انتقامي 12
يجلس على مكتبه يصف دواء لأحد المرضى.. مشهد مكرر فهكذا هو عمل الأطباء.. يرن هاتفه معلنًا اتصال من رقم مجهول.. يرد بلا مبالاه ظنن انه احد الحالات الطارئة.. ولكن خاب ظنه بسماعه صوت انوثي لم يعهده من قبل ولكنه فزع و قلق
- مروان انا خايفة موت على سلسبيل.. اتأخرت اوي.. المفروض اننا كنا نتقابل من 3 ساعات
مروان : معلش بس حضرتك مين
- انا ريماس صاحبة سلسبيل لو تفتكرني.. سلسبيل قالتلي هتقدم حلقة النهاردة و تقابلني في حديقة جنب الاستوديو بس لسة مجتش لحد دلوقتى
دب الفزع في قلبه و غزي عقله.. هل يمكن أن يكون قد أصابها أذى
مروان : طب اتصلتي بيها
ريماس : عشر الاف مرة و مغلق
مروان (و قد زادت كلماتها قلقه) : طب انت عندك تلفزيون تشوفي لو كانت بتقدم حاجة تانية.. اصل التلفزيون عندي بيتصلح عشان المرة اللي فاتت اتعصبت و رميت الطفاية ع الشاشة فكسرتها
ريماس : انت مشفتش حلقة امبارح و النهاردة على كدة
مروان : للأسف
ريماس : انا بردو استغربت لما لقيتك موقفتهاش زي المرة اللي فاتت
مروان : ليه.. هي هببت ايه فيهم
ريماس : أبقى شوفهم ع النت بس انا قلقانة عليها دلوقتي
مروان : طب انا هروح اشوفها اهو
ريماس : أبقى طمني لو عرفت اي جديد
مروان : ماشي سلام
أغلق الخط و حاول الاتصال بـسلسبيل ولكن بلا جدوى فهاتفها مغلق.. نزل درجات السلم بسرعة و اتجه نحو الاستوديو على أمل أن يجدها هناك
_________________________
- كدة كويس يا حبيبي
- كويس اوي يا روحي
- كدة مش هتسيبني عشان الجزمة التانية
- اسيب مين دة انتى طلعتي اجدع منها.. ايه رأيك تشتغلي معانا
- أظن أن بعد ما خنت صاحبتي مش هيبقى فى مانع اعمل اللي عملته معاها مع حد تاني معرفوش
- مبروك عليكي الوظيفة.. بس اسف.. انا مهما حصل اتجوزتك عشان المهمة اللي المفروض كنت انفذها.. و اديها خلصت.. انا مش بحبك ولا عمري هحبك يا ريماس.. انا بس استغليتك.. و اسف تاني بس احنا مبنسبش دليل ورانا حتى لو كان معانا.. اللي حصل مع مروان عمره ما هيتكرر تاني.. اسف
سحب مسدس من خلف ظهره و وجهه ناحية رأسها أثناء انشغالها بالبكاء
ريماس (بانكسار) : انت ليه عملت فيا كدة يا محمد
محمد : الأوامر يا فندم
أنهى جملته ليطلق رصاصة في بطنها و يقول
محمد : مهما حصل انا بردو اتعلقت بيكي و مقدرش اقتلك.. الرصاصة دي بس عشان أبقى صفيت ذمتي.. و لو عشتي يا ريت تغيري هويتك عشان متبقيش في خطر.. الفلوس اللي في الشقة اعتبريها كلها بتاعتك.. انا اه ندل بس مش اوي.. (مسح المسدس جيدا بمنديل كان معه ثم يلقيه بجانبها) متقوليش لحد أن انا اللي قتلتك.. اعتبريها كانت محاولة انتحار بعد ما عرفتي انك طالق.. سلام
أولاها ظهره و تركها تغرق في بركة دمائها بدون اي شعور بالذنب فـالقتل عند مثل هذا كـهواء لا غنى عنه ولا حياة بدونه.. مثل هذا ماتت قلوبهم.. ماتت ضمائرهم.. ماتت إنسانيتهم.. ماتوا و هم أحياء.. و ما أكثر الأموات الذين يسيرون بيننا...
_________________________
أنت تقرأ
انتقامي
Actionبالنسبة للبعض الانتقام ليس سوا هدف صعب المنال فلمَ يتعبون أنفسهم في محاولات فاشلة منهم في الانتقام و البعض فالانقتام هو هدفهم الوحيد.. لا يهتمون أن ماتوا و هم يحاولون الانتقام.. المهم انهم بذلوا كل شئ حتى نفسهم لأجل انتقامهم أما البعض الآخر يعيش لي...
