Depression Plutus (Curse #4)

CHAPTER 1 The Ritual

This chapter is dedicated to miss_sincerelyyours sa kan'ya ko nakuha second name ni Ottilie ❤️

A/N: Pakibasa po muna ang book 1 to 3 bago mag proceed sa story na 'to dahil hindi maiwasan ang spoiler from previous stories, makinig po kay ottor, mawawala ang thrill sige kayo.

As in Major Spoiler.

*Follow me on my Social Media Accounts for updates! ❤️🥰

Fb: (@Lunatella1) https://www.facebook.com/share/1EHk6rmMep/

Tiktok: (@authorlunatella) https://www.tiktok.com/@authorlunatella?_r=1&_t=ZS-98N2hfSBrwj

OTTILIE VIRSES POV

Nang sumapit ang hating-gabi, nabalot ang sala ng liwanag ng mga kandila. Mag-isa akong naka-upo sa sofa dito sa aking sala habang may nakapatong na mabigat na libro sa hita ko.

"This is it," kabado kong bulong sa sarili ko. "Kaya mo 'to, Ottilie."

Napapalunok ako sa bawat hagod ko sa lumang pahina ng librong may katandaan na. Bahagyang nanginig pa ang mga daliri ko habang dahan-dahan na binuklat ang susunod na pahina.

Napabuntong-hininga ako ng makita ang mga komplekadong mga diagram na dapat kong sundan.

The magic circle spread across the paper, full of twisting lines and strange symbols that made my head spin. Even the ink looked alive, pulsing like it was warning me to stop.

But I couldn't.

Kailangan ko lang sundin ang instruction sa libro, pagtapos nito makakausap ko na ulit si Daddy.

Madami akong hindi nasabi sa kan'ya dahil sa biglaang pagpanaw nito, kaya araw-araw akong kinakain ng konsensya ko. Pumanaw si daddy nang may sama ako ng loob sa kan'ya, kung alam ko lang sana, hindi ko na sana siya inaway pa noon.

Labis ang tuwa ko ng may makita akong libro sa kwarto ni daddy habang nililinisan ko ito. May pagkakataon na ako para humingi ng tawad kay daddy, kaya hindi na ako nagdalawang isip na gamitin ang black magic na nakasulat sa libro. Mahigpit na ipinagbabawal sa batas ng witch tribe ang paggamit ng dark magic dahil lubhang delikado ito.

Wala akong karanasan sa paggamit ng magic, pinag-aralan ko pa itong mabuti. Anak lamang ako sa labas ng daddy ko. Ang nanay ko ay isang mortal. Nang ipanganak ako, mas pinili ni daddy na palakihin ako sa mortal world. Ayaw na ayaw ni daddy na gamitin ko ang gift na meron ako sa kahit na anong paraan.

Nang malaman ng tunay na asawa ni daddy na may anak ito sa ibang babae, kinulam nito ang nanay kong mortal na naging dahilan ng pagkamatay nito. Nang mamatay si mommy, kinuha ako ni daddy at dinala dito sa mundo ng mga witch.

Doon ko nalaman na may nakakatandang lalaki pala ako na kapatid. Dalawang taon lamang ang tanda nito sa'kin at hindi kami close. Hindi naging maganda ang trato ng madrasta ko sa'kin, kapag wala si daddy doon niya ako pinapahirapan, ginugutom at kung ano-ano pa.

Tiniis ko lahat ng iyon dahil wala naman akong ibang matutuluyan at hindi ako pamilyar sa mundo na ito. Kaya nang tamaan ng malubhang sakit si daddy inaway ko ito, sinumbatan ko na paano na lang ako kapag nawala siya. Ang akala ko, kapag sinabi ko iyon ay magpapalakas muli si daddy at malalabanan nito ang sakit niya ngunit nagkamali ako. Hindi na kinaya ng katawan niya at pumanaw.

Nang mamatay si daddy, makalipas lamang ang ilang araw may dumating na isang abogado sa bahay at sinabi na may ipinamana daw sa'kin ang daddy.

Doon kami nag-away ng step-mom ko. Gusto niyang ibigay ko sa kan'ya ang bahay at ibenta ito, pangbayad daw sa lahat ng ginastos niya mula sa pagpapagamot kay daddy hanggang sa pagpapalibing dito.