انتقامي

3

انتقامي 3

تستيقظ على صوت هاتفها يرن بلا توقف
سلسبيل (بنعاس) : مين معايا
- انسة سلسبيل الحقيني
سلسبيل (بفزع) : استاذ خالد ايه اللي حصل
خالد : حصلت مصيبة
سلسبيل : خير حصل ايه.. طمني
خالد : احنا اتسرقنا
سلسبيل : يعني ايه
خالد : يعني في ناس هجموا عل قصر و سرقوه
سلسبيل (بعصبية) : امتى دة و ازاي و الحراس دول ايه أكياس جوافة حطينهم قدام الأبواب مش المفروض يحرسوا القصر و ميخلوش الحرامية تدخل
خالد : رئيس الحراس بيقول انهم كانوا مسلحين و هددوهم بالقتل
سلسبيل (و لم تزد كلماته إلا إشعالًا لنيران غضبها) : يموتوا و ماله مش دي شغلتهم ناس واطية بصحيح
خالد : اهدي يا انسة سلسبيل.. مش كدة تتعاملي مع الظروف اللي زي دي
سلسبيل : امال ازاي ياللي فاهم كل حاجة انت ها
خالد : المفروض تهدي و تفكري و تشوفي انت خسرتي اد اية
سلسبيل : امال انت شغلتك ايه
خالد (بهدوء متجاهلًا كلمات سلسبيل الوقحة) : احنا محتاجين حضرتك تيجي هنا لان الخسائر مش فلوس بس
سلسبيل : امال هيسرقوا ايه تاني الحيطان مثلا
خالد : مجوهرات المرحومة والدتك اتسرقت كمان دة غير التحف
سلسبيل (و تتحدث بغضب لتخفي حزنها) : اهو دة اللي كان ناقص.. غور من وشي مش طايقة اتكلم مع حد
و أغلقت الخط...    جست على ركبتيها و أخذت تبكي في انكسار
سلسبيل : اشمعني انا اللي يحصل معايا كل دة.. اشمعني انا من بين العالم كله اتكتب اني أبقى وحيدة بالشكل دة.. اشمعني.. اشمعني
كانت تبكي بحرقة و صوت مرتفع.. يفتح باب الغرفة و تدخل ريماس راكضة نحوها
ريماس : حصل ايه يا قلبي
لم تجب بل ارتمت في أحضان ريماس و أخذت تبكي أكثر و هي تمسك بقميصها بشدة
ريماس : حصل ايه يا سلسبيل.. مستحيل حد كمان يموت
سلسبيل : بس ممكن تفتكري حد مات
و بدأت في نوبة بكاء جديدة.. أخذت ريماس تمسح على شعرها الذهبي محاولة التخفيف عنها ولكن هذا لم يزدها سوا بكاء أكثر
سلسبيل : انا وحشتني مامي اوي
ريماس : و ايه اللي فكرك بيها دلوقتي
سلسبيل : استاذ خالد بيقول ان مجوهرات مامي الله يرحمها اتسرقت دة غير الفلوس و التحف
ريماس :ازاي تحصل حاجة زي كدة 
سلسبيل : عشان انا حاطة شوية متخلفين كل همهم على حياتهم على أنهم حراس
ريماس : سلسبيل اهدي و فهميني ايه اللي حصل
سلسبيل : الفلوس و المجوهرات و التحف اتسرقت عشان اللي المفروض اسمهم حرس خافوا من شوية عيال معاهم مسدسات و هددوهم بالقتل
ريماس : مش كل الناس زيك الحياة مش فارقة معاها في ناس لازم تعيش لأسباب كتير
سلسبيل : و دول الأسباب بتاعهم ايه دول
ريماس : مش مهم تعرفي المهم أن اكيد عندهم أسبابهم
سلسبيل : لو كل همهم على حياتهم ايه اللي خلاهم يشتغلوا ال شغلانة دي
ريماس : كل الناس عندها أسباب عشان تعمل كل و أي حاجة
سلسبيل : و انا كمان عندي أسباب اني انتحر
ريماس : متقوليش كدة الانتحار اصلا حرام
سلسبيل : بس انا تعبت
ريماس : و كل الناس تعبانة.. احتسبي الأجر عند ربنا
أخذت نفسا عميقا ثم قالت بهدوء
سلسبيل : انا  عايزة اسافر دلوقتي حالا عل بيت.. لازم اشوف ايه اللي حصل
ريماس : ايوة كدة هي دي سلسبيل ولا بلاش
ابتسمت ثم قالت
سلسبيل : قولي للسواق يجهز العربية نص ساعة و نتحرك
ريماس : بدري بدري كدة
سلسبيل : مش عايزة اتأخر
ريماس : ماشي هنزل اقوله اهو
سلسبيل : و انا هرتب حجـ..
توقفت فور أن سمعت صوت هاتفها يرن.. كان المتصل خالد.. ردت بسرعة و قالت بلهفة
سلسبيل : ايوة يا استاذ خالد حصلت حاجة
خالد : للأسف
سلسبيل (بقلق) : ايه تاني
خالد : الصفقة فشلت
سلسبيل : اييييييييه.. هو انا ناقصة خسارة
خالد : انسة سلسبيل الموضوع مخليني اشك الاتنين ورا بعض حاجة مش طبيعية
سلسبيل : هو انا خسرت اد ايه فلوس بالنظرة المبدئية
خالد : حضرتك خسرتي حوالي مليار و شوية داخل تبعهم المجوهرات و التحف
سلسبيل (بصدمة) : يعني انا اتبقالي اد ايه
خالد : حوالي 60 ميلون دولار
سلسبيل : الحمد لله يقضوني و زيادة.. عل عموم انا بجهز حاجتي و جاية اهو مسافة السكة و اكون عندك.. سلام
خالد : توصلي بالسلامة
أغلقت الخط و بدأت بترتيب أغراضها و ما هي إلا دقائق و تحركت و بضع ساعات لتصل...