انتقامي 25
تخرج من بوابة المطار الكبير و هي تجر خلفها حقيبتها.. تبتسم ابتسامة جانبية ثم تتمتم "و أخيرا رجعتلك يا لجنفرس بس المرة دي اقسم بالله انتقامي مش هيكون سهل" ثم تلتفت لترى مجموعة كبيرة من الشباب و الفتيات خلفها.. تبتسم لهم بخبث ثم تكمل طريقها...
يلقي بجثته على السرير في غرفة بأحد الفنادق بارتياح
مروان : ااااه أخيرا
سلسبيل : بس انا قلقانة
مروان : من ايه
فلاش باك
تقف في الصف و دورها التالي لتقدم اوراقها للمراقب.. تسلمه الاوراق و يطلب منها بصمتي العين و اليد لتقوم بما طلبه منها.. تنتهي ليطبع ختم الدولة علي الباسبور و يناولها الاوراق و هو يقول
- تقدري تتفضلي يا انسة سلسبيل
رمقته بنظرة غاضبة اخفت خلفها توترها و قالت محاولة عدم ابراز خوفها
سلوي : اسمي سلوي احمد يا استاذ
- اسف يا مدام سلوي
اخذت اوراقها بعنف و تقدمت و هناك شئ من التوتر يعلو ملامحها ولكن فكرة ان نجاح مخططها يجعلها علي اعتاب الانتقام منه لكل ما فعله بها جعلتها تتناسي الامر برمته
باك
سلسبيل : الحكاية دي مخلياني قلقانة و عايزة اخلص و اجري علي لاينار بسرعة.. دة انا مكنتش مصدقة اني وصلت الفندق حية
مروان : يعني مفيش وقت للراحة
قالها و هو يعتدل في جلسته و يخذب قميصه و يشرع في ارتدائه
سلسبيل : انتي ليه جبت معانا لارين.. خطر اوي عليها
مروان : يعني كنت اسيبها وحدها في بلد غريب مثلا.. اديكي شوفتي اصرار حنين و سامي انهم يجوا و مصطفي قال مش هيسيبني لوحدي خاصة ان الوضع مش آمن لينا و جه هو و ندي و مسحيل اسيب لارين وحدها و انا مش ضامن هرجع امتي.. انا لما بعتها قبل مدة لوحدها كان عشان كدة امان ليها لكن المرة دي الوضع اختلف
سلسبيل : بس انا خايفة عليها.. هي بردو لسة صغيرة
مروان : انا مش دافع اد كدة عشان نيجي علي اننا مجرد سياح و كل واحد يبقي في اوضة لواحده الا عشان الوضع يبقي امن بقدر المستطاع.. انا عايزك تخافي علي نفسك بس لانك في هطر اكبر منها بكتير
سلسبيل : ربنا يستر.. انا لسة بشك في ريماس دي
مروان : انتي اصلا مش واثقة فيها
سلسبيل : حقي.. مش هي اللي خانتني اولاني
مروان : افرض عايزة تساعدك المرة دي
سلسبيل : اللي بيكذب مرة بيكذب بعدها ألف مرة عشان يخبي الكذبة الاولي.. متتوقعش منها احسن من كدة
مروان : انا حاسس انك ظلماها صراحة
سلسبيل : ظلماها.. مش ظلماها.. مش فارقة معيا... انا عايزة أعرف هتقدر تجيب لي معلومات ولا
مروان : و لو ماتت
سلسبيل : انا مقتلتهاش ولا اجبرتها انها تيجي
مروان : طيب.. ناوية علي ايه دلوقتي
سلسبيل : بما اني مضمنش اللي هتجيبه يبقي لازم اجيب بنفسي.. القبو السري بتاع القصر كان فيه كل الاوراق بتاعة بابي و سمير.. اكيد هلاقي فيهم حاجة.. عايزة اي دليل يثبت علاقة بابي بشريف
مروان : بس انتي مش بيعتي القصر من زمان
سلسبيل : اه.. بس دة ميمنعش اني اسيب بعض الحاجات في القبو خاصة ان كان في حاجات كتير مقدرتش اتخلص منها او أخدها معايا
مروان : و اللي ساكن هيرضي يدخلك كدة بسهولة
سلسبيل : الله اعلم.. ربنا يستر.. انا هلبس و اتحرك.. دة سفر و بياخد وقت
مروان : انتي هبلة.. انتي لسة جاية من المطار تروحي تاخدي مواصلة للسفر جوة لجنفرس كمان
سلسبيل : وقت مش في صالحنا.. انا لازم اتحرك.. مضمش ما يمكن الاقي شريف في وشي ..دة اخد اشد إجراءات دة غير انه اخد بصمتي و اكيد يقدر يميزها
مروان : طب استني انا جاي معاكي اهو
قالها ليرتدي حذاؤه و يلحقها بسرعة...
_________________________
أنت تقرأ
انتقامي
Actionبالنسبة للبعض الانتقام ليس سوا هدف صعب المنال فلمَ يتعبون أنفسهم في محاولات فاشلة منهم في الانتقام و البعض فالانقتام هو هدفهم الوحيد.. لا يهتمون أن ماتوا و هم يحاولون الانتقام.. المهم انهم بذلوا كل شئ حتى نفسهم لأجل انتقامهم أما البعض الآخر يعيش لي...
