب وباقي شوي وتضربني
شد على يده من كلمه "تضربني"مستحيل يسويها لو ايش
جت بتقوم من مكانها وتتركه
بس سحبها لحضنه طاحت عليه
وتبدا تنهار وتشاهق بين حضنه تحس انها ماتبي تقوم
لقت مكانها اللي تحس فيه بالامان
بدا يمسح على شعرها المنسدل على شعرها ويردف ب "اهدي" وكررها اكثر من مره
واللي خلى وطن تترتاح بين حضنه
رفع وجهه من على كتفه يطالع فيها وكيف دموعها مبلله وجهها وثغرها المورد من كثر البكاء وصوتها المبحوح
مسح على وجهها:لا تبكين يا ابوي انتي انا الغلطان
من شافها بتقوم اردف قولي وش يرضيك اوديك البحر انا حاضر من عيوني ذي قبل ذي بس لا تبكي
اشرت وطن على الباب
ناظر فهد وسن اللي واقفه تشوف المنظر وتتلفت بانحاء الغرفه تشوف صور امها تقدمت لصور
تجمعها هي وامها
فهد فز من مكانه يبي يطلعها من الغرفه مايبيها تحس بفقد امها علشان كذا يقفل الغرفه ذي يبيها تكمل حياتها
وسن وصلت لصوره وبدت تمسح الغبار اللي عليها وتبدا الابتسامه تحلي ثغرها رفعت الصوره وطالعت ب فهد اللي وصل لعندها
واردفت بكل طفوله:انت قلتلي ان ماما بمكان حلو صح؟
فهد بعد الصوره من يدها ورفعها شالها:ايه صح عليك تعرفين
وطلع فيها لبرا وهي عينها من شالت من الغرفه
ووطن وراهم تمشي بكل ندم
-عند البنات
جالسات جوت الخيمه يتمكيجون
دخلت عليهم غزل
غرام:الله جابك تعالي سوي الايلاينر عيه يضبط
غزل:مني فاضيه
غرام ترمي المنديل عليها:والله اني عارفه ما منك فايده
هيام فتحت عليهم الخيمه:بنات تخيلو عمي جاب الادبابات
اثير:لحد الان ماكبرتو
هيام:والله الدبابات محد يكبر عليها
اثير:مابقيتو شي للوراعين
غرام تأشر على نفسها:انا بكل ذي الكشخه اركب دباب
هيام:بكيفك محد جابرك ويلا خلصو بنجلس برا
البنات وهم ملتمين حول النار برا
الهام:جو قصص جن
غرام وهي تبعد:لا ياماما ارحمينا
اثير تضحك:ذي تخاف من ظلها تبينها تسمع قصص جن
هيام تصب الشاهي لهم:والله منجد وقتها
انا عندي ابو فانوس
غرام نطت بحضن اثير:الى ذا تكفين
اثير تدفها:المسافه الشخصيه مهمه جداً
هيام:ياويلي يالمبزره ذي تخاف تطفي النور عليها وهي نايمه اكبري
غرام تحاول تغير الموضوع:خل نلعب بدباب
هيام بدت تضحك:توك تقولين ماراح تلعبين
غرام وقفت: لا بلعب يلا
خلو عمهم سامي يجيب لهم الدبابات
سامي يحذرهم:انتبهو لحد يسرع ومحد يروح بعيد تفهمون وخصيصاً انتي ياغرام والله لو اشوفك تتعدين ذا الجبل ياويلك
غرام:معليك ماراح اتعدا
راح عمهم سامي
غرام:خل نتسابق
هيام تقلد طريقت كلامها:توك تقولين معليك ماراح اتعداه
غرام شغلت الدباب ورفعت عبايتها ولفتها على خصرها علشان ماتنقطع
واردفت ما اكون انا غرام اذا ماسبقكم
اثير:فكونا من ذي تكفون
بدو يتسابقون واولهم غرام اللي ماكانت تطالع وراها وتحسبهم وراها تعدت الجبل اللي حذر عمها سامي انها ماتتعداه بس خالفت كل شي قاله
وكل شوي تخف سرعت الدباب لما وقف
نزلت من الدباب على امل ان البنات وراها بس مافي احد بدا شعور الخوف يجيها وبدت تتلفت تدور مكان الخيمه والانوار لكن مافي اثر
حاولت تشغل الدباب اكثر من مره لكن كل محاولاتها فشلت
جلست بمكانها على امل احد يلقاها
ضمت رجلها لصدرها وبدت افكارها المتشائمه تحتل عقلها انها بتضيع ومحد يلقها ونهايتها بتكون بالبر
بدت تتلفت للمكان محتله السواد وما تشوف الى جبال حولها
انتبهت شخص اسود ماتشوف فيه شي جاي ناحيتها خافت تحسب انه شخص غريب
تحس انه لو درا انها بنت ولحالها بيسوي شي فيها ماتوقعت ان احد تعرفه ضمت نفسها زياده ودفنت راسها بين رجلها وتدعي ربها انه مو اللي فبالها
وماراح يسوي فيها شي وبدت دموعها تتظارف
بهدوء وبدون صوت وتحاول تكتم شهقاتها والسوال اللي فبالها "خلاص هذي نهايتي؟"
وقف الشخص ذا عند راسها يردف "غرام غرام"
اول ما سمعت اسمها رفعت راسها
ملامح خالد عرفته وقبل لا تردف بولا كلمه
بدا يعاتب:انتي هناا واحناا ندوركككك!!!
وقفت غرام على حيلها وبكل خوف ورجفه :رجعني تكفى رجعني ضعت
وقبل لا يكمل معاتبه انتبه لرجفتها وكيف كلامها كله خوف وتوتر سحب الفروه من عليه وحطها على كتوفها غطاها فيها:هدي انتي بأمان برجعك
مشت وراه وهي ساكته وهو يفكر اول مره يشوفها كذا خايفه وترجف قدامه ودموعها على خدها
وقف بمكان وسط البر وقام يتلفت ولف على غرام:احنا مو كنا هنا؟
غرام عرفت ان ضاع نفسها جلست على الارض منهاره
خالد سحبها من يدها وقومها واردف:اسكتي خليني اركز كفايه بكاء
غرام وهي تحاول تفك يدها:خلاص ذي نهايتنا
خالد
ضغط على يدها وقربها له اكثر:لا تقولين ناهيتنا لا تقولين باقي ورانا اشياء كثير اولها ماتزوجنا
غرام استوعبت قربه منها ودفته:وش قاعد تقول انت رجعنيي بس
خالد لف وكمل مشيه وهو معصبب
وصلو عند جبل صغير وتكى عليه خالد
واردف"اخخخ"تبين تعبه
غرام وقفت قدامه:مو وقتت انك تتعب خل نكمل
خالد جلس على الارض ومسك راسه:ليه ماتسكتين انتي!!!كفايه اني رايح مدورك
غرام:محد طلب منك تدورني!!!
لفت تبي تتركه وتمشي لحالها
خالد اللي ينادي عليها:وين رايحه
راح لها وسحبها من يدها يتجهه فيها الى الجبل:شكلك تبين تضيعين اكثر اجلسي بمكانك واكيد احد بيلقينا
