انتقامي 8
سلسبيل : طب سؤال لو جاوبتني عليه بجد هصدقك
مروان (بثقة) : اسألي
سلسبيل : هو شريف عايز مني ايه.. و اشمعني انا اللي عايزني لنفسه
مروان : هو عايزك يستمتع معاكي زي ما بيقول لكن المعنى اللي يقصده من يستمتع دي معرفش هو ايه بالظبط.. ولا أعرف الإجابة عن سؤال اشمعني انتي... صدقتيني
سلسبيل : نوعا ما
مروان : طب اشمعني
سلسبيل : لأنك لو كنت معاهم لغاية دلوقتي كنت اكيد هتبقى عارف
مروان : و افرض بخبي
سلسبيل : انت اصلا مبتعرفش تخبي حاجة.. كل حاجة عنك عرفتها كلها تقريبا و انت بتقول و انت مش واخد بالك اصلا انا عملت نفسي مش مصدقة عشان اخد منك كل المعلومات مش اكتر.. و على فكرة انا بعرف اللي بيخبي عليا حاجة من عنيه
مروان : و معرفتيش خالد ليه
سلسبيل : انا من اول الموضوع كان عندي شك فيه بس لما فات شهر و اتنين و تلاتة معدتش حاسة بالشك دة أو يمكن اتعودت عليه
مروان : طب و انا
لم تكد تفتح فمها حتى شق مسامعها صوت لارين الباكي و هي تردد
لارين : انا بكرهك يا مروان بكرهك.. و مش عايزة اشوفك تاني.. بكرهك.. بكرهك يا اسوء انسان شفته في حياتي.. بكرهك
أنهت جملتها و ركضت خارج الشقة بسرعة رهيبة..
مروان : لارين استنى انتي فاهمة غلط
و قبل أن يتحرك وجدها تمسك بمعصمه و تقول
سلسبيل : سيبها هي مستحيل تروح بعيد.. و هي معاها حق على فكرة.. انا هروح وراها.. و متحاولش تبرر تصرفاتك الساذجة بتاعت قبل كدة لو رجعت
مروان (و هو يشعر بالتشتت) : ماشي
تجلس على درج أحد الأبنية القديمة التي لا يسكنها أحد.. تغطي وجهها بيديها و تبكي بحرقة.. لقد كان ما سمعته اليوم صدمة كبيرة لها... تشعر بيد أحدهم تلامس كتفها.. تمسح دموعها بسرعة ثم تنظر إلى الفاعل بفزع فتجدها سلسبيل..
لارين (بحدة) : انتي ايه اللي جابك ورايا
سلسبيل : خفت عليكي
لارين : انا مش صغيرة
سلسبيل : بس مش كبيرة بردو
لارين : و مش راجعة البيت.. متحاوليش تقنعيني بالموضوع
سلسبيل : طب تعالى شقتي انا
لارين : لاء مش عايزة مروان يعرف عني اي حاجة.. عايزة قلبه يتقطّع زي ما قطّعلي قلبي
سلسبيل : و انا اللي كنت بشك فيه طلع بيقول الحقيقة
لارين : هو كدب عليا انا.. هو مقاليش انه كان بيشتغل جاسوس و أنه كان يعرف انها تبعهم.. مروان دة واحد كداب مش عايزة اشوفه تاني.. انا كرهته بجد كرهته
ضمتها إلى صدرها بحنان و أخذت تمسح على شعرها الأسود الحريري لتهدئها
سلسبيل : بس مهما كان هو في الأول و الآخر اخوكي
لارين : انا بتباري منه.. إلى زي دة عمري ما أقبله أخ ليا أبدًا
سلسبيل : بس هو كان هدفه نبيل و كان عايز مصلحتك
لارين : هو كان همه مصلحته و بس.. لو كنت على باله مكنش وافق يشتغل عند واحدة زي دي اصلا
سلسبيل : بس هو
لارين : سلسبيل متحاوليش تبرري حاجة هو لو كان قدامي مكنش هيعرف يبررها فمتدخليش في الموضوع دة أحسن لك
سلسبيل : طب ارجعي معايا و مش هقوله انك معايا
لارين : هيعرف حتى لو انت مش قولتيله
سلسبيل : ما انا مش هسيبك وسط الشوارع كدة
لارين : و انا لا يمكن أعد في شارع مروان قاعد فيه
سلسبيل : طب لو سبتك هتنامي فين
لارين : في أي مكان حتى لو نمت وسط الشارع هيبقى أهون عادي من العيشة مع اللي اسمه مروان دة
سلسبيل : دة في الأول و الآخر اخوكي و الشخص المسؤول عنك انتي لسة عندك 9 سنين بس يا حلوة يعني لازم حد يهتم بيكي
لارين (بصياح) : مش راجعة
قالتها و ارتمت في أحضان الجالسة بجوارها و هي تبكي برحقة.. ضمتها الأخرى إلى صدرها بقوة و كادت تبكي هي الأخرى ولكن تمالكت نفسها
لارين : اللي عمله مروان مش سهل و مش هعديها له بسهولة زي ما هو فاكر.. يمكن اه انا صغيرة بس دة ميمنعش اني عاقلة و اعرف اصرف حالي و هعرف ازاي اخلي مروان يحس بالندم و يعرف غلطه.. مروان ارتكب جريمة في حقي لما كدب عليا.. و انا هعرف كويس ازاي اخليه هيتجنن عليا و مش هيلاقيني
سلسبيل : بس اعدي عن حد مخفش عليكي عنده و صدقـ...
قاطعتها قائلة : لا انا هعرف اتصرف
سلسبيل : بس انا ذنبي ايه اقلق عليكي
لارين : متقلقيش عليا انا هبقى في امان.. عارفة مكان كويس هعيش فيه الأسبوعين الجايين
سلسبيل (بدهشة) : اسبوعين!!
لارين : اها.. لو مروان لقاني قبل ما يخلصوا هروح معاه بس مش بالساهل كدة لازم اصفي حسابنا الأول
سلسبيل : هو الموضوع حساس اوي للدرجة دي
لارين : و اكتر مما تتخيلي.. العداوة اللي بيني و بين العصابة هي هي العداوة اللي بيني و بين مروان لأنه إيه زي اي واحد فيه بالنسبة لي
سلسبيل : بس مش كدة زودتيها
لارين : حطي نفسك مكاني عشان تحسي باللي انا حاسة بيه.. الحقد اللي جوا قلبي من نحيتهم غطى على صفائي الطفولي الطبيعي.. انا زي زيك يا سلسبيل في قلبي نار مش هتطفي إلا بموته لكن مروان غير.. لدرجة انه رضي يبقى واخد منهم و يساعدهم.. في نظري اللي ساعد حد و لو بكلمة انه يأذي حد فهو كمان شاريك في الجريمة و لازم يتعاقب و مروان ساعد في قتل كذا شخص في التلات سنين اللي اشتغل فيهم.. مروان ساعد في أذية أشخاص.. مروان ساعد في جرح ناس كتير.. مروان كان أسوء منهم في حالته دي.. فكري زيي و هتلاقي ان معايا حق.. اللي زي دة ميستاهلش يتعرف اصلا
سلسبيل : بس هو
لارين (مقاطعة لها و مكملة الجملة كما يحلو لها) : يفضل مجرم بالنسبة لي مهما عمل و حاول يبرر غلطه.. معرفش انت ازاي بدافعي عنه رغم أنه اكيد له ايد في موت اخوكي و لو بكلمة
سلسبيل : هو قال إنه زور المعلومات
لارين : و ايه اللي يضمنك انه مش بيكدب.. هو طالما حاول حتى لو مطلعش بمعلومة أو زور المعلومات يبقى له ايد.. مروان في نظري هيفضل مجرم مهما اتغير للأحسن لأنه ساعد في قتل ناس كتير
سلسبيل : بس انا بصدق مروان و بـ
لارين : دة هيعمي عينك عن الحقيقة.. فكري بمنطق و عقل و سيبي شعورك تجاه الشخص على جنب
سلسبيل : يمكن يكون معاكى حق.. بس هو بردو
لارين : رأيي انا فيه مش هيتغير مهما أعدتي تبرري لي.. أما انت بقي معرفش انت متقبلاه ازاي دة انت المفروض تضايقي منه اكتر مني لأنه كان بيتجسس عليكي و على اخوكي
سلسبيل : بس
لارين : متحاوليش تبرري اللي عمله ليا أو لنفسك.. اللي عمله جريمة و لازم يتعاقب عليها.. و انا هعرف اعاقبه ازاي انتي بس متتدخليش.. و فكري في الموضوع تاني.. سلام
قالتها و همت واقفة و تركتها و ذهبت دون أن تترك لها أي فرصة لتوديعها حتى
سلسبيل (بضجر) : عنيدة
أنت تقرأ
انتقامي
Actionبالنسبة للبعض الانتقام ليس سوا هدف صعب المنال فلمَ يتعبون أنفسهم في محاولات فاشلة منهم في الانتقام و البعض فالانقتام هو هدفهم الوحيد.. لا يهتمون أن ماتوا و هم يحاولون الانتقام.. المهم انهم بذلوا كل شئ حتى نفسهم لأجل انتقامهم أما البعض الآخر يعيش لي...
