Uni
💗ခါးသက်သောအမုန်း💗
💗အပိုင်း ၂၃💗
"ကျွန်မ သမီးဘယ်မှာလဲ"
ပြတ်သားစူးရှလွန်းသော သူမ အသံကြောင့် သူ ရုံးခန်းထဲ ဝင်လာသော သူမကို တအံ့တသြ ကြည့်လိုက်မိလေသည်။ ဝိုင် သူ့ အရှေ့မှာ ဒေါသတွေဖြင့် ခြေစုံရပ်မိသည့် ဆိုလျှင်ပင်
"ကျွန်မ သမီးကို ရှင် ဘယ်မှာထားလဲ"
အသံကုန်အော်လိုက်သော သူမ အသံကြောင့် သူပင် ထူပူသွားရလေသည်။ တော်သေးသည်။ သူ့ရုံးခန်းက အသံလုံ အခန်းဖြစ်နေ၍။ မဟုတ်လေလျှင် အဆင်မပြေနိုင်ပေ။
"နေ နေဦး ဝိုင်၊ သမီးက မင်းနဲ့ အတူ ရှိနေရမှာ မဟုတ်ဘူးလား၊ ကိုယ့်ဆီ ဘယ်လိုလုပ် သမီးက ရှိနေရမှာလဲ"
"ဖြန်း"
"ဟာ"
သမီးစိတ်ကြောင့် နာကြည်းစွာ ရိုက်လိုက်သော သူမ ရိုက်ချက်က သူ့ ပါးပြင် တစ်ခုလုံး ထူပူသွားရလေသည်။
"ကျွန်မ သမီးကို ကျွန်မ ရင်ခွင်က ခေါ်သွားနိုင်သူက ရှင့်ကလွှဲရင် ဘယ်သူဖြစ်နိုင်မှာလဲ၊ အခု ကျွန်မ သမီးလေး ပျောက်နေတယ်၊ သမီးကို ခေါ်သွားတဲ့ သူက ရှင်က လွှဲရင် ဘယ်သူ ဖြစ်နိုင်မှာလဲ၊ ဘယ်မှာလဲ၊ ကျွန်မ သမီး၊ အခုထုတ်ပေးစမ်း"
"ဒေါသကို ခဏလျှော့ ဝိုင်၊ ကိုယ့် ပြောတာကို မင်း အေးအေးဆေးဆေး နားထောင် ဝိုင်၊ သမီးက ကိုယ့်ဆီမှာ မရှိဘူး၊ သမီးကိုလည်း ကိုယ့် မခေါ်ထားဘူး၊ ဒါ ကိုယ့် မှန်သော စကားကို ပြောတာဝိုင်"
"ဟင် ရှင် ရှင် တကယ်ပြောနေတာလား၊ ဒါ ဒါဆို သမီးလေးက"
ဝိုင် ရင်ထဲ ပူလောင်လာရလေသည်။ သမီးက သူ့ ဆီမရှိရင် ဘယ်ဆီရောက်နေသည့်လဲ။ သူ့ အပေါ် ဖြစ်ပေါ်နေသည့် ဒေါသတွေက ရုတ်ချည်း စိုးရိမ်ပူပန်ခြင်းသို့ ပြောင်းလဲသွားသည့် သူမ မျက်နှာလေးက သွေးပျက်စရာ ဖြစ်သည်။
"ရှင် ရှင်ဆီမှာ သမီးတကယ်မဟုတ်ဘူးလား ဦးညီလင်းကိုကို"
မယုံကြည်နိုင်သလို ငိုသံစွတ်ကာ ပြောလာသော သူမ စကားသံကြောင့် သူ ရင်ထဲ တင်းကျပ်ကျပ်ကြီး ဖြစ်သွားရလေသည်။ တစ်ဆက်တည်း သမီးငယ်ကို စိုးရိမ်ပူပန်မှုကလည်း သူ့ရင်ကို တုန်လှုပ်စွာ ရိုက်ခက်လာလေသည်။
YOU ARE READING
ခါးသက်သောအမုန်း
Romansaဘဝမှာ အမုန်းဆုံး မိန်းမကို ပြောပါ ပြပါဆို နှင်းဆီဝိုင် ဆိုတဲ့ သူမက ထိပ်ဆုံးက ပါဝင်နေတယ် "ညီလင်းကိုကို"
