"ကျွန်တော် ဘာဆက်လုပ်သင့်လဲ Hyung..."
Yoongi Hyung အိမ်မှ ပြန်လာပြီးနောက် Jeon ဆီက ပထမဆုံး ထွက်ပေါ်လာသော စကားသံ။
"ဒီစကားကို ကိုယ့်ကို မေးရမှာမဟုတ်ဘူး Jeon။ မင်းကိုယ်မင်းပဲ ပြန်မေးရမှာ။"
"ကျွန်တော်... ဘာဆက်လုပ်ရမှန်း မသိတော့ဘူး Hyung..."
Jimin က Jeon ၏ ခေါင်းလေးကို ခပ်ဖွဖွပွတ်
သပ်ပေးလိုက်ရင်း အပြုံးနုနုလေးဖြင့် ဆိုလာသည်။
"Jeon... မင်းနှလုံးသားထဲက စကားသံကို သေချာနားထောင်ကြည့်ပါ။ အဖြေကို မင်းကိုယ်တိုင် တွေ့လိမ့်မယ်။"
ထိုစကားကို ကြားပြီးနောက် Jeon က Jimin ကို ငေးကြည့်လာသည်။
Jimin ကတော့ သူ့အကြည့်ကို ပြန်မဆုံခဲ့ပါ။
အဝေးတစ်နေရာကိုသာ ငေးစိုက်ကြည့်နေရင်း တိတ်ဆိတ်သွားသည်။
—————
မနက်ဖြန်ဆို Jungkook တို့ Seoul သို့ ပြန်ကြတော့မည်ဖြစ်သည်။
မပြန်ခင် ညနေပိုင်းတွင်တော့ Yoongi Hyung ၏ မိခင် အကူအညီဖြင့် Sunnie နှင့် တွေ့ခွင့်ရခဲ့သည်။
လူရှင်းသော Coffee ဆိုင်လေးတစ်ဆိုင်တွင် ချိန်းဆိုထားပြီး Jimin ကတော့ လိုက်မလာခဲ့ပါ။
ဒီလိုကိစ္စမျိုးက ကာယကံရှင် နှစ်ယောက်တည်းသာ ရင်ဖွင့်ပြောဆိုသင့်သည်ဟု ယူဆသောကြောင့် Jungkook တစ်ယောက်တည်းကိုသာ သွားစေခဲ့သည်။
အစပိုင်းမှာ Jungkook က သဘောမတူချင်ပေမယ့် Sunnie ရဲ့ ဂုဏ်သိက္ခာကို ငဲ့ကွက်သင့်တယ်ဆိုတဲ့ Jimin ရဲ့ စကားကြောင့် နောက်ဆုံးမှာတော့ လက်ခံလိုက်ရသည်။
Jungkook Coffee ဆိုင်သို့ ရောက်ချိန်တွင် Sunnie က အရင်ရောက်နှင့်နေပြီဖြစ်သည်။
Sunnie ရွေးထားသော အစွန်ဆုံးစားပွဲဝိုင်းတွင် Jungkook ဝင်ထိုင်လိုက်သည်။
"ကို..."
Sunnie ၏ အသံက အားအင်မရှိလှပေ။
"ကို... Sunnie တောင်းပန်ပါတယ်..."
စားပွဲပေါ် တင်ထားသော Sunnie ၏ လက်လေးကို Jungkook က ခပ်ဖွဖွဆုပ်ကိုင်လိုက်သည်။
