The Hidden Music

Chapter 19

‎Chapter 19

‎

‎Lucille's P.O.V.

‎

‎Wala na akong magawa kundi ang piliting alisin ang kirot sa puso ko. Tahimik akong nagbo-browse sa social media account ko nang may maligaw na picture sa isang Myday. Picture ni Ate Izzy habang hawak ang isang baby.

‎

‎Napa-chat naman agad ako kay Ethan upang tanungin kung nakita niya 'yon pero hindi ako nakatanggap ng sagot mula sa kaniya makaraan ang isang araw.

‎

‎Naupo akong muli sa harapan ng Piano at hindi ko alam kung bakit ko naisipang i-record ang melody sa application ng cellphone ko. Matapos kong i-record ang buong melody ay sinabayan ko na agad ng lyrics.

‎

‎"At kung droga man ang magmahal sa'yo

‎Handa akong malulong dito

‎Bawal man ang nadarama ko sa'yo

‎Eh sa naadik nga ang puso ko"

‎

‎Napatigil ako sa pagre-record nang biglang mag-vibrate ang cellphone ko na nakapatong sa piano.

‎

‎"Hello?"

‎

‎"Ano 'yong myday? Kababasa ko lang ng chat mo."

‎

‎"Si Ate Izzy kasi. 'Di ba hindi na natin siya nakakasama?"

‎

‎"Oo, bakit?"

‎

‎"May nakita kasi akong baby na hawak niya tapos may nakalagay na my little one."

‎

‎Hindi siya kumibo pagkatapos ng sinabi ko at ang tanging narinig ko ay ang "Mamaya na lang" na medyo mahina pa at pinatay na agad niya ang tawag.

‎

‎Bumalik sa application ng recorder ko at doon ko napagtanto na hindi naman pala na-save ang nirerecord ko.

‎

‎Napaisip lang din ako sa lyrics ng kanta. Simula noong nine years old ako, kaibigan ko na siya. Sixteen na ako, seven years na rin kaming magkaibigan...

‎

‎...at hanggang doon lang talaga.

‎

‎Salamat pa rin, Ethan sa pagtrato mo sa akin nang tama bilang ako. Siguro panahon na para tumayo ako sa sarili kong mga paa.