Uni
" နင့်ကို ငါပြောသားဘဲ အဲ့ကောင်က အဲ့လိုလူပါဆို "
" မာမီ ထယ့်ကို စောင့်ကြည့်ဖို့ လူလွှတ်ထားတာလား မာမီ သိပ်လွန်နေပြီနော် "
" ငါသာ မလွှတ်ထားရင် နင့်အကောင် ဒီလိုတွေဖြစ်နေတာ နင်သိမလား "
" ကျေးဇူးပြုပြီး မာမီ ကျွန်တော်တို့ နှစ်ယောက်ကြားဝင်မပါလို့ရမလား "
" ဘာ !! ဝင်မပါရအောင် နင်က ငါ့သားလေ Seok Jin ရဲ့ "
Jimin ကားပေါ်က ဆင်းသည်နှင့် အိမ်ထဲက ကြားလိုက်ရသော ဆူညံသံများ။
Hyung နှင့် မာမီ ထုံးစံအတိုင်း စကားများနေကြပြန်ပြီ ဆိုတာကို သိသည်နှင့် တားရန်အတွက် အိမ်ထဲ သို့သာ အမြန်ပြေးဝင်လိုက်သည်။
" မာမီတို့ တော်ကြပါတော့ဗျာ အမြဲ ရန်ဖြစ်နေကြတာဘဲ "
Jimin အလုပ်တွင်လဲ ပင်ပန်းလာသောကြောင့် နှစ်ယောက်ကြားဝင်ကာ စိတ်ပျက်လက်ပျက် ငြီးငြူမိ၏။
" မာမီမလွန်ဘူး သားငယ် ဒီမှာ ဓာတ်ပုံတွေ သားငယ်လဲကြည့်လိုက် "
ပြောလဲပြောရင်း မာမီက Jimin ဆီသို့ ဓာတ်ပုံ အချို့ကို ကမ်းပေးလာသည်။
မာမီပေးသော ဓာတ်ပုံများကို Jimin ကြည့်လိုက်တော့ Kim စံအိမ်တော်ကို တစ်စုံတစ်ယောက်က စောင့်ကြည့်ကာ ရိုက်ထားသည့် ပုံပေါ်သည် ။
ပုံအများစုက Kim စံအိမ်တော်၏ ဝရံတာတွင် ထိုင်နေသော Tae Hyung ၏ ပုံများသာ ဖြစ်သည်။
နောက်ထပ်ပုံတွေကို ကြည့်လိုက်တော့ Kim စံအိမ်တော်ထဲသို့ ကားတစ်စီးဝင်သွားသည့်ပုံများ။
ထိုကားပေါ်တွင် အမျိုးသားတစ်ယောက်ကိုမြင်ရပြီး ထိုအမျိုးသားက ဓာတ်ပုံထဲတွင် ထင်သာစေချင်ရန် ကားမှန်ကို တမင်ချထားလာတောင်ထင်ရသည်အထိ သူ့မျက်နှာ ဟာ ရှင်းရှင်းလင်းလင်းပင်။
Jimin ထိုအမျိုးသားကို မသိပေမဲ့ မာမီဒီလောက် ဒေါသထွက် နေပုံရရင် ထိုသူဟာ Jimin ကြားဖူးသော ထယ်ယောင်း၏ ကောလဟာလတွေနှင့် ပတ်သတ်နေသောသူဖြစ်ရမည် ။
Jimin ဓာတ်ပုံတွေကို တစ်ပုံချင်းကြည့်ပြီးနောက် စားပွဲပေါ်သို့သာပစ်ချလိုက်သည်။
