" ညီလေး ရှာခိုင်းထားတဲ့ မိန်းကလေးနဲ့ပတ်သတ်တဲ့ သတင်းအတိအကျရပြီ လွန်ခဲ့တဲ့လေးရက်က ဘူဆန်ကို ရထားနဲ့ထွက်သွားခဲ့တာ ညီလေး "
Jimin စုံစမ်းခိုင်းထားသော စုံထောက်ဆီမှ Sunnie နှင့် ပတ်သတ်သော သတင်းအတိအကျရသည်နှင့် Jeon ဆီသို့ အမြန်ဆုံးအကြောင်းကြားခဲ့သည်။
မှီရာကားနှင့်ဖြစ်စေ ရထားနှင့်ဖြစ်စေ ချက်ချင်းလိုက်သွားရန်ပြင်နေသော Jeon ကြောင့် ဆေးရုံအုပ်ထံသို့ ခွင့်သုံးရက်ခန့်တင်ကာ Jeon နှင့်အတူ Jiminပါ အဖော်လိုက်သွားရန် ဆုံးဖြတ်လိုက်သည်။
မာ့မီကိုတော့ အထက်တန်းတုန်းက သူငယ်ချင်းတစ်ယောက်၏ Wedding ရှိတာကြောင့် ဟု ဆိုကာ လိုအပ်သော အဝတ်အစားအနည်းငယ်နှင့် အသုံးအဆောင်တို့ကိုထုတ်ပိုးရင်း Jeon အိမ်သို့ထွက်လာလိုက်သည်။
" Hyung မလိုက်လဲရပါတယ် ပင်ပန်းလိမ့်မယ််"
" မဟုတ်တာ Jeon ရယ် ။ Jeon က ဘူဆန်လဲရောက်ဖူးတာ မဟုတ်ဘူး ကိုယ်ပါလိုက်မှအဆင်ပြေမှာပါ"
Jimin Hyung ပြောတာလဲ မှန်ပါသည်။ Jungkook ဘူဆန်သို့ တစ်ခါမှမရောက်ဖူးတာကြောင့် တစ်ယောက်ထဲသာဆို အတော်လေး အခက်တွေ့နိုင်သည်။
သို့ပေမဲ့လဲ အလုပ်ပျက်ခံပြီး သူ့ကိစ္စတွေမှာ လိုက်ပြီးကူညီနေသော Hyung ကိုလဲ သူအားနာမိသည်။
" ဘာမှတွေးမနေနဲ့ Jeon။ ကားပေါ်တတ် နောက်ကျနေပြီ"
ငြင်းဆန်လဲမရမှာသိတာကြောင့် Jungkook သူ့အဝတ်အိတ်ကို ကားနောက်ခန်းသို့တင်ကာ ကားပေါ်တွင်ဝင်ထိုင်လိုက်သည်။
" Hyung ကိုယ်တိုင်မောင်းလို့အဆင်ပြေပါ့မလား "
" အေးဆေးပါ Jeon ရယ် ။ Jeon ပင်ပန်းနေရင် အိပ်ပြီးလိုက်ခဲ့တောင်ရတယ်"
Jungkook သဘောအရဆို လိုင်းကားဖြစ်ဖြစ် ရထားဖြစ်ဖြစ်နဲ့သာ သွားချင်ပေမဲ့ Hyung က ဟိုရောက်ရင် တစ်နေရာနှင့်တစ်နေရာ သွားရေးလာရေးခက်ခဲမည်ဟု ဆိုကာ Hyung ကားနှင့်သာထွက်လာရခြင်းဖြစ်သည်။
Jungkook နည်းတူ Jimin Hyungလဲ ဒီရက်ပိုင်းတွေ အပြည့်အဝ အနားမယူဖြစ်တာကို Jungkook သိပါသည်။
