တိကျားကို တစ်ဖက်ခြမ်းမှာ ထားလိုက်ပြီး ပိုင်လီရှင်းက အခန်းကို လေးလေးနက်နက် စိတ်အားထက်သန်စွာ ရှာဖွေနေတယ်။
စနစ်ရဲ့ပြောပုံအရ လေဒီရို့စ်ဟာ မနေ့ညတုန်းက သေဆုံးသွားခဲ့တာ ဖြစ်တယ်။ လေဒီရို့စ်ရဲ့ခန္ဓာကိုယ်ပေါ်မှာ ဘာဒဏ်ရာတွေရှိလဲဆိုတာကို မြင်ရဖို့ရည်ရွယ်ချက်နဲ့ အိပ်ရာပေါ်တက်လိုက်ပေမယ့် ဒီအိပ်ရာပေါ်မှာ မစ္စတာမိုလုပ်ခဲ့တာတွေအကြောင်း ပြန်သတိရသွားတော့ သူ ရပ်တန့်လိုက်တယ်။
ပိုင်လီရှင်း တွေဝေနေချိန်မှာပဲ လင်းနို့ဖြူလေးက သူ့ပုခုံးပေါ် ပျံသန်းလာပြီး ပြောလိုက်တယ်။
"သူမက သွေးဆုံးရှုံးမှုကြောင့် သေသွားတာ။ သူမခန္ဓာကိုယ်ပေါ်မှာ ဘာဒဏ်ရာမှ မရှိဘူး"
ပိုင်လီရှင်း : "သူမက သွေးထွက်လွန်တာလား? သွေးစုပ်ခံခဲ့ရတာလား?"
လင်းနို့ဖြူလေးက သူ့အမွေးတွေကို ခါယမ်းလိုက်ပြီး ပြောလေတယ်။
"မဟုတ်ဖို့များတယ်။ သွေးမျိုးနွယ်က လုပ်ခဲ့တာဆိုတာ သူမရဲ့ခန္ဓာကိုယ်ပေါ်မှာ ကိုက်ခံရတဲ့အရာ ရှိလိမ့်မယ်"
ပိုင်လီရှင်းက တိကျားကို စောင်းငဲ့ကြည့်ပြီး ပြောလိုက်တယ်။ "ဘာလို့ ဒီလိုပုံစံ ထပ်ဖြစ်နေရပြန်တာလဲ?"
လင်းနို့ဖြူလေးက အနည်းငယ် ကူကယ်ရာမဲ့နေတယ်။
"ကိုယ် မွေးကတည်းက ဘာမှ မစားရသေးဘူး။ ကိုယ့်မှာ ခွန်အားက နည်းနည်းပဲ ကျန်တော့တယ်။ အဲ့ဒါကြောင့် လင်းနို့ပုံပြောင်းထားတာက စွမ်းအင်ကို ချွေတာရာရောက်တယ်လေ"
ပိုင်လီရှင်း : "အစာပြန်စားရင်ရော? မင်းရဲ့ခွန်အားတွေကို ပြန်ရမှာလား?"
လင်းနို့ဖြူ : "အင်းပေါ့"
ပိုင်လီရှင်းက သူ့အင်္ကျီကော်လာကို ဆွဲချပြီး လည်တိုင်ကို ဖွင့်ပြလိုက်တယ်။
"သောက်မှာလား၊ မသောက်ဘူးလား?"
တိကျားက အတွေးနက်သွားတယ်။
အရသာအရှိဆုံးစားစရာက မင်းကို စားဖို့ဖိတ်ခေါ်နေတဲ့အခါ မင်း စားမှာလား၊ မစားဘူးလား?
အဖြေက သိသာပါတယ်။
ဒါပေမယ့် သူ အခုတော့ မစားနိုင်သေးဘူး။
YOU ARE READING
အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်
HorrorUnicode + Zawgyi This is not my own. I'm just translating for fun. Credit to all original authors and translators. Title: After the Full-Level Boss Entered the Infinite Game By Mistake Author(s) :Mu Bai, 牧白
