العمر مع جنابك و العمر معك ما امله

" البارت الـ 30 "

قرأه مُمتعه يا نجوم لا تنسون النجمه ✨🌷💗💗💗.
البارت الـ ٣٠ ⬇️⬇️
—

وصلو آسـر و أمه و ولده المستشفى يسألون الريسبشن عن غرفة جود و توجهو لـها مُباشره دخلت امها وبكت من شافت راسها ملفوف عليه تنطق جود: امي حبيبتي والله مافيني شيء ليش يا عيون جود تبكين!
جلست جنبها وتاخذها بحضنها اكثر : بسم الله عليك يا امي وشلون صارلك الحادث ياحبيبتي !
جود : بسيطه يمه والله بسيطه
قبل آسر راسها : اخر الاوجاع يـ اخت الآسر بسم الله عليك يا عيوني ما تشوفين شر
ابتسمت تناظره : ما يجيك الشر يابو مساعد بعد قلبي
مد سعودي يده لها وضحكت جود : آسر !! خير ليش مدركه كذا جيبه بحضنه
ناظره آسر بنص عين : معاقب خليه عشان يبطل دلع
ميل سعودي شفايفه: انت مدلع انا رجال
آسر : ولا كلمه اوريك ما كملت عقابك انا خل نرجع البيت
مسحت خلود دموعها تناظر آسر بنص عين : اقول جيب ولدي خل الكلام الفاضي
نزله على السرير وقرب من جود يحاوط رقبتها و يقبل خدها يصرخ بحماس : جودي
قبلت خده تمسح على راسه : عيوني يا سعودي لبيه كيفك حبيبي ؟
ضحك مساعد من قلبه تعقد جود حواجبها وتضحك معه يضحكون آسر و خلود : وشفيك !!!!!
اشر على راسها : جودي لايك علاء الدين
ضحكت جود بذهول : تطقطق علي !!!!!
ضحك آسـر : شفتي شفتي و تقولين لا تعاقبه تستاهلين يا علاء الدين
ناظرته بنص عين تبتسم خلود : الله يحفظكم و يحميكم يا امي
دخل مساعد يناظرها وارتاح من شاف انها بسيطه يقرب منها يقبل راسها : بسم الله عليك يا ابوي الحمدالله على سلامتك
تنهدت جود تمثل الزعل : ابوي سيارتي !
هز راسه مساعد : ابشري بالعوض يا ابوي اهمشي بالحديد ولا فيك يا امي
نطق مساعد الصغير : جدي شوف جودي مثل علاء الدين عندها طاقيه
ضحك مساعد يضحك آسر من قلبه وضحكت خلود تنطق جود : سعودي !!!! انا برنسس مو علاء الدين
وقف على السرير يغني و و يتمايل بـ جسمه : جودي لايك علاء الدين جودي لايك علاء الدين
سحبته لـ حُضنها وهي تقبله بـ تكرار وهو يضحك من قلبه وقفت خلود تقرب من مساعد اللي اخذها تحت ذراعه ترفع يد على ظهره ويدها الثانيه على صدره يناظرهم آسـر ببتسامه و رجع نظره لـ جود و مساعد اللي يلعبون : بروح اجيبلكم قهوه و عصير وش تبون ؟
—

هياف: وخر انت وياه قلتلكم بنزل والله لـ اذبحها ولا تاخذه
بتال : اقولك بلا جنان مسوي سوبر مان على غفله فكنا من شرك وفكنا من المشاكل بس
هياف بقهر : والله ما تاخذه والله لـ اذبحها واذبحه واذبح عمري ولا ياخذها
سياف : هياف ابوي وجداني هني عشان ما تتزوج لا تخرب الدنيا الله يخليك لي
دفهم هياف وهو يفتح الباب وينزل دق الجرس وفتح رواف وقرب بتال يوقف على الباب برعب : داخل على الله ثم عليك ياولد اخوي تفكنا محد ناقص هياف محد ناقص
دفه هياف يدخل
'
تنهد البدر يناظر عقاب اللي تمم كُل شيء وحدد حتى الملكه وقف رسلان من خلى المجلس من عمانه ولا قعد فيه الا ابوه و خواله : ابوي والله ما ياخذها لو على قص رقبتي
عقاب : لا صار الراي رايك والبنت بنتك ذيك الساعه احلف على كيفك
تميم بقهر : كيف تغصب بنتك على واحد ما تبيه تراك ترميها بالنار ياعقاب !
عقاب بلا مُباله : بنتي وانا ادرى بـ مصلحتها
البدر : مصلحتها انك تسمع رايها وانا اخوك بنتك اللي بتعيش معه ماهو انت يوم انك تقرر على كيفك وتحكم على حياتها ، زين بنتي قبلها قلت مثلك انا ادرى بـ مصلحتها وقتها بنتي ما فكت فمها بكلمه تزوجت وعاشت معه بجحيم عشان ترضيني ولو ما دريت بنفسي بسوايا عبدالعزيز كانها للحين عايشه بـ هالجحيم والله اني ندمان على اني في يوم زوجتها بدون لا اشاورها موجعني قلبي على بنتي اللي ضيعت حياتها و الحين روح كم واحد تقدم لها ورفضته عشانها ما تبيه لان رايها المهم واناخوك مابيك تكرر الغلط نفسه وتندم بعدين
عقاب : كلامك على عيني وراسي يالبدر مير ولد اخوي ماهو مثل عبدالعزيز
وقف تميم بغبنه : الا مثله و العن نشدت عنه يوم انك تقول ماهو مثله ولا عشانه ولد اخوك منت بناشد !!
هز راسه بالموافقه : ما نشدت انا ادرى بـ
قاطعهم الصرخـه اللي جاتهم من داخل البيت يتعداهم رسلان و يدخل بسرعه يدخلو الباقين خلف رسلان وكانت الصاعقه رولان اللي طايحه بـ الارض بـ غرفتها و يخرج من فمها رغوه دليل التسمم شُلت اقدام عقاب اللي وقف يناظرها بذهول و رعب ، و قرب تميم يشيلها بين يديه وناظرها رسلان وهي بين يدين تميم اللي صرخ : رسلااان
ناظره رسلان اللي حاله ما كان بعيد عن حال ابوه ولاهو قادر يستوعب صرخ تميم بصوت عالي بـ اسم نياف اللي دخل وصد من شاف رولان كاشفه و بحضن تميم ينطق تميم : نياف السياره بسرعه
خرج نياف وناظر رسلان تميم ينطق بدون استيعاب : وين بتاخذها !
صرخ تميم بقهر : امش قدامي بسرعه طلع تميم وانهارت فجر بحضن البدر : ذبح بنتي ذبحها ياخوي ذبحها
طبطب البدر على كتفها : تعوذي من الشيطان واناخوك و عيني خير طيبه باذن الله طيبه
جلس عقاب على الارض ماهو مستوعب الوضع اللي حطهم فيه قرب منه رواف يحضنه ورفع عقاب يده على وجهه يحارب دموعه من حس انه كان على غلط بالفعل
ناظره البدر : عقاب واناخوك عين خير قم معي قم
ناظره عقاب ينطق بصدمه : ذبحت بنتي !!
تنهد البدر : صل على النبي قم معي
حط عقاب يده على راسه تنهار كل حصونه يبكي بقهر و بغبنه ما يصدق اللي صار كيف انقلب كل شيء في ساعات قليله والتفت البدر من شاف بتال دخل عليهم يعقد حواجبه ونطق : تعال
قرب بتال ياخذ عمته بحضنه وقرب البدر من عقاب يقومه و يطلع معه يركب مع عيال نياف يوصلونه للمستشفى و جلس بتال على الكنبه وعمته بحضنه ينطق : يا عمه عيني خير طيبه بنتك ان شاءالله
فجر بقهر : هو اللي ذبحها هو اللي خلاها تنتحر حسبي الله عليه بخلعه والله اني بطلقه وانا بنت فهاد
طير بتال عيونه : لا اله الا الله عيني خير يا بنت الحلال وش خلعه وش طلاقه
وقفت : قم ودني لـ بنتي يا بتيل قم
عض بتال شفته : يا عمه انتي ارتاحي باذن الله انها طيبه قومي معي اوديك بيت نياف
بكت فجر : اقولك ودني لـ بنتي
بتال : طيب طيب مشينا
وقفت فجر تتوجه لـغرفتها تلبس عبايتها و رفع جواله على اذنه ينطق بصوت خفيف : الو دُره
دُرر: علامك تتكلم بشويش هياف فجر فيهم صح !!
بتال : عوذه ، اسمعيني زين رولان تعبت شوي وعمتي راسها والف سيف تخلع عمي عقاب
صرخت بذهول : ايشششش!!!!
بتال : انطمي قالت لي ودني المستشفى وانا لو وديتها ولع ابوي فيني مير بجيبها لكم وانتم تصرفو استقبلونا عند الباب
دُرر : وشفيها رولان !!
رفس بتال الكنبه بغبنه : اقولك عمتي تقولين رولان خليك من رولان طيبه باذن الله ، كلهم راحو معها المستشفى غسيل معده و امورها طيبه تحب الاكشن بنت عمتي الله يصلحها
طيرت عيونها بذهول : انتحررتت !!!!!!!
قفل بتال بوجهها يلتفت لـ عمته اللي جات يخرج معها ومع رواف
—