Uni
💗ခါးသက်သောအမုန်း💗
💗အပိုင်း ၂၂💗
"ပြောလေ မင်းလက်မှတ်ထိုးရဲ့လား ချစ်ယွန်း"
"ဆရာ"
မုန်းမာန် ခေါ် ကျော်စွာမင်း၏ ခေါ်သံကြောင့် သူ့ အကြည့်တွေ ကျော်စွာမင်းထံ ရောက်သွားလေသည်။ ညီ မျက်နှာကို တိတိရိရိမဲ့ပစ်လိုက်ပြီး
"ကျော်စွာမင်း၊ မင်းနာမည် မုန်းမာန် မဟုတ်ဘူး၊ မင်း နာမည် ကျော်စွာမင်း၊ ချစ်ယွန်း ခေါ် စင်သီယာ ၊ မင်း အဖေ ဦးထန်လုံရဲ့ သေဆုံးခြင်း မင်းမသိတာ အရမ်းသနားဖို့ ကောင်းတာပဲ"
"ဘာ!"
ညီ စကားအဆုံးတွင် ချစ်ယွန်း ထိုင်ရာမှ ထရပ်လိုက်ပြီး ပျက်ယွင်းနေသည့် မျက်နှာကို အသာထိန်းရင်း
"ရှင် ဘာပြောလိုက်တယ်"
"အဟွန့်"
ညီ နှုတ်ခမ်းကို တွန့်ရုံမဲ့လိုက်ပြီး
"မင်း အဖေက အခုဆို ငရဲပြည်ရောက်နေလောက်ပြီ၊ မင်းနဲ့ မင်းယောကျာ်းကို ငရဲပြည်ပို့ပေးဖို့ပဲ ကျန်တော့တယ်"
"ရှင်က နောက်ခံ အင်အားတောင့်သားပဲ ရှင် သတ်ချင်ရင် ကျွန်မတို့ကို အခုသတ်လိုက်၊ ဒီနေရာက ရှင်ပိုင်နက်ပဲ ရှင် ကြိုက်သလို တရားစီရင်နိုင်တယ်၊ မောင်နဲ့ ကျွန်မက သေမထူး နေမထူးဘဲ"
ချစ်ယွန်း ခင်ပွန်း ဖြစ်သူလက်အား ဆုတ်ကိုင်ပြီး ပြောလိုက်သော စကားကြောင့် ညီ ဟက်ခနဲ့ ရယ်ချလိုက်မိလေသည်။
"ဘာ မောင် ဟုတ်လား ၊ အဟက် မင်းနှုတ်ခမ်းက ငါ့ကို မောင့်လို့ ခေါ်ခဲ့တာတွေ မေ့သွားပြီးလား၊ အဟက် ငါ့မှာတော့ မင်းရဲ့ မောင်လို့ ခေါ်သံလေးတွေမှာ မျှောခဲ့ရတာ အဟက် အခုတော့ အဲ့ဒီ ခေါ်သံက ငါ့ အတွက် မဟုတ်ဘူးပေါ့၊ အဟက် ငါ့မှာတော့ ငါ့အတွက် မဟုတ်တဲ့ မင်းကို ချစ်လိုက်ရတာ ယုယလိုက်ရတာ၊ အဖြူရောင်လို့ ထင်ခဲ့တဲ့ မင်းက မာယာဆူးတွေ ဝန်းရံထားတာ ငါ့ အသိနောက်ကျခဲ့တာ ရင်နာစရာပဲ၊ ရှိပါစေတော့ ဒါဟာ ငါ့ရဲ့ ဘဝပေးအခြေအနေပေါ့၊ သွားတော့ မင်းတို့၊ ငါ့ရှိတဲ့ နေရာ အရပ်ကို ထပ်မပေါ်လာမိစေနဲ့၊ မင်းကို ချစ်ခဲ့ဖူးတဲ့ လက်ကျန်သံယောဇဥ်ကြောင့် ခွင့်လွှတ်ပေးလိုက်တာကို မင်း နားလည်ထား၊ သွားတော့ မင်းတို့နှစ်ယောက်လုံး"
YOU ARE READING
ခါးသက်သောအမုန်း
Romanceဘဝမှာ အမုန်းဆုံး မိန်းမကို ပြောပါ ပြပါဆို နှင်းဆီဝိုင် ဆိုတဲ့ သူမက ထိပ်ဆုံးက ပါဝင်နေတယ် "ညီလင်းကိုကို"
