AGS 1: The Love Investment (PUBLISHED)

Special Chapter 2

[ JAESIE ROSENTHAL ]

"Ang cute-cute naman ng baby."

Sobrang saya nilang lahat nang, sa wakas, inilabas din si Damaris in public.

Naging sensitive kasi ang baby sa first two weeks niya after ipanganak. Ang daming lumabas na rashes at ang daling na-trigger ng allergies ng baby. Ilang beses siyang kinailangang i-check ng doktor para lang maging okay siya.

But Patrick's mom had a different opinion. Ang obvious na hindi siya comfortable na ang daming humahawak sa apo niya, ako ang naiilang tumingin sa kanila.

Of course, masayang-masaya si Tita Chit kasi nailabas na ang first apo niya kay Melanie. Ang cute-cute pa naman ng baby, chinita.

"Ikaw? Kailan mo balak magkaanak, ha?" biglang tanong ni Mum kay Rico nang maumay yata sa mga bisita roon na pinagkakaguluhan ang anak ng mga ikinasal.

"Mum, we're trying, okay?" masungit na sagot ni Rico.

"Tumigil nga kasi muna kayo sa pagtatrabaho, hindi naman tayo mahirap!" mahinang sermon niya kay Rico at hinampas pa ang asawa ko sa kamay gamit ang pamaypay.

We were in Patrick and Melanie's "exclusive" wedding. Hindi ko alam kung ano ba ang definition ng exclusive sa mga angkan nila, pero ang daming tao. Doble ng visitors namin sa kasal last year ang attendees, at family relatives lang 'to lahat.

We were having a meal sa reception hall, and I could feel the cost of everything kasi gusto ng mommy ni Patrick ng simple lang daw na handaan at event.

And just by looking at all these assorted white and pink flowers, these gold-and-white tables occupying four whole basketball courts, all this delicious food with a satisfying amount in every serving, and the buffet!

I really could never understand their definition of what simple should be.

We were at a separate, long table. I was sitting beside my husband, and he was sitting beside his mother. Sobrang busy sa table namin at may kanya-kanyang topic ang lahat nang lumapit si Clark sa amin at bumulong sa asawa ko.

"Dude. Uwi muna kami ni Sab."

"Go ahead," sabi lang ni Rico, at parang kanina pa yata nakatingin sa kung saan itong asawa ko para sumagot nang ganoon kabilis kay Clark.

Nakiusyoso tuloy ako nang isunod ni Clark si Mum na katabi ni Rico.

"Tita."

"Hmm?"

"Nagkukutkot na naman kasi ng daliri niya si Sab. Hindi yata komportable rito. Baka puwede ko nang dalhin muna sa Manila para makapahinga siya? Sasamahan ko naman," paliwanag ni Clark, at bored na bored lang si Mum nang tingalain siya. Nagbuntonghininga pa si Mum nang silipin si Sab.

Hindi ko naman makita ang kapatid ni Rico kaya nakinig na lang ako.

"Iuuwi ko na lang para hindi siya nagta-trantrum dito," dagdag ni Clark. "Baka mapansin kasi nina Tita Liz."

Walang sinabing kahit na ano si Mum, pero sa kilos niya, mukhang pumayag naman siya.

Tita Filly went to the Vergara's table, Clark and Sabrina were going home, Will sat beside Eugene's seat, Patrick sat beside Mum, and everyone was busy checking the first baby of Patrick.

Sa buong barkada ni Rico, siya lang ang nakakabisita sa baby ni Pat. Kaming dalawa, mas madalas naming makita ang baby kompara kina Clark.

Ina-allow naman akong pumunta sa mansiyon nina Patrick kasama ang asawa ko. Sina-sanitize kami using fogging machine. And since naging sensitive nga si Damaris these past few weeks, ni-require na ni Tito Bobby na mag-present kami ng latest medical record para ma-trace kung ano ang source ng allergens ng apo niya. Good news sa amin ni Rico, meron kaming records. Basic checkup result lang naman ang hinihingi nila sa mansiyon, nothing more.