Uni
💗ခါးသက်သောအမုန်း💗
💗အပိုင်း ၂၅(ဇာတ်သိမ်း)💗
"အဖေ"
မြူခိုးတွေ ဝေနေသော မှောင်ပိတ်နေသော အမှောင်ထုကြီးမှာ ညီ တွေ့လိုက်ရသည့်က အဖေ နှင့် ဦးနေနိုင် ဖြစ်သည်။
"သား "
အဖေက သူ့ဆီ ပြေးလာသလို ဦးနေနိုင်လည်း သူ့ အနားသို့ ရောက်လာလေသည်။ အဖေက သူ့ကို ပွေ့ဖက်လိုက်ပြီး
"သား ကောင်းကောင်းမွန်မွန် ရှင်သန်ရမယ်နော်၊ အဖေ သားကို ချစ်တယ်"
သူ့ အဖေကျောပြင်ကို ပြန်လည်ပွေ့ဖက်ရင်း
"သားလည်း အဖေ့ကို ချစ်ပါတယ် အဖေ၊ အခု သား အဖေနဲ့ အတူနေဖို့ လာတာလေ "
ဦးရဲကျော် သားဖြစ်သူကို ပြုံး၍ ကြည့်ပြီး
"သား ဒီမှာ နေလို့မရဘူး သား၊ သမီးလေးဝိုင်ဆီ ပြန်ပါနော်၊ သမီးလေးက သားကို စောင့်နေတယ်"
"ဝိုင်"
ဝိုင် အမည်ကို ရေရွတ်မိလေတော့ သမီးငယ်၏ မျက်နှာကို သူ့ မြင်ယောင်မိသလို ဘယ်ဘက်ရင်အုံက ခပ်နွေးနွေးရယ်ပါ။
"သမီးနဲ့ မြေးကို စောင့်ရှောက်ပါ သားရယ်"
တိုးလျှလျှ စကားဆိုလာသော ယောက္ခမဖြစ်သူ ဦးနေနိုင် ရဲ့ စကားအဆုံးတွင် သူခန္ဓာကိုယ်ဟာ လေဟာပြင်နယ် အတွင်းသို့ ရောက်သွားသလို လွှင့်စင်သွားရလေသည်။
ထိုနောက်မှ အလင်းတန်းတစ်ခု။ ထိုအလင်းတန်းမှ တစ်ဆင့် တောက်ပနေသော အလင်းရောင်အတိုင်း သူ့ ခြေလှမ်းတွေကို ဆက်လျှောက်လှမ်းရင်း~~~~။
💗💗💗
ပြင်းရှသော ဆေးနံတွေ။ သူ့ မျက်ဝန်းတွေ အသာဖွင့်ကြည့်တော့ မျက်နှာကျက် ဖြူဖြူတစ်ခုက သူ့ကို ဆီးကြိုနေလေသည်။ ဘေးဝဲယာကို ကြည့်တော့ ခုံတန်းလျားပေါ်မှာ အိပ်ပျော်နေသော ဦးဘမှန်။ သူ့ အားယူကာ
လှမ်းခေါ်လိုက်လေတော့ ခေါင်းထောင်ကြည့်ကာ
"လူ လူလေး လူလေး သတိရလာပြီ"
ညီ အနား ဝမ်းသာအားရ ပြေးလာသူက ဦးဘမှန်။
YOU ARE READING
ခါးသက်သောအမုန်း
Romanceဘဝမှာ အမုန်းဆုံး မိန်းမကို ပြောပါ ပြပါဆို နှင်းဆီဝိုင် ဆိုတဲ့ သူမက ထိပ်ဆုံးက ပါဝင်နေတယ် "ညီလင်းကိုကို"
