အရင်ဆုံး လေးနှစ်ကြာပြီးမှ ပြန်လာတဲ့ Update ဖြစ်တာကြောင့် Noti လေးမြင်တဲ့အခါ ဇာတ်လမ်းလေးမေ့သွားနိုင်တာမို့ အစပိုင်းလေးတွေကိုပြန်ဖတ်ပေးဖို့ မေတ္တာ ရပ်ခံချင်ပါတယ်ရှင့်။ လွန်ခဲ့တဲ့လေးနှစ်ကအရေးအသားလေးတွေဖြစ်တာကြောင့် ရှေ့အပိုင်းတွေမှာ လိုအပ်ချက်တွေအများကြီးရှိနေနိုင်တာမို့ အတတ်နိုင်ဆုံးနဲ့အမြန်ဆုံးကြိုးစားပြင်ပေးမှာမို့ ရှေ့ပိုင်းလေးတွေပြန်ဖတ်တဲ့အခါဘဲဖြစ်ဖြစ် အခုမှစဖတ်တာဘဲဖြစ်ဖြစ် နားလည်ပေးစေချင်ပါတယ်ရှင့် ။
——//———-///
-
ည 8:00 ဝန်းကျင်သာရှိသေးပေမဲ့ အုံ့မှိုင်းနေသော
ကောင်းကင်ကြောင့် ပတ်ဝန်းကျင်က အရင်နေ့တွေက
ထက်ပိုပြီးတိတ်ဆိတ်လို့နေသည် ။ မနေ့က ဆွန်းနီဆီမှ message ပို့ကာချိန်းထားသောကြောင့် jungkook အ
လုပ်ဆင်းချိန်တွင် သူနေသောတိုက်ခန်းသို့တန်းမပြန်ဘဲ ဆွန်းနီတို့အိမ်ရှိရာလမ်းထဲသို့သာဝင်လာလိုက်သည်။ ဆွန်းနီတို့အိမ်နှင့် မနီးမဝေးတွင်တော့ သူတို့နှစ်ယောက်မကြာခဏတွေ့လေ့ရှိသော one stop mart လေးရှိတာကြောင့် ဆွန်းနီကြိုက်တတ်သော အသင့်စားထမင်းလိပ်
နှင့် သူ့အတွက်အအေးတစ်ဘူးဝယ်ကာ ဆိုင်ရှေ့ရှိ ထိုင်နေကျ စားပွဲတွင်ဝင်ထိုင်ရင်း ဆွန်းနီဆီသို့ သူရောက်နေပြီဖြစ်ကြောင်း ဖုန်းဆက်လိုက်သည်။ မိနစ်အနည်းငယ်လောက်စောင့်ဆိုင်းပြီးစဉ်တွင်တော့ မတွေ့ရတာ
တစ်ပတ်နီးပါးကြာသွားပြီဖြစ်သော သူ့ချစ်သူက သူနဲ့စတွေ့စဉ်ထဲက မြင်နေကျရွှေအိုရောင်ဆံပင်တွေနေရာမှာ အရောင်တောက်လွန်းသော အနီရောင်ဆံပင်များက အစားထိုးနေရာယူထားပြီး အမြဲကြည်လင်ရှင်းသန့်နေတတ်သော သူမမျက်နှာကလဲ ကာလာအရောင်အသွေးဆုံလင်နေကာ မြင်နေကျမဟုတ်သော အနီရင့်ရောင်နှုတ်ခမ်းပါးတစ်စုံက သူ့ကို အရင်လိုအချိုသာဆုံးပြုံးပြနေပေမဲ့ jungkook အတွက်တော့ သူ့ရှေ့ကမိန်းကလေးဟာ သူမြင်နေကျသူ့ချစ်သူ ဆွန်းနီမဟုတ်ဘဲ တစ်ခြားအမျိုးသမီးတစ်ယောက်လိုသာ ခံစားရသည် ။
"ကို ဘာလို့အဲ့လောက်တောင် စိုက်ကြည့်နေရတာလဲ တစ်ပတ်လောက်လေး မတွေ့ဖြစ်တာကို "
