ياقريب ويابعيد فيك امسي وحاضري

الجزء/٢٥

-
-
مسح على ملامحه ثنيان يناظر فيها:وانا اكثر انسان اعرف وش معنى الجرح الي تعرضت له غاده وعشان كذا لازم ندخل نحاول نغير جوها ترا مايعورها كثر انك بكيتي بجية روح عليها هي مو فرحه لجية روح انتي امها انتي الي تستحقين كلمة امي منها صدقيني غاده تبيع الدنيا وتشتريك وتشتري اللحظة الي اخذتيها فيها انتي شي كبير في حياتها وفي حياتي انا الي قضيتها ابحث عن غاده والله ويشهد الله على كلامي لو ادري انها معك ماكان تعبت نفسي بالبحث عن غاده ولا خوفي عليها الي ماكان له داعي دامها كانت عندك انتي عوض الله لغاده.
هيله ناظرت فيه وابتسمت من حنية كلامه:وانت عوضها الثاني ثنيان الحمدلله انك ابو روح.
اتسع مبسمه من حلاوة الجمله"الحمدلله انك ابو روح":ايه والله الحمدلله.
وقام من مكانه يناظر فيها:يلا خالتي قومي طولنا عليهم.
هزت راسها:جايه روح انت.
هز راسه ومشى يرجع لغاده واحلام
.
.
« بعد ساعات بالطياره »
كانت تتأمل السحاب من الشباك وتفكر بحياتها عمرها كله كانت تعيشه بفقدان الشغف بكل شي حولها ماتحس بطعم اي شي يصير حولها من الي عاشته لكن عاشت حلاوة حياتها مع مشاري تحسه يعطيها بدون ياخذ منها شي عمرها ماتخيلت ان فيه شخص يعطي بدون ماياخذ لفت و دموعها على خدها تشوفه نايم من تعبه رفعت كفوفها تمسح دموعها رغم ان الاشياء الي يسويها مشاري اشياء صغيره وعاديه بعين اي شخص الا هي لان بإختيار غلط من امها تركها هي وغاده مايحسون بقيمة انفسهم وانهم يستحقون اشياء اكبر وافضل صارو يستنكرون اشياء بسيطه الكل يقدر يسويها تأففت تمسح دموعها وفتحت جوالها تحاول تشغل تفكيرها بأشياء اخرى وبالفعل انشغلت بخبر حمل غاده الي تركها توسع عيونها بذهول عضت شفايفها تخرج من السناب تشوف كم باقي لهم على الوصول وبالفعل ماكانت الا ساعه ويوصولون بهالاثناء حست بحركه مشاري عندها وبالفعل فتح عيونه يناظر فيها:وصلنا؟
هزت راسها بالنفي:لا باقي ساعه.
هز راسه ومسح على ملامحه بتعب يعدل جلسته وفتحت جوالها جود توريه:صرت خاله روح جت.
ابتسم يناظر فيها:الحمدلله على سلامة روح ياخالتها.
رق قلبها تعض شفايفها بإبتسامه:متى بنرجع.
رفع حاجبه:تونا ماوصلنا تسألين عن الرجعه.
ضحكت جود:تحمست عشان روح.
تكى على كوعه يناظر فيها:روح من اول ماجت اخذت قلبك ياحسافه علي قعدت سنتين احاولك.
ناظرت فيه بإبتسامه:والله اخذت قلبي بدون حتى ماشوفها.
.
.
« جده »
كان واقف مع احد الاطباء ويسولف معه عقد حجاجه يشوفها تمشي بخطوات سريعه بإتجاه الباب لف للطبيب:اعتذر بروح عندي شغله.
هز راسه الطبيب وركض هو من عنده يلحقها ردد اسمها لاجل يوقفها:غلا غلا وقفي شوي بكلمك.
وقفت غلا ولفت عليه بحماس:ايش؟
ناصر ناظر فيها:وشفيك طالعه تركضين؟
غلا تنهدت بإبتسامه:غاده زوجة ثنيان ولدت اليوم الصباح بنوته وانا طالعه بروح لهم.
ابتسم لفرحتها:تعالي انا اوديك.
عضت شفايفها تناظر فيه:خلصت شغل؟
هز راسه:خلصت الشفت حقي من قبل نص ساعه بس المهم بنزل الابكوت وابدله لثوبي ونطلع طيب؟
هزت راسها تمسك كفه الي مده لها حست بالخجل يجتاحها لانه ماسكها ويمشي معها بوسط المستشفى انظار الاطباء والممرضين عليهم وهالشي يتركها تخجل جدا
.
.
« المستشفى »
ابتسم ثنيان يشوف روح بفخذ ابوه الايمن وفهد بفخذه الايسر ومنهار على احجامهم
خالد لف لثنيان:معليش اخوي شوف نظرات فهد لروح هذا وهي ماكملت يوم حتى مغرم الولد ترا روح لولدنا.
ثنيان ضحك يرفع حاجبه:روح تكبر وتختار هي.
سلطان قاطعهم يبتسم:الله يكثر احفادي.
رفعت كفوفها احلام:امين يارب ياكريم.
ابتسمت غاده تشوف فرحتهم بروح وفهد ولفت تسمع طرق الباب ودخلت غلا تعلمهم بوجود ناصر:ناصر معي.
دخل ناصر وتقدمو له ثنيان وخالد يسلمون عليه وناظر فيه سلطان:اعذرني شايف الي بحضني.
تقدم له ناصر يبتسم:انا اجيك احب راسك ياعمي.
وبالفعل قرب يقبل راسه ويسلم عليه ومن بعد مانتهى سلم على احلام الي جالسه بعد
ونطقت احلام بحب:ماناقصنا غير رغد وفاتن.
هز راسه ثنيان وهو يصب القهوه لناصر:ايه والله كلموني رغد وراكان قبل شوي يقولون بنجي معهم كلهم الخميس ان شاء الله.
لفت لهيله الي شدت على يدها:تعبانه ماما؟
هزت راسها بالنفي غاده تبتسم من حنيتها:دامك موجوده جنبي ماتعب.
ضمتها هيله من جنبها وقبلت راسها:الله لايحرمني منك.
نطقت غاده تتنهد:ولا منك.
لمحهم ثنيان من بعيد وميل شفايفه بإبتسامه
عضت شفايفها غلا تسمع سؤال ابوها لناصر:حددتو زواجكم؟
هز راسه ناصر:ايه شفت ان لنا فتره مملكين والاوضاع تمام الحمدلله هي مستقره وانا مستقر وش يمنعنا حددناه بعد شهرين بإذن الله.
هز راسه سلطان وابتسم لغلا:الله يوفقكم ويجعلها زواجة الدهر.
.
.
« برشلونه اسبانيا »
خرجو من المطار على نسمات الهواء البارده ورذاذ المطر الي ماكان يهطل بغزاره ابتسمت بحب:كيف جت على بالك اسبانيا!
مشاري ابتسم:لو اقولك بتنصدمين.
رفعت حاجبها بفضول:قول.
بلل شفايفه مشاري:زميلي بالدوام مدحها لي قبل سنه وكنت حاط في بالي اني اسافر لها انا وانتي.
ابتسم يناظر في ذهولها:ايه نفس الي في بالك قبل توافقين علي.
عضت شفايفها تبتسم:كل مره اعرف شي عنك يصدمني.
رفع كفوفه يوجهها للسماء:يارب صدمه ايجابيه مو سلبيه.
هزت راسها بإبتسامه:ايجابيه لاتخاف.
.
.
« بعد مرور شهرين في جده »
كانت جالسه بسريرها تتأمل ثنيان الي شايل روح يلعب معها:ثنيان عمرها مو حق لعب ترا!
ابتسم ثنيان يقبل خد روح:ماما بدت تغار تعالي نرجعك لها.
عضت شفايفها غاده بإبتسامه تشوفه جابها لها:اغار من بنتي ماسويها بالعكس نغرقها حب وحنان.
جلس جنبها ثنيان يحاوطها:نغرقها حنان وحب هي واخوانها ان شاء الله المهم ودك نطلع انا وانتي وروح مشوار؟
عقدت حجاجها تناظر فيه:الحين؟
هز راسه:مشوار بسيط ونرجع طيب؟
هزت راسها غاده:جيب لي عبايتي معك.
.
.
« بعد نصف ساعه »
لانت ملامحها تشوف المكان الي توقفو عنده هي اخر ثلاث شهور من حملها اخذت راحه من الشغل ومن كل شي حتى الارض الي كتبها بأسمها ثنيان ماشافت اخر مستجداتها رغم انها صممتها وبدو الشغل فيها من زمان لكن نست امرها بجية روح والان هي قدامها جاهزه للسكن ومن حلاوتها لفت لثنيان بذهول وابتسم ثنيان:خرافيه غاده اقسم بالله لمّا كلمني سعود بإنهم انهو الشغل جيت بدون عقل اشوفها انبهرت بجمالها وجمال تصميمها.
عضت شفايفها بفضول وفتحت الباب تنزل وروح بحضنها ومشى ثنيان يوقف عند الحارس يأمره بفتحها وبالفعل فتحها يدخلون رغم ان الفيلا هي الي جهزت فقط باقي نصف الارض يبنون فيها الا انها كانت  خياليه بكل تفاصيلها ابتسمت غاده تشوف صنع يدها بإنبهار رغم انها توقعت بيطلع شي حلو بس ماتوقعت بهالجمال كله نزلت نظرها لروح وابتسمت تقبلها:شوفي روح شوفي شغل ماما.
حاوطها ثنيان:الله يبارك لنا فيها ومتأكد ان شاء الله بعد ماتخلص كامل الارض بيطلع شي خيالي.
وكأن هذي اللحظات مرت بلمح البصر بمرور سنوات عده تصدف انهم متوقفين بنفس الوقفه هذي وبدال وجود روح فقط صار عندهم سلطان الي يصغر عن روح بسنه فقط وتتليهم سمو الي اصغر منهم بأربع سنوات
.
.
« بعد مرور سنوات عديده اصبحو فيها عيالهم بطولهم »
ابتسم يحاوط روح ودخلو للفيلا ومر في باله وقفتهم هو وغاده لكن بدال ماكان محاوط غاده الان محاوط روح النسخه الاخرى من غاده:كيف كان اول يوم شغل؟
ابتسمت روح تقبل يده الي حاوطها فيها:مره حلو وحسيت بطاقه حلوه.
خرجت سمو من المطبخ وبيدها كوب قهوتها عضت شفايفها تشوف ابوها محاوط روح ويمشي معها للصاله:ماما فوق مع سلطان تهتم فيه وانت مع روح انا من لي!
فتح ذراعه ثنيان وابتعدت روح عن حضنه تخلي المجال لسمو تحضنه وبالفعل تقدمت له سمو تحضنه مسح على ظهرها بتساؤل:انا وامك مانفرق بينكم ليه حسيتي بهالشي!
روح تكتفت بإبتسامه:بابا سمو دلوعه لاتعطيها مجال.
هزت راسها سمو تناظر في ثنيان:حبيبي انت ماتقصرون انتم كنت امزح.
هز راسه ثنيان ونطق بإستغراب: ليه امك تهتم في سلطان فيه شي؟
هزت راسها سمو:تعبان فيه حراره.
كان بيقوم لكن غاده نزلت وخلفها سلطان نطق يشوف تعب سلطان الواضح عليه:سلامات عسى ماشر؟
سلطان تقدم له يقبل راسه ومن بعدها جلس:ماشر بس تغيرات الجو وماتسوي اكلت بنادول واحس اني احسن.
هز راسه ثنيان ولف لغاده الي جلست جنبه تسأل روح:كيف كان اول يوم شغل ماما روح؟
ابتسمت روح لها:حلو مره انتي قلتي لي اذا بيئة العمل ناسبتك بتبدعين صح.
هزت راسها غاده بإبتسامه:واعجبتك بيئة العمل.
هزت راسها روح:مره كلهم متعاونين ورحبو فيني بشكل حلو حبيتهم.
غاده اخذت فنجالها من سمو الي صبت لها قهوه ونطقت لروح:حلو عساك دايم مرتاحه.
روح ابتسمت لها:امين ياروحي.
ثنيان لف لهم:بكره فيه عزيمه بمناسبه سلامه فهد ولد خالد.
لانت ملامح غاده تلف عليه:ليه اشبه فهد؟
عض شفايفه سلطان لانهم خبو عليهم كلهم الي ان صار بخير ونطق ثنيان يهديها:ماعليك حادث بسيط وطلع منه بخير.
عضت شفايفها سمو بذهول وحست بنظرات سلطان اتجاهها رقعت خوفها تنطق: هالويكند هم عندنا كان بخاطري نروح للرياض وحشتني.
ابتسم ثنيان يلف لغاده:بنتك خالفتك.
هزت راسها بإبتسامه تفهم قصده ولفت روح بفضول:ايش بابا؟
ثنيان رفع حاجبه:امكم كانت تكره الرياض كره اعمى.
سلطان وسع عيونه يناظر في امه:افا يمه فيه احد يكره نجد العذيه.
ناظرت فيهم غاده ينتظرون ردها:كنت اكره الذكريات الي تصيبني لمّا ازورها بس لمّا واجهت هذي الذكريات ماصرت اكرهها عاديه عندي.
شد على كفوفها ثنيان يعض شفايفه من سؤال سمو:ليه وش ذكرياتك هناك؟
لف سلطان لسمو:امي كل مره تعيد قصتها كانت تخاف يمه هيله تعرف انها من الرياض وتبحث عن اهلها ماكان ودها تترك امي هيله.
روح كانت تتامل امها وابوها ونظراتهم لبعض يمكن هم كبرو لدرجه صارو يفهمون اهلهم ومتأكده ان فيه سبب خلف ذكريات امها المؤلمه وخلف هالنظرات من ابوها لامها تعبر عن اسفه لانه فتح هالموضوع
نطقت غاده تكتم داخلها:بدخل اتجهز وانتم يابنات يلا قومو عشان تتجهزون بنروح بيت امي بعد المغرب.
مشت من عندهم ماتترك لهم مجال بالرد عليها ولفت سمو لابوها:ماما زعلت؟
هز راسه بالنفي ثنيان:يمكن تضايقت شوي تعرفونها ماتحب هالطاري.
قامت روح من عندهم وقامت خلفها سمو يتركون ابوهم وسلطان لوحدهم
ولف سلطان لابوه:اليوم داومت بالعياده؟
هز راسه ثنيان:جيت ساعتين وطلعت كان عندي شي مهم اخلصه انت قالو لي خلص الشفت حقك.
هز راسه بالايجاب سلطان:ايه طلعنا انا وعمي طارق بنفس الوقت.
.
.
« جناح ثنيان وغاده »
طرقت الباب ووقفت لثواني تنتظر رد امها لكن ماوصلها رد فتحت الباب ودخلت للغرفه تدورها بلعت ريقها تشوفها جالسه بالبلكونه مشت بجهتها وحاوطتها بيدينها تقبل راسها ابتسمت غاده تقبل كفوف روح الي محاوطتها فيها:سمي ماما ايش بغيتي؟
روح شدت عليها بحضنها:مابيك تزعلين ابدا.
دخلت سمو الي كانت تراقبهم من بعيد وقربت تحضن امها:كلنا ماودنا تزعلين.
غاده رق قلبها:كيف ازعل وعندي انتم تشوفون يحق لي الزعل؟
تكتف ثنيان بإبتسامه يسمعهم ونطقت روح تقبل راسها:وعشان حنا موجودين مانسمح لك تزعلين.
هزت راسها سمو تشد على كفوفها وناظرت في ابوها الي واقف يتأملهم:بابا جاء نخليكم لوحدكم الحين.
مسكت كف روح تاخذها معها ومشو يخرجون مسحت دموعها غاده وقامت تبتسم لثنيان:احُبهم.
اتسع مبسم ثنيان يقرب منها:وانا احبك انتي.
فتح ذراعينه لها وتقدمت تحضنه قبل راسها يحس بتنهيدتها في حضنه:بناتك صارو يحسون فيك اكثر مني وهذا مايعجبني والله.
ناظرت فيه وعضت شفايفها تبتسم:تتذكر لمّا كنت تقولي تغارين من روح صرت انت الي تغار مو انا.
ثنيان ابعد خصلة شعرها يتنهد:ماهقيت بتحبينهم اكثر مني.
رفعت حاجبها بإبتسامه ناويه ترد لكن قاطع حروفها يقبلها
.
.
« الرياض »
دخلت للبيت ونزلت طرحتها على كتفها تشوفهم جالسين بالحديقه وجدتها الي جالسه بالكرسي المتحرك حقها
ابتسمت سحر تشوفها:ياهلا امي مَلك.
مَلك ابتسمت لهم:اليوم زايرينا يبه نايف وامي سحر.
نايف ابتسم يهز راسه يشوفها تقدمت تسلم عليه ومن بعدها راحت تسلم على سحر:اشتهينا نسير عليكم لكن امك وابوك ابطو علينا.
مَلك سلمت على مناير وناظرت في جدها:غريب بدخل اقولهم.
نايف:لا لا خليهم بس تعالي بناخذ علومك.
هزت راسها مَلك تنزل عبايتها وجلست معهم:سم.
نايف ناظر فيها:وينه اخوك طلال عتبان عليه بالحيل مايقول عندي جد ازوره!
عضت شفايفها مَلك:جدي ماعرفت طلال للحين زين نشوفه بالبيت.
خرح مشاري بهاللحظه وخلفه جود وابتسمت مَلك تشوفهم:هذاهم ماما وبابا جو.
جود نزلت صينية القهوه عندهم ولفت لهم:مشاري فجأه قال جهزي الاغراض بنمشي لجده الليل عشان كذا تأخرنا اعتذر.
لفت لهم مَلك بذهول:بنروح اليوم؟
هز راسه مشاري:نروح كلنا ان شاء لؤي ومناهل هناك اساسا وكلمني سلطان يقول بكره مسوي عزيمه كبيره لسلامة فهد ولد خالد.
سحر عضت شفايفها:ايه كلم نايف يعزمه عاد عساه بخير الولد يقولون الحادث ماكان خفيف.
مشاري:الله ستر والله سيارته رايحه فيها بس هو جاه كسر بذراعه وشوية رضوض على كلام خالد.
نايف كشر بضيق:الله يشفيه ويخليه لامه وابوه.
مناير:امين يارب والله انه شي يفجع.
مَلك ناظرت في ابوها:طيب بابا بنروح سياره ولا طياره لاني بنهار اذا كانت سياره تعرف ماحب.
ابتسم مشاري لها:وعشاني اعرفك يالدلوعه حجزت تذاكر لنا كلنا على راس امي وسحر ونايف اذا كان ودهم.
حضنته من الجنب مَلك بإبتسامه:احبك.
حاوطها مشاري يقبل راسها:وانا احبك.
دخل طلال وابتسمت جود لدخوله:ياهلا امي ياهلا.
.
.
« جده الساعه 7:00 في بيت هيله »
كانت واقفه عند الشباك تشوف امها ولمى وجدتها هيله الي جالسين بالحديقه ينتظرون العيال وبالفعل دخلو كلهم ومعهم فهد يسندونه عضت شفايفها من شكله ورضوض وجهه الي توضح لهم ان الحادث ماكان سهل ابدا شافت كيف هيله بدأت تعاتبه وماكانت اقل من امها بالعتاب له تحركت من مكانها بخوف لمّا حست بهمس قريب من اذنها:سمو وش موقفك هنا!
سمو مسكت قلبها بخوف:اوف روح خوفتيني.
روح رجعت شعرها لخلف اذنها تشوف الي كانت تشوفه سمو وكشرت من شكله:اح ماتوقعت الحادث قوي كذا.
سمو هزت راسها تلف عليها:والله مره ياقلبي.
رفعت حاجبها روح تلف عليها ورقعتها سمو تناظر فيها:ياقلبي على خاله لولي اقصد.
ضحكت روح من ردة فعلها:مصدقه عيني ماعليك المهم تعالي اجلسي معي بالصاله طفشت جالسه اتقهوى لوحدي.
هزت راسها سمو بالايجاب:تمام جايه.
.
.
« بالخارج »
شد على كفوف امه فهد:افا يا ام فهد وش مزعلك.
لمى بكت وعض شفايفه فيصل ولدها الاخر:لا ياجنتي لا شوفي فهد قدامك بخير الحمدلله وصدقيني هو تعلم من خطاه معاد بيمشي بسرعه جنونيه.
هز راسه فهد:اسف يمه والله اني اسف الا دموعك والله تعورني اكثر من الم ظلوعي.
لمى مسحت دموعها تناظر فيه:اتمنى انك تعلمت منها صدق والله يوم قالو لي بغيت اموت.
بلل شفايفه فهد بضيق:بسم الله على روحك وتدرين انه مكتوب بكل الحالتين واذا على اني تعلمت ايه والله تعلمت من هالحادث.
غاده هزت راسها تلف لسلطان وفيصل:كلكم مو بس لفهد السرعه اتركوها مافيه شي يستحق تخسرون ارواحكم عشانه ومو بس تخسرون ارواحكم ممكن يجي شلل لا سمح الله والا مشاكل انتم في غنى عنها.
هيله:ايه والله غاده معها حق والحين مانقدر نقول غير الحمدلله على كل حال لكن يكون درس لكم كلكم.
.
.
« بعد نصف ساعه »
دخلت غاده وخلفها امها ولمى وقفت لوهله تسمع اسم مدير بنتها روح وانذهلت لانه ماكان الا عُمر ولد سيف خطيبها السابق لانها حافظه اسم عائلتهم عرفتهم شدت على كفوفها بذهول ونطقت لمى بإستغراب تشوفها وقفت لوهله:دودي اشبك وقفتي؟
غاده لفت لها تستوعب وقفتها:سمعتي مين مدير روح!
لمى هزت راسها بالنفي:مين ماسمعت؟
غاده بلعت ريقها:عُمر ولد سيف.
رفعت حاجبها لمى:واذا غاده اشبك شغل يجمعهم ولا هو يعرف مين روح ولا روح تعرف مين هو هدي.
غاده مسحت على ملامحها:لولي ماتعرفينهم ذولي ناس مريضه ومجنونه ماعندهم عقل يفكرون فيه اخاف يأذونها.
لمى هزت راسها بالنفي:خوفك ماله مبرر دودي سالفه صار لها اكثر من عشرين سنه تتوقعين الى الان شايلين بقلوبهم وروح كبيره الحين معادها بزر تعرف الصح من الغلط يعني لو شافت شي منه مو زين اكيد مابتسكت له.
هزت راسها غاده لان ممكن فعلا يكون كلام لمى صحيح بأنها تخاف عليهم خوف كبير رغم ان معادهم اطفال دخلت للصاله تسمع سواليف روح وسمو لهيله
جلست معهم ونطقت روح لهم:ماما عندنا مؤتمر بكره وقالو لي اذا حابه تجيبين احد معك جيبي كلمت سمو قالت ماتقدر لان سوسو تعرفينها اذا بيكون بكره فيه عزيمه لازم عشر ساعات تتجهز اذا تقدرين نروح ونرجع بدري عشان العزيمه.
لفت لمى لغاده:روحي دودي روحي عشان بعد تشوفين بيئة العمل الي متوظفه فيها روح يرتاح قلبك.
غاده فهمت قصدها بإنها تشوف وضع عُمر هل هو يعرفهم او لا هزت راسها:تمام قلبي اروح معك بس متى يبدأ.
روح:الساعه خمسه وينتهي الساعه ثمانيه بس نرجع قبل عشان نتجهز لعشاء جدي بكره.
غاده هزت راسها برضى
.
.
« اليوم التالي بصالة المؤتمرات »
دخلت غاده مع روح وعضت شفايفها تشوف كثرة الموظفين والضيوف شدت على كفوفها روح:هذي طاولتنا ماما تعالي.
مشت معها غاده تجلس بطاولتهم ولفت لها روح:ماما المدير جاي بجهتنا هو والاتش ار حق الشركه.
لفت غاده تشوف ان فعلا شخصين جايين لجهتهم عقدت حجاجها بذهول لانها عرفته بسرعة البرق يشبه ابوه بطريقه مخيفه وقف مقابلهم عُمر:ياهلا نورتينا ام روح.
غاده هزت راسها:ياهلا فيك انت عُمر صح؟
عُمر هز راسه بالايجاب:عُمر بن سيف مدير الشركه.
روح رفعت حاجبها لان امها عرفت اسمه وعرفته بدون مايقول من هو استغربت هالشي جدا لكن سكتت تشوف امها ترد على سلام الاتش ار حقهم وبهالاثناء دخلت نوره امه ابتسم عُمر ولف يعتذر منهم:معليش بروح امي وصلت.
عضت شفايفها غاده لان اذا عُمر مايعرف مين هم نوره بتعرفهم اكيد بلعت ريقها تصد
.
.
« بالجهة الاخرى »
حضنته بإبتسامه:حبيبي فخوره فيك.
عُمر قبل راسها:جعلني دايم رافع راسك ياروح ولدك.
ابتعدت نوره عنه وشدت على كفوفه:امين يارب.
طاحت عيونها بعيون غاده الي واقفه بعيد تتأملهم ولانت ملامحها لانها تعرفها زين لفت على ولدها:امي عمر من ذي الي واقفه هناك.
عُمر لف للجهة الي تأشر عليها امه:هذي روح موظفه عندنا والي جنبها امها.
هزت راسها نوره ونطق عُمر يناظر فيها:يمه بتركك الحين بنبدأ المؤتمر وين مانتي حابه تجلسين اجلسي.
ابتسمت له نوره:بالتوفيق حبيبي.
مشى من عندها ومشت هي بجهة غاده الي جالسه لوحدها لان روح راحت تجلس مع زميلاتها
وقفت امامها وعرفت غاده ان بهاللحظه بس نوره عرفت هي من تكون:انتي غاده صح؟
غاده رفعت حاجبها تهز راسها بالايجاب:وانتي نوره زوجة سيف.
نوره هزت راسها بالنفي:طليقي سيف مو زوجي.
عقدت حجاجها غاده تناظر فيها:مايهم.
هزت راسها نوره:اجلس عندك عادي.
رفعت كفها غاده تأشر لها بالجلوس ونطقت نوره وعينها على ولدها الي معتلي المسرح يتكلم:كان نفسي اقابلك من زمان وسبحان من جمعنا بعد ذي السنين كلها والسبب ولدي وبنتك.
غاده ناظرت فيها:ليه تبين تقابليني؟
نوره ناظرت في كفوفها:لاني ظلمتك وودي تسامحيني كنت جزء من لعبتهم وانا مادري وحتى لو ماكنت انا عارفه باللي سووه وقتها مايرضيني اكون سبب في تعاسة اي انسان في هالحياه والله لمّا عرفت بدناءة الي سووه ماقدرت اكمل معه ابدا ولا اخلي ولدي يتربى بنفس البيئه الي تربى فيها ابوه.
غاده بللت شفايفها تناظر فيها:اعرف ان مايخصك وصدقيني ولا يوم لمتك على الي صار بالعكس اشكر ربي الي صرفه عن طريقي وانا ابدا ماعندي اي مشكله معك تدرين ايش اسباب جيتي اليوم كنت خايفه من ولدك اخاف يأذي بنتي كنت خايفه الحقد باقي موجود بعد الي سواه ابوي في سيف والمرمطه الي عاشها بسبب ابوي.
نوره لفت لها واخذت نفس:ومن ذاك الوقت انا تركته لان بذيك الفتره ماكنت اشوف الا شيطان قدامي لانه اذاني كثير ماصان عشرتي ولا حافظ على ولدنا عُمر ماصار يشوفه الا بالشهر مره وهو تزوج وحده الله يستر عليهم لكن انا فعلا كنت ابي اقابلك كنت ابي افهمك ان والله العظيم ماكان عندي علم باللي سووه ولا كنت عارفه انه كان مملك عليك ماكنت عارفه هالشي غاده بعدين عرفت انه كان مرتبط في وحده قبلي وتركها ذا الي كنت اعرفه بس والله.
غاده هزت راسها ومدت كفوفها لكفوف نوره:والله اعرفك نوره والله اني اعرف وموضوع انتهى من سنين لانرجع نعيده انتهى من حياتي وحياتك ماني شايله بقلبي عليك لو ذره الموضوع اني خفت على روح بس واتوقع انك فاهمه شعوري.
ابتسمت نوره لها:فاهمه ولا الومك الله يحفظهم لك.
غاده:ويحفظ لك عُمر.
تقدمت لهم روح الي كانت تناظر فيهم من بعيد لمّا كانو يتكلمون توقعت انهم يتعرفون لكن حوارهم ونظراتهم ماكانت تدل الا على انهم يعرفون بعض
ابتسمت غاده تأشر عليها:بنتي روح.
مدت كفها نوره بإعجاب:ماشاءالله تبارك الله ياهلا حبيبتي.
روح بادلتها السلام وابتسمت لها:ياهلا فيك تشرفنا.
ولفت على امها:كنتو تتعرفون؟
ناظرت فيها غاده تفهم سؤالها:نعرف بعض من قبل وصدف اننا نتقابل هنا.
نوره هزت راسها تناظر في روح:اعز صديقات انا وامك تشاركنا نفس الشي.
ضحكت غاده بسخريه على كلامها لان فعلا نوره لمّا ملكت على سيف كان هو مملك على غاده
وعقدت حجاجها روح ماتفهم من ضحكهم شي لكن ابتسمت:الله يديم صحبتكم.
.
.
« بيت ثنيان »
رفع حاجبه سلطان يبتسم بإعجاب يشوف سمو اخته نازله وشايله بذراعها عبايتها رجعت شعرها للخلف وابتسمت له لمّا مد كفه لكفها يدورها:ياعيني وش هالزين اخت سلطان.
سمو حضنته بإبتسامه:حبيبي.
ابتسم ثنيان الي كان جالس بالصاله وقام لهم:دايم حلوه بنتي.
عضت شفايفها سمو:احبكم.
ثنيان حاوطها بيدينه:وحنا نحبك.
سلطان ناظر في ابوه:دامنا جاهزين نطلع.
هز راسه ثنيان وبالفعل خرجو يركبون سياراتهم متجهين لبيت سلطان
.
.
« بيت سلطان »
دخلت خلف ابوها واخوها وعضت شفايفها لان عيال عمها خالد موجودين وعيال عمتها فاتن موجودين بعد مشت تتعداهم ودخلت للداخل تشوف هيله واحلام وفاتن يرتبون نزلت طرحتها ومشت لهم:جيت قبل ماما وروح عشان اساعدكم.
لمى خرجت من المطبخ:لانك احسن منهم.
رمت لها بوسه بالهواء سمو:اعشقك.
وتقدت لها فاتن تترك الي بيدها:ياهلا امي اخبارك.
سمو سلمت عليها:الحمدلله بخير عمه انتي كيفك.
فاتن:والله بخير يارب لك الحمد.
سمو ابتسمت لها:جعله دوم يارب المهم انا بروح انزل عبايتي فوق وبجيكم.
فاتن هزت راسها:بناتي فوق اساسا ناديهم معك اذا كانو خالصين.
اشرت على عيونها سمو:من عيوني.
وبالفعل مشت تصعد للأعلى وهي تدندن بروقان تام لانها فعلا لاول مره تطلع قبل امها وروح دائما وابدا تطلع بهواش منهم دخلت غرفة عمتها غلا ونزلت عبايتها تعلقها بالمعلاق ومن بعدها اتجهت للمرايا تتأمل نفسها ارسلت قبله لنفسها:احبني.
لفت تسمع صوت قفل الباب ينفتح توقعت وحده من بنات عمتها فاتن لكن لانت ملامحها بذهول وخجل من خروج فهد ولانت ملامحه هو بالمثل يشوفها امامه
صد عنها يحس على نفسه وماهي الا ثواني وسمع صوت كعبها تركض لخارج الغرفه مسح على ملامحه بذهول هو استغرب كيف ماعرفت انه موجود وثوبه الي معلقه بالمعلاق واغراضه موجوده فوق الدرج الي عند السرير كل شي يدل على وجوده عض شفايفه يتعوذ من الشيطان لمّا تشكل شكلها امامه ماكان حلاها عادي ابدا بالنسبه له مشى يحاول يبعدها عن خياله لانه تأخر ولو بيجلس يهوجس في شكلها مستحيل ينزل لهم وقف قدام المرايا يجفف شعره وبعد مانتهى لبس ثوبه ورجع يوقف قدام المرايا يعدل ترسيمة شماغه سمع صوت طرق الباب وبلل شفايفه:مين.
لمى ابتسمت:انا امي لبست بدخل.
فهد اتجه للباب يفتحه وابتسم يشوف البخور بيدها:عساني ابخرك عريس.
ابتسم يتنهد:امين يارب.
رفعت حاجبها وابتسمت:ورا هالتنهيده احد!
ضحك يهز راسه بالنفي وقبل راسها ينطق بفضول:خالتي غاده جت ابي اسلم عليها.
لمى هزت راسها بالنفي:بس سمو الي جت.
تأكد من شكوكه بإنها سمو
.
.
« بالاسفل »
كان صدرها يعتلي ويهبط من كثر توترها وفشلتها ماتتخيل انها كانت هي وياه بغرفه وحده وبدون شي يسترها نطقت تعض شفايفها:كيف مانتبهت لثوبه كيف وش هالغباء سمو اوف مني اوف فشله.
رغد تكتفت تسمعها لانها هي وبنتها جوري دخلو من باب الحديقه:مين هذا الي مانتبهتي لثوبه ياسمو.
شهقت سمو بخوف وقربت منها رغد:بسم الله عليك امي روعتك؟
سمو مسكت قلبها:والله خرشتيني عمه بس وحشتيني.
ضحكت جوري:من مشاعر الشوق هالشهقه والا سمو.
هزت راسها سمو تحضن رغد:والله مره وحشتوني.
رغد ابتسمت لها تبادلها:والله حتى انتم وحشتوني امك وروح موجودين داخل؟
هزت راسها بالنفي سمو:روح اليوم عندها مؤتمر وماما رايحه معها بس الي داخل جده احلام وجده هيله وخاله لولي وعمه فاتن وبناتها حلا ورغد.
هزت راسها رغد تطبطب على كتفها:اجل بدخل لهم انا.
مشت من عندهم تخرج من المطبخ وقربت من جوري سمو تحضنها ابتسمت حوري تبتعد عنها وقالت بفضول:مين الي مانتبهتي لثوبه؟
سمو بللت شفايفها يرجع لها الخجل وقربت منها تهمس لها:فهد ولد عمي خالد شافني كذا تخيلي بغرفة عمه غلا وفوق ذا كله شفته طالع توه ماخذ شاور يفشل والله جوري.
وسعت عيونها بذهول جوري تشهق:هالموضوع الي يستاهل شهقه ياراسي سمو فهد وفي الغرفه لوحدكم!
عضت اصبعها سمو بخجل:والله مخنوقه من الفشله مادري كيف بشوف وجه عمي خالد وخاله لولي.
جوري ضحكت تغمز لها:حياتي بتصيرين اقرب لهم بعد هالشوفه خلي عنك بس حسافه صراحه كنت ناويه اخطبك لنواف اخوي.
كانت بترد لكن دخل سلطان وخلفه ابوها حست انها بتبكي من الفشله لان صوت جوري كان كفايه انهم يسمعونه
رفع حاجبه ثنيان يشوف وجيههم الي تحولت:وشفيكم!
صدت سمو تغمض عيونها براحه لمّا فهمت انهم ماسمعو ونطقت جوري ترقع توترهم:وحشتوني جدي وخالي ثنيان وحشتو قلبي.
رفع كفوفه سلطان يبتسم لها:تعالي ابوي تعالي.
تقدمت له تحضنه وابتعدت بخفيف تقبل راسه ومن بعده اتجهت لخالها ثنيان الي ابتسم لها تقبل راسه وتسلم عليه
تكتفت سمو تتأملهم وحست بيدين تحاوطها من الخلف:وشفيها بنتنا غرتي من جوري عشانها تضم ابوك.
لفت لعمها خالد وهي تتمنى الارض تنشق وتبلعها من خجلها:لا بالعكس احب علاقة بابا و بنات عماتي.
خالد ابتسم يناظر فيها:واضح والله المهم روح موجوده؟
هزت راسها سمو بالنفي:بيتأخرون هي وماما.
خالد هز راسه يمشى معها لخارج المطبخ:بفكك تروحين بس ناديلي خالتك لولي.
رفعت حاجبها سمو بإبتسامه:لولي!
وعضت شفايفها تكمل:قولها مره ثانيه يناس على الي يدلعون زوجاتهم ياناس.
خالد هز راسه بالايجاب يضحك من ردة فعلها:حبيبتي لولي وزوجتي وام عيالي وش ودك تسمعين بعد.
رفعت اصبعها تأشر له بـ لا؛الي سمعته كافي عمي.
ضحك يشوفها بالفعل مشت من عنده تدخل لمجلس النساء وابتسم لان مامر وقت كثر الا وخرجت لمى له بكامل زينتها:وش هالزين ام فهد.
عضت شفايفها لمى بإبتسامه:تسلم ابو فهد وش مسمع سمو جايتني وجهها احمر من الحياء.
رفع كفوفه خالد لشعرها يعدله:بس قلت لها لولي زوحي وحبيبتي وام عيالي سمو خجوله بالحيل.
لمى صدت تضحك:وش بغيت انت.
.
.
« بالاعلى »
حلا ردت على جوالها الي يدق:هلا سامي.
سامي بلل شفايفه:يزن يبكي شكله جوعان عجزت اسكته.
فكت الروج تحط منه وهي تسمعه:تمام حبيبي بجي اخذه منك بس ثواني اكمل كشختي وانزل لان ماباقي على المغرب شي.
سامي:اذا خلصتي كلميني.
سكر منها ولفت حلا تشوف رغد اختها الي دخلت:خلصتي؟
حلا هزت راسعا بالايجاب:ايه بس بلبس الكعب حقي واجي.
هزت راسها رغد:تمام انا بنزل.
.
.
« بالفندق »
كانت تدندن مع اغنيتها المفضله وهي تحط مناكير بأضافرها
ابتسمت جود تدخل لغرفتها:ياعيني على هالروقان.
قامت مَلك من مكانها تترك المناكير بالطاوله ومسكت كفوف جود بحذر ترقص معها ضحكت جود تدور معها ويغنون نفس الاغنيه وابتسمت مَلك تقبل خدها:حياتي وروحي انتي تعرفين.
جود حاوطتها:وانتي بنتي وحبيبتي.
.
.
دخلو طلال ومشاري على صوت غنائهم مع الاغنيه وضحك طلال يلف لأبوه:تسمع؟
هز راسه مشاري ومشى بجهة غرفة مَلك يدخل يشوفهم يرقصون على الاغنيه وضحكت مَلك تشوف عيون ابوها المعجبه:مالومك على هالنظرات ماما حلوه.
عضت شفايفها جود تبتسم وهز راسه مشاري:حلوه وبس ظلمتيها يامَلك.
مَلك اتسع مبسمها تلف لأمها وقرب طلال يحاوط امه:ام طلال دايم حلوه.
جود ابتسمت لهم:حبايب قلبي انتم.
.
.
« الساعه 7:00 بيت سلطان »
كان البيت ممتلئ بالضيوف ابتسمت ياسمين تدخل مع وعد ومعهم بناتهم جوانا ورتيل
كانت بإستقبالهم سمو تقدمت لهم تسلم عليهم وابتسمت وعد تناظر فيها:امك وينها.
سمو:ماما مع روح عندها مؤتمر بس توهم رجعو للبيت بيتجهزون ويجون ان شاء الله.
هزت راسها وعد:زين حبيبتي.
خرجت لمى وابتسمت تشوفهم:ياهلا ومرحبا.
قربت تسلم عليهم ونطقت ياسمين:ياهلابك ياروحي.
ولفت عليها وعد:مايشوف شر فهد اخر اوجاعه يارب.
لمى عضت شفايفها:امين يارب الشر مايجيك تفضلو.
وبالفعل نزلو عباياتهم ودخلو للداخل ووقفت سمو تنتظر جية خالتها جود وبنتها مَلك وبالفعل مامر ثواني على انتظارها وشافتهم
جود ابتسمت لمّا تقدمت لها سمو تحضنها:وحشتيني.
نطقت تمسح على ظهرها:ياروح روحي انتي.
ورفعت كفوفها مّلك لمّا تقدمت لها سمو تحضنها
.
.
« الساعه 8:30 العشاء »
واقفه امام المرايا تتأمل شكلها وامها تكلم جنبها:ايه بس ينتهي ان شاء الله بقولك.
سكرت ولفت لها روح:ماما حتى الحين شغل!
غاده تنهدت:والله ياماما تعرفين اني ماقدر اسكر بوجه عميله لي والانسانه اتصلت تسأل عن بيتها متى بخلص تصميمه.
روح هزت راسها:طيب ندخل لهم.
رشت من عطرها غاده وسكرته ترجعه بالشنطه واشرت لروح تمشي معها وبالفعل مشو يدخلون للمجلس ابتسمت سمو تشوفهم دخلو يسلمون على كل الموجودين وبعد مانتهو من السلام جلسو
جلست روح جنب سمو وجوري ولفت لها سمو:كيف كان المؤتمر.
روح ناظرت فيها:حلو وتخيلي طلعت ام المدير الي اقولك عنه صاحبة ماما.
رفعت حاجبها سمو:الحلو الي وريتني صورته!
جوري ناظرت فيها بفضول:ابي اشوفه.
روح وسعت عيونها تناظر فيها:اوش انتي وهي شايفين حنا وين!
.
.
« بالخارج مجلس الرجال »
وقف فِراس سيارته قريب من بيت سلطان ولف زياد يشوف الرجال الي مالين المكان بثيابهم دليل ان عندهم مناسبه:جينا بالوقت الصح.
فِراس هز راسه:قلت لك اليوم عندهم عشاء بمناسبة سلامة ولد خالد مايقدرون يردونك قدام الرجال.
زياد هز راسه ونزل من السياره ونزل خلفه فراس يتبعه لجهة بيت سلطان دخلو للحديقه ومرت زياد ذكريات هالمكان عض شفايفه يكمل خطواته ودخل للمجلس
.
.
« بالمجلس »
تقدم له الصباب يصب له قهوه بفنجاله وابتعد يروح لطارق الي جالس جنبه يصب له قهوه لكن اول مابتعد الصباب طاحت عيونه على الاشخاص الي دخلو وجمدت ملامحه لان مهما مر فيهم الوقت ملامح هالشخص مستحيل ينسونها وخروجه بحياتهم بعد ماختفى منها لأكثر من عشرين سنه شي مُذهل
ضغط على فنجاله سلطان لانه مجبور يرحب فيه بمجلسه قدام جماعتهم مايقدر يرده ابدا خصوصا انهم مايدرون بالخافي التفت خالد لأبوه:بقوم اتصرف معهم خلك يبه.
هز راسه بالنفي سلطان:بتصرفهم قدام الناس صاحي انت ياخالد ماينرد رجال دخل مجلسي.
شد على عصاه زياد يناظر في ملامحهم الي تبدلت من وجوده لكن قام ثنيان من مكانه يرحب فيه وهو وده يدفنه بمكانه تقدم له يبتسم بسخريه ومد كفوفه يصافحه وهمس لهم:الله لايحيي هالوجه قول امين.
وسع عيونه فراس الي واقف بجانب ابوه ونطق زياد يناظر فيه:ماجينا للمشاكل ياولد سلطان جينا نوجبكم محسوبين علينا اهل.
ثنيان ضحك بسخريه:ماجيت توجب عيالك في زواجاتهم وجاي الحين لولد خالد قليل اصل طول عمرك ولا يمكن تتغير.
صد عنهم يرجع لمكانه وقربو اغلب الحضو يسلمون عليهم لكن فراس باقي يغلي من كلام ثنيان شد على ذراعه ابوه يفهم غضب فراس وهمس له:هذي حركاته اتركه عنك باقي ماتصافينا.
فراس هز راسه ومشو يجلسون بينهم رغم معرفتهم بأن غير مرحب فيهم بالمكان لكن ماهتمو
طاحت عيون زياد على لؤي الي يناظر فيه بحرقه لانه فعلا تخلى عنهم تربو عند سلطان ولا يمكن ينسون فضله عليهم ماترك شي ينقصهم عمره ماحسسهم انهم عبئ عليه بالعكس دائما وابدا معهم حتى زواجاتهم هو الي تكلف فيها من الى مرت سنين كثير على اخر مره شاف ابوه فيها لف يناظر في سامي الي مو اقل منه حرقه
ورفع نظره يشوف مشاري الي قام يغادر المجلس لانه لو جلس ثواني بيولع في فراس وابوه مايقدر يتحمل وجودهم معه بنفس المكان خرج خلفه ثنيان يشوفه فتح ازرار ثوبه العلويه بقهر:ادخل واكسر عينهم هم الي المفروض يطلعون مو انت يامشاري.
مشاري مسح على ملامحه ونطق يشد على سنونه:ان دخلت بتسمع خبر وفاتهم ماقدر ياثنيان ماقدر.
ثنيان طبطب على كتف مشاري:وتضيع طلال وملك بعدك مثل ماضاعت جود ومثل ماضاعت غاده ومثل ماضاعو سامي ولؤي فكر بعقل مشاري وتعوذ من الشيطان والله مايستاهلون تنسجن بسبتهم وبيطلعون من هالمجلس مذلولين والا مايكون اسمي ثنيان.
ارتخى مشاري غصب عنه من طاري طلال وملك اغلى مايملك ومسح على ملامحه:باخذ نفس وارجع للمجلس ماعليك.
هز راسه ثنيان ورجع للمجلس ومشى مشاري بإتجاه الحديقه الخلفيه يرسل لبنته ملك"ملك ابوي جيبي لي مويه انا بالحديقه الخلفيه"
.
.
« بالداخل »
وصلتها رسالة ابوها وهي جالسه بين النساء قامت من بينهم تدخل للمطبخ وشافت روح وحلا واقفين يسولفون لفت لها روح:وش بغيتي ملك؟
ملك ناظرت فيها:بابا يبي مويه.
عقدت حجاجها حلا:غريبه خلصت المويه عندهم.
رفعت كتفها بعدم المعرفه ملك:بابا مو عندهم قال لي بالحديقه الخلفيه.
هزت راسها حلا:اها شوفي بالثلاجه موجود.
وبالفعل مشت ملك تاخذ المويه وخرجت لابوها عقدت حجاجها تشوفه واقف وساهي مشت له وتنحنحت لاجل يعرف بوجودها:بابا فيك شي؟
هز راسه مشاري بالنفي:لا ابوي مافيني شي بس بغيت مويه وبغيت اشوف هالوجه الحسن.
اتسع مبسمها:حبيبي انت بس صدق مافيك شي؟
مشاري مسح على راسها يهز راسه بالايجاب:يابوي مافيني شي صدقيني بس بغيت اطلع من المجلس اشم هواء وقلت منها اخذ لي مويه دامي ظميان بس لاتخافين انتي وادخلي الحين ماعليك.
هزت راسها مَلك ومشت من عنده تدخل وهي تفكر لانها مو مستوعبه نداء ابوها لها ومن وجهه حست ان فيه شي مو طبيعي وسعت عيونها تتراجع بخطواتها الى الخلف لمّا شافت سلطان ولد خالتها غاده وفيصل ولد لمى واقفين عند الباب الخلفي للمطبخ وروح وغاده يعطونهم دلال القهوه الي جددوها
.
.
سمع صوت الكعب ولف يتأكد من شكوكه ان فيه امرأه قريبه منهم وبالفعل شاف ظلها لمّا تراجعت للخلف صد بسرعه بذهول وناظر في سلطان:سمعت صوت الكعب!
هز راسه سلطان:غريبه!
سلطان عقد حجاجه يناظر في روح الي تقدمت لهم بالدلال:فيه بنت هنا ورانا سمعنا صوت كعبها انا وفيصل.
روح رفعت حاجبها ونطقت تتذكر:ايه صح ملك بنت خاله جود راحت لابوها يبي مويه بعدو من هنا عشان تدخل.
غاده تقدمت لهم من خلف روح ومدت لهم الدلال:باقي ثلاث ودو الي معكم وتعالو خذو الباقي.
روح هزت راسها:يلا عشان بنادي ملك.
لفت لها غاده:ملك هنا!
روح ناظرت في امها:ايه راحت لابوها يبي مويه.
مشو فيصل وسلطان يبتعدون وخرجت روح تنادي ملك:ملك وينك تعالي خلاص راحو.
لفت تدورها خلف الشجر وبالفعل كانت واقفه خلف وحده منهم خرجت من خلفها ومسكت قلبها تمشي لروح:يمه كانو بيشوفوني.
ضحكت روح:عاد اثنين لو هو واحد بقول عادي يخطبك بس اثنين مصيبه.
ضربتها بخفيف ملك تضحك:سلطان اخوي تعرفين.
روح رفعت حاجبها:اوكيه يعني فيصل مو اخوك.
وسعت عيونها ملك:لا مو كذا خير!!!
رفعت عيونها غاده تشوفهم:اشبكم؟
ناظرت فيهم ملك ترقع:مافيه شي بس ليه انتي وروح تطلعون عند فيصل بدون عبايات مايصير!
تعالى صوت ضحك روح:لا حياتي لاتغارين فيصل اخوي بالرضاعه ماما رضعته مع سلطان وخاله لمى رضعت سلطان معه يعني كلنا اخوان الا فهد عشان يتزوجني حرام مفروض رضعتيه ماما.
رفعت حاجبها غاده:وليه وش قاصره فهد ولد اختي الف من يتمناه.
روح ناظرت فيها:مافيه شي يقصره بس اخوي ماشوفه اكثر من كذا.
غاده هزت راسها:اقول خلو عنكم السوالف وتعالو معي بصواني الحلا.
قربت منها ملك:ابشري عطيني اوديهم.
.
.
« مجلس الرجال »
رجع يجلس وهو يحاول يتجاهل وجود زياد وولده الي متهمشين اساسا من الموجودين لكن اول ماجلس بالكنبه سمع صوت زياد الي يوجه حواره لسلطان:انا جيت اتحمد لكم بسلامة ولدكم فهد وفي خاطري اني انهي هالمشاكل الحاصله بيننا واعتذر لكم قدام جماعتنا وقدام كل من يعز علينا وانتم ياعيال شاهر تدرون بمعزتكم عندي لاتخلون الشيطان يدخل بيننا كافينا قطاعه.
شد على كفوفه ثنيان وهو يفهم ان هذا سبب جيته الوحيد انه يحرجهم لاجل يقبلون بعذره قدام جماعتهم ويصير يجي عندهم لكن نطق سلطان ينهي كل افكار ثنيان:دامك جبت الطاري يازياد مالك اعذار عند عيال شاهر وحنا تعرفنا عز المعرفه ضيفنا لازارنا نكرمه لكن شرواك مايستاهلون الاكرام ويومك تحسب اننا بنمشيها عشان الموجودين فا انا اختصر عليك الطريق واقول لك ابوابنا مسكره بوجهك انت وولدك الي جالس جنبك لاعاد عيوننا تشوفكم.
هز راسه احمد: وسكوتنا ماكان الا عشان هالوجيه الطيبه ماودنا نعكر صفوهم بشي ماله قيمه لكن دامك تكلمت وجبتها لنفسك الباب يوسع جمل يازياد يلا بدون مطرود انت والي جاره جنبك.
هز راسه فراس بقهر من ابوه الي ساكت على طردهم:لو كان فيكم خير كان حاسبتو اختكم الي رمت بنتها غاده في الشارع عشان رجال لكن بالعكس تسترتو عليها حريمكم مافيه انجس منهم لاتحاولون تبيضون صورتكم عند جماعتكمـ.
فز ثنيان من مكانه مايتركه يكمل كلامه ولكمه على وجهه بقهر ارتفعت اصواتهم يفرقونهم عن بعض لكن ثنيان طلع حرة السنين فيه وفي ابوه ومشاري جنبه ماقصر
سلطان كان واقف ومذهول من كلامه وشتائم ابوه الي كانت بمحلها عنهم لان هذا قدرهم مايقدرون يبرؤن انفسهم الا بطاري انسانه ماتت من سنين"رمت بنتها بالشارع غاده"معقوله صحيح كلامه معقوله امه انرمت بالشارع لاجل كذا ماتحب طاري طفولتها كثير
فرقوهم الرجال بطلعة الروح وصارخ فراس لانهم يسحبونه بيخرجونه للخارج لكن ماترك هالجمله بخاطره يلف لطلال وصارخ بأعلى صوته:امك جود مافيه اقذر منها في هالكون.
ركض طلال رغم عدم معرفته بالي صاير لكن طاري امه حدود حمراء وياويل من يتعداها حاولو يمعنونه لكنه كان معمي ومشاري كان يركض خلفه مسكوه يكملون الي وقفوه وتفل بوجهه طلال لمّا مسكه فيصل يمنعه يكمل ضرب وصارخ:خلاص طلال خلاص اتركه.
شد على كفوفه طلال يبتعد وصارخ على فيصل وسامي:اتركوني خلاص.
تركوه بالفعل ونطق مهند بغضب للحارس:هالكلاب لاعاد اشوفهم داخلين قول للباقي.
الحارس:ابشر بقولهم.
.
.
« بالمجلس »
بلع ريقه سلطان يناظر في حفيده سلطان واقفه بمحله ومذهول يمكن الكل كانو يفككون بين ثنيان ومشاري وطلال وفراس وزياد الا عيال شاهر كان نظرتهم لسلطان الصغير الي ماكان مستوعب حتى دم ابوه الي ينزف من انفه لف احمد لسلطان يبلع ريقه:سلطان الولد مو طبيعي ياسلطان كانه صدق الكلام الي انقال.
عض شفايفه سلطان بقهر:الله ياخذهم قول امين ياليتني ماتكلمت ليتني مشيت الامور الا احفادي الا هم مابي يمسهم ضيق.
سطام هز راسه بالنفي يطبطب على كتف اخوه:لا ياخوي لاتقول كذا ماغلطت هم يستاهلون الغلط اننا ماطردناهم من البدايه هالناس المفروض مايطبون مجالسنا.
بلل شفايفه بضيق سلطان يشوف سلطان حفيده مشى بجهة ابوه وكانه استوعب الحاصل لمّا شافهم ياخذون ابوه للمغاسل وهو ماسك المناديل على انفه يمنع النزيف ينزل على الارض مشى خلف عمه خالد وابوه ووقف بجانبه فهد لف لابوه يهمس له:خلاص يبه خل عمي ثنيان مع سلطان وتعال نعدل الوضع بالمجلس نهديهم.
هز راسه خالد وابتعد يأشر لسلطان ينتبه على ابوه
تقدم سلطان يوقف بجانب ابوه الي يغسل ونطق بفضول:ليه قال هالكلام.
غمض عيونه ثنيان والي خاف منه حصل ان ولده سلطان يوقف عند هالنقطه بالذات غسل وجهه ورفع راسه يمسحه بالمنديل:مصدقهم انت يبون يردون اعتبارهم بأي طريقه ماحترمو انسانه ماتت تتوقع بيحترمون الحي يابوي هالناس بالذات اسمع كلامهم بإذن وطلعها من الثانيه لايهمك كلام قالوه.
سلطان هز راسه يمشي الامر عشان اصابة ابوه بس
.
.
« بالداخل »
لانت ملامحها لانها شافت هوشة طلال ومشاري مع زياد وفراس بس شافو هالشي لانه كان بالحديقه كانت مذهوله جدا ليه رجعو بعد هالسنين وش يبون بعد الي سووه كانت بتطلع تاخذ طلال لانها خافت عليه لكن منعوها غاده وملك لان مايصير تطلع بدون عبايه بين الرجال
ماتت داخلها لانها تدري غضب طلال لشي كبير قالوه اكيد وهي متأكده مليون بالمئه ان هي الطاري
ابتعدت غاده بذهول تشوف ثنيان الي مطلعينه والدم مالي المناديل الي شادهم على وجهه صارخت سمو بذهول:بابا!
احلام لانت ملامحها:اعوذ بالله وش صاير كلموهم شوفوو وش الموضوع تركنا الحريم بالمحلس عيب علينا والله.
رفعت جوالها جوري تتصل في ابوها وهي مرعوبه من المناظر الي شافوها وصوت صراخهم
رد راكان عليها ونطقت برعب:بابا ايش صاير عندكم خوفتونا.
بلع ريقه راكان يهديها:لا يابوي مافيه شي دخلو عيال شوارع علينا وربيناهم كملو جلستكم حصل خير ماعليكم.
سحبت الجوال احلام منها:ثنيان وشفيه ليه كله دم متهاوش مع مين!
راكان عض شفايفه:هدو ياعمتي هدو الموضوع بسيط ثنيان بس ضربه فراس القذر على وجهه ونزف والا الموضوع بسيط انتم كملو جلستكم والله مافيه شي وشوفينا الحين جالسين نعدل الوضع بمجلس الرجال مافيه شي لاتخافون.
هدت احلام بالفعل تلف لهم:يقول مافيه شي خلاص هدو وامشو تركنا ضيوفنا عيب.
بالفعل مشو يدخلون الا غاده وبناتها وجود وملك الي ماتحركو من مكانهم لان الي صار يعنيهم جود خايفه من الكلمه الي انقالت ولانها ماشافت الي صار بولدها خافت ومشاري ماكان واضح الي صار فيهم بالضبط من كثرة الرجال الي يفرقون بينهم
نطقت لمى تهديهم:خلاص يابنات ماصار شي اكيد دام الوضع هدا عند الرجال يعني الموضوع بسيط.
هزت راسها بالنفي غاده بقلق:بيمشونها علينا مصدقه انتي الموضوع بسيط وثنيان يكون بهالحال والمضاربه الي ماخلصت حتى وهم طالعين يتهاشون الموضوع كبير وانا متأكده بس الحين ابي اشوف ثنيان وسلطان كلمي فيصل لمى تكفين.
لفت جود للمى:تكفين لمى ملك تتصل على ابوها وطلال مايردون دقي على فهد او فيصل اي احد ابي اطلع لطلال ابي اشوفه الله يوفقك بس بنطمن قلوبنا.
بلعت ريقها لمى وهزت راسها تتصل على فيصل وفتحت سبيكر تنتظر رده وبالفعل ثواني وسمعت صوته:وصلكم الصوت صح ماصار شي يمه لاتخافون.
لمى:ماحنا خايفين بس جود تبي تشوف طلال وغاده وبناتها يبون يتطمنون على ثنيان قول له يدخل وقول لطلال يوقف بالحديقه الخلفيه بتشوفه امه.
فيصل بلل شفايفه:مالها داعي يايمه هديهم ماصار شي يستدعي خوفهم.
غاده قربت تكلمه:فيصل ابوي انت بس بنتطمن تبي قلوبنا ترتاح بس نبي نشوفهم بس والله.
فيصل تنهد:ابشري بقول لهم الحين بس انتم هدو.
سكرت منه وتنهدت تتحسب داخلها لانهم خربو ليلتهم خربو احتفالهم بسلامه فهد
.
.
« بعد عشر دقائق بالاعلى في غرفة ثنيان »
دخلت للغرفه وخلفها روح وسمو المرعوبين ونطقت سمو تقرب منه:بابا.
ناظر في امه سلطان يتذكر كلام فراس" حذفتها بالشارع " صد بنظره يتمنى انه غلط يتمنى ماصار هالشي رغم انه ابوه نفى هالكلام الا انه يشوف غير هالشي بعيونه
تقدمت غاده لثنيان تتحسس ملامحه:ليه ثنيان ليه!
ثنيان شد على كفوفها يطمنهم:مافيني شي والله ناس مريضه كان لازم نقمعهم.
روح قبلت راسه:حسبي الله عليهم مرضى وش يبون جايين!
ثنيان هز كتفه بعدم المعرفه:على قولتك مرضى وذلفو دخلت اطمنكم والله مافيني شي بس نزفت من ضربته ولاتتوقعون يابناتي انه هو الي بدا انا الي بديت عطيته لكمه بنص وجهه تعرفون ابوكم قوي.
قالها يلطف جوهم وبالفعل انرسمت البسمه على وجيههم حتى سلطان الي هز راسه:خلاص يالدلوعات شفتو ابوي بخير وينكت بعد.
هز راسه ثنيان:ايه والله بخير الحمدلله مايهزوني هالاشكال.
غاده ناظرت في عيالها:ممكن تتركوني مع ابوكم شوي.
وبالفعل مشو يتركونهم لوحدهم تقدمت له بعد ماقفلت الباب وعضت شفايفها تمسك راسها بذهول:ليه راجعين ثنيان ليه!
ثنيان كشر يرفع كفوفه:كلنا مصدومين غاده كلنا يحسب الغبي اذا جاء بوقت مثل كذا بنمشيها له يخسي ويعقب الكلب هو وولده.
غاده جلست مقابله:ليه تضاربتو اكيد قال شي صح ثنيان لايكون جاب طاري؟
ثنيان هز راسه بالنفي يكذب عليها:لا ماخلينا له مجال غاده لاتخافين.
غاده ناظرت فيه:اجل قايل عن جود عشان كذا طلال تضارب معه وتفل بوجهه!
ثنيان عقد حجاجه لانهم شافو هالشي:قال كلام قذر عن جود بس ماقدر يكمل غاده هم ماقدرو ماسمحنا لهم.
مسحت على ملامحها بقهر:حسبي الله عليهم يعني بقوة وجه جايينـ.نزلت نظرها لكفوفه ولانت ملامحها تشوفها مجرحه بشكل مهول:ثنيان يدك!
نزل نظره لأنها ماكملت جملتها لمّا شافت يدينه:دفني الكلب على الطاوله القزاز وصقعت فيها عشان كذا تجرحت بس ماعليك ماتألمني.
مسكت كفوفه تناظر فيها وهي مذهوله:كل ذا وماتألمك ترا عيالك طلعو لاتتوقع بتمشي هالكذبه علي.
شد على كفوفها ثنيان:قلت لك ماعليك بحط مسحه طبيه والزقها وان شاء الله اطيب.
غاده هزت راسها تناظر فيه:فيه شاش بالدرج بحطه لك واذا خلصنا من العشاء لازم مستشفى ثنيان لازم يطهرونها هناك مو لعبه ترا قزاز!
اشر على على انفه:ابشري.
جلست جنبه لمّا طلعت الشاش واخذت كفه لحضنها تمسح جروحه بالمسحه الطبيه ومن بعدها لفت كفوفه بالشاش
.
.
« بالاسفل »
ناظر فيها يطمنها بعيونه:لاتدورين ضربه فيني الي اكلها ثنيان لانه بالبدايه بس بعديها ماقدر علينا من ثنيان انهاه وكملنا حنا ضرب عليه.
مسحت على جبينها جود:هم مشاري هم صح؟
مشاري حاوطها بذراعه لمّا شاف طلال مشى لهم وخلفه ملك:هم بس جود ماتركناهم والله ماتركناهم وصدقيني بعد الي سويناه فيهم رقعة وجيههم ماعاد بنشوفها.
عضت شفايفها جود لمّا قرب طلال تتطمن عليه:ليه طلال ليه ابوي تتعرض لهالاشكال.
طلال قرب يقبل راسها:هم الي قربوني انا ماقربت منهم.
.
.
انتهى