Uni
💗ခါးသက်သောအမုန်း💗
💗အပိုင်း ၂၁💗
"ဒါက ဧကရီနှင်းဆီခြံပဲ နှင်းခါး၊ ဒီမှာ ဝိုင် နေတယ်၊ နှင်းခါး ဝင်သွားလိုက်ပါ၊ သူ့ရှိမှာပါ ဒီအချိန်"
ခါး ကို ဝိုင်ဆီသွားဖို့ တိုက်တွန်းနေသော ညီကို တအံ့တသြ ခါး ကြည့်လိုက်ပြီး
"ညီလင်းက မလိုက်ဘူးလား"
ညီ သက်မနွေးနွေးကို ရှိုက်လိုက်ပြီး
"ကျွန်တော်ကို ဝိုင်တွေ့ချင်မှာ မဟုတ်ဘူး၊ ကျွန်တော် ဝိုင်အပေါ်မှာ အမှားတွေ အများကြီး လုပ်ထားတာ၊ ဝိုင် ကျွန်တော်ကို တွေ့လဲ"
"ကျစ်"
ခါး စုတ်တစ်ချက် သပ်လိုက်ပြီး
"လိုက်ခဲ့စမ်းပါ ညီလင်းရယ်၊ ငါ့ ညီမလေးကို တွေ့ရမှာ ရင်တုန်နေလို့"
"အဟွန့် ဖြစ်ရလေဗျာ"
သူ့ ငြင်းနေလည်း ခါးက မရမက ခေါ်မှာကို တွက်မိလေသဖြင့် သူ့ကိုယ်တိုင်ပင် ခြံတံခါးရှိ ခေါင်းလောင်းကို တီးလိုက်လေသည်။
အောင်စည် ကပြာကယာပြေးလာပြီး သူ့ကိုတွေ့တော့
"ကို ကိုညီ"
"တံခါးဖွင့် ကျွန်တော်ဝိုင် နဲ့တွေ့ချင်လို့"
"ဟုတ် ဟုတ်၊ ဒါနဲ့ သူက"
ခါးကို ကြည့်ပြီး အောင်စည် မေးလေတော့ ညီ မျက်မှောင်ကုတ် ကြည့်လိုက်ပြီး
"မင်း အတော်စကားများတာပဲ၊ သူက ဝိုင်ဆီလာတဲ့ ဧည့်သည် ၊ တံခါး ဖွင့်"
"ဟုတ် ဟုတ်"
အောင်စည် တံခါးဖွင့်ပေးလေတော့ ခါး နှင့် သူ အိမ်ထဲဝင်ခဲ့လေသည်။
"အဟား မာမီ၊ ဝိုင်လဲ့ကို မိလည်း မမိဘဲနဲ့ ကယော်ကယော်"
"ပြေးထားနော် မိရင် မလွယ်ဘူး ဘေဘီ"
"ခစ် ခစ် မာမီ မိလည်း မမိဘဲနဲ့"
"အေးပါ ပြေးထားပါ၊ မိရင်တော့လား"
သားမိနှစ်ယောက်၏ ပြေးလွှားဆော့ကစားနေသော အသံက တစ်ထပ်တိုက်အိမ်အပုလေးထဲမှာ ဆူဆူညံနေလေသည်။
YOU ARE READING
ခါးသက်သောအမုန်း
Romanceဘဝမှာ အမုန်းဆုံး မိန်းမကို ပြောပါ ပြပါဆို နှင်းဆီဝိုင် ဆိုတဲ့ သူမက ထိပ်ဆုံးက ပါဝင်နေတယ် "ညီလင်းကိုကို"
