-افنان بنت عم فهد"شخصيه جديده"
تحقق فقضيه صعبه دخلت غرفتها ولقت اوراق وملف القضيه متناثره على سريرها
تنفست بعمق واردف متى احل ذي القضيه وطلع البنت المظلومه فتحت درجها وطلعت معدات القهوه حطتها على طاولتها وبدأت بتحضير القهوه السوداء برغم من مرارتها لاكن لذيذه وتحبيها
صبت القهوه بكوبها وجلست على السرير لبست نظارتها ورفعت شعرها على فوق وبدأت بمذاكره القضيه تبي تطلع البنت بأسرع مايمكن فوسط تركيزها دقت الباب اختها الجوري لكن افنان ما انتبهت لصوت الباب فتحت الباب الجوري واردف شعندك ماتردين اي صح وراك قضيه
نزلت الملف افنان:عندي قضيه مره صعبه ومافي شي مفهوم فيها مافي خيط
الجوري تقدمت وجلست على سريرها:علميني على القضيه امكن وانتي تقولينها يجي فبالك الحل
افنان: صار جريمه قتل فبيتهم المقتول صاحب اخوها علي مع بعض من سنين فيوم الحادثه كانت هي موجوده راحت تودي صينيته الشاهي امر من اخوها وشافت من الباب المردود هوشه بين صديقه واخوها والواضح كانت حاده مانعرف وش الهوشه بس لازم نعرفها لان امكن بتكون خيط لنا المهم وعلي باين عليه العصبيه وانه مو عاجبه كلام خويه لدرجه مسك ثوبه من فوق وشده وتحاول تلقط كلمات من هوشتهم بس ماقدرت سحب صديقه فنجال من الارض وجا بيصفقه بعلي بس علي صدها ومسك الفنجال ورماه على صديقه بدا راسه يصب دم وجلس على الارض و علي استغل ضعفه ويرفسه برجله وكان كل ذا تحت انظار البنت من الخوف والمنظر اللي شافته رمت الصينه بالارض وسمعها علي التفت وشافها والبنت خافت وركضت على الغرفه وقفلت الباب وعلمتني ان اخوها عصبي وكان يعنفها تحت انظار والديها وكانو راضين وعندهم الولد اهم من البنت والبنت مجرد عار
المهم خليني اكمل لا تبكين الولد خله التهمه على اخته قال انه صديقه حاول يتحرش فيها وهي ضربته
واهلها عارفين ان ولدهم وحتى شالو كل بصماته بس ولدهم الوحيد مايبون يستغنون عنه
وكلهم شهدو ضد البنت وانا مصدقه البنت لان واضح ان كلامها كله صح حتى ماترددت وهي تقوله
ولحد الان ماعندي ايت خيط له للاسف
-عند فهد ووطن
توهم دخلو البيت بعد سوالف طويله بينهم
وفهد اللي زانت له السوالف معها ولا كان وده يرجع البيت اردف لها ماودك نكمل سوالف
رفعت حواجبها:الحين لا بنام متاخر الوقت طولنا
فهد:بكيفك
دخلت غرفتها وهي مبتسمه بدا يجيها شعور ناحيته بس تحاول تتجاهل ذا الشعور لانها فتره وتروح وماتبي تتلعق فيه
"الصباح"
بالمطبخ تسوي فطور شالت صينيه الفطور بتوديها الطاوله لقت فهد متكي على الباب وضام يده ويطالع فيها اردفت له غريبه بتفطر معنا؟
هز راسه:ايه اليوم شغلي متاخر شوي
وعنك عطيني الصينيه اساعدك
وطن:كان قلت لي احسبك معنا بالاكل
فهد وهو ينزل الصينيه على الطاوله:مو لازم تحسبيني ماراح اكل كثير
وطن:اجل بجيبلك كوب
فهد:لا تعبين نفسك انا بروح
وطن ابتسمت
فهد:اليوم امكن اتاخر لا تنتظرون
وطن:فرقت انت دايم تتاخر
فهد:يعني مشتاقتلي
وطن طيرت عيونها فيه وهمست وسن موجوده
