Lingo ng hapon sinundo ako ni Greg, sa kotse palang inaasar niya ako. “Brod alam mo ba ang kulit ng anak ni Madam, dapat daw nandon ka sa birthday niya” sabi nya. “Ah baka magpapamasahe lang mamaya” sabi ko at tumawa siya. “Brod baka ibang masahe naman” sabi nya at nagtawanan kami. “Hindi naman siguro, mabait lang siya tulad ng nanay niya” sagot ko. “Ewan ko lang brod ha, pero alam mo di ko type boyfriend ni Bea. Gusto ko nga gulpihin minsan e” sabi niya. “Ah may boyfriend pala siya” sabi ko. “Oo brod, mayaman din pero mayabang sobra. Pero bakit ka panay kulit niya na pumunta ka ano? Uy brod ha, pag nakakakita ka lang brod alam mo napakaganda ni Bea. Talo niya ganda ng manager mo brod maniwala ka” sabi niya at napangiti nalang ako.
Pagdating sa bahay nila, out of place ako agad, puno ang bahay ng magagandang dilag at mga partner nila. Mukhang mayaman lahat, sa isang sulok nandon si Madam Becky at mga kumara niya, halatang nangangati na sila magsugal. Di ko makita si Bea kaya naupo nalang ako sa isang sulok at pinagmasdan ko ang nag gagandahan mga dilag kahit na may kaakbay silang mga asungot. “Athan!” narinig ko sigaw ni Bea, nakita ko na siya at grabe ang ganda niya. Suot niya pure white na dress, maiksi na skirt kaya litaw na litaw ang legs niya. Hapit na hapit ang dress sa katawan niya kaya kitang kita ang hubog ng kaseksihan niya.
Kunari sa malayo ako tumingin habang papalapit siya, “Uy dumating ka” sabi niya at kahit katabi ko na siya kunwari malayo parin tingin ko. “Oy nandito ako” sabi nya at pinaharap niya ako sa kanya. “Happy Birthday” sabi ko at kunwari humalik ako sa hangin. Tumawa siya at kinurot ako, “Hindi tumama kiss mo” sabi nya. “Siyempre bulag ako e” sagot ko at mas matindi ang tawa niya. “Uy tara kain ka na, samahan kita” sabi nya at inakbayan niya ako at nagpunta kami sa dining area. May humarang sa amin na lalake at napabitaw bigla si Bea sa akin, “Kanina pa kita hinahanap, dumating sina Henry, halika na” sabi ng lalake. “Teka sasamahan ko si Athan kumain” sabi ni Bea pero humawak yung lalake sa braso niya at hinila siya. “Hayaan mo na yan di importante yang taong yan, tara na” sabi ng lalake at sa oras na yon gusto ko sya hampasin ng stick ko. Buti nalang nandon si Greg at sinamahan niya ako kumuha ng pagkain.
Halos isang oras ko di nakita si Bea, nagbalik na ako sa sulok ko at naupo nalang. Nakita ko papalapit si Bea sa akin at parang malungkot ang itsura niya. Isang hakbang nalang katabi ko na pero sumulpot bigla si kupal at hinawakan ulit siya sa braso. Nakita kong nasasaktan si Bea at tinitignan niya ako, pag eentrada ako agad buking ang cover ko kaya nag antay ako ng tamang tsansa. Sinigawa ng lalake si Bea, di ko na kaya pagkat umaray na si Bea. Tumayo na ako at lumapit, hinawakan ko ang kamay ng lalake, “Pare wag mo naman saktan si Bea” sabi ko. “Teka nga pakialamero kang bulag ka ah!” sigaw niya at nakita ko na pumorma ng suntok, alam ko paparating na at sigurado ko solid ako sa mukha tatamaan.
Ayaw ko mabuking kaya inantay ko nalang at tinanggap ang suntok niya sa mukha. Solid nga at napahiga ako sa sahig. Agad ako inakbayan ni Bea, nakita ko si Greg na kinuwelyo si kupal. “Gago ka talaga Joey! Bulag to papatulan mo pa! Lumayas ka na nga!” sigaw ni Bea at lahat ng tao napatingin sa amin. “Pakialamero yan e! Mas bibigyan mo pa importansya yang bulag na yan kesa sa akin na boyfriend mo? Bitawan mo nga ako isa ka pa e!” sigaw ni kupal at binitawan naman siya ni Greg. Nakita ko lumayo si Joey at inalalayan ako ni Greg bumangon. “Athan okay ka lang?” tanong sa akin ni Bea. “Oo okay lang, sige na puntahan mo guests mo, magpapasama lang ako kay Greg magpahangin sa labas” sabi ko. “Okay ka lang talaga? Sorry ha” sabi nya. “Okay lang ako, sige na puntahan mo sila” sagot ko.
Lumabas kami ni Greg at mainit ang ulo ko, iniwan ako ni Greg na nakasandal sa isang poste pagkat magyoyosi lang daw siya saglit sa malayo. Pinapakalma ko na nga sarili ko nang sumulpot nanaman si Joey, di ko na napigilan sarili ko at minura ko sya. “Ano sabi mo? Tanga kang bulag ka ah” sabi nya. “Pag sumuntok ka parang bakla” hamon ko pa at pumorma ulit sya at pagkasuntok niya agad ako umiwas. Sapol na sapol ang kamao niya sa poste, napasigaw siya ng malakas at habang walang tao binanatan ko sya ng isa sa sikmura. Nalaglag sya sa sahig at namilipit, dumating si Greg para tignan kung anong nangyari.
