-
ည 6:00 ဝန်းကျင်ခန့်ဖြစ်သည်။
Kim စံအိမ်တော်၏ ဧည့်ခန်းထဲတွင် Tae Hyung ထိုင်နေသည်မှာ အချိန်အားဖြင့် 8:00 ဝန်းကျင်ခန့်ကြာပြီဖြစ်သည်။
သူ့ရှေ့တွင်ရှိသော စားပွဲခုံပေါ်တွင်တော့ အစေခံများ လာချပေးသော အစားအသောက်တွေက တစ်မျိုးပြီးတစ်မျိုး ပြောင်းလို့နေသည်။
အစားအသောက်အားလုံးက ထယ်ကြိုက်တတ်သော အရာများ ဖြစ်ပေမဲ့ ထယ်ကတော့ လက်ဖျားဖြင့်တောင်မထိခဲ့ပါ ။
" သခင်လေး ပြန်ရောက်ထဲက ဘာမှမစားရသေးတာ တစ်ခုခုလေးစားပါဦး "
အိမ်တော်ထိန်းကြီး၏ စကားသံကို ထယ် ကတိတ်ဆိတ်ခြင်းဖြင့် တုန့်ပြန်သည်။
" အခန်းထဲ ဝင်ပြီး အနားယူရင်းစောင့်ပါလား သခင်လေးရယ် သခင်ကြီးနဲ့သခင်မကြီးက အလုပ်တွေကြောင့် အိမ်ပြန်နောက်ကျ...."
" အကုန် ထွက်သွားစမ်းးးး"
စကားမဆုံးခင် Tae Hyungဆီကထွက်လာသော ဒေါသအပြည့်ပါသည့် အသံစူးစူးကြောင့် အိမ်တော်ထိန်းအပါအဝင် အစေခံအားလုံးသည် အခြေနေမကောင်းတော့သည်ကို သိလိုက်ကြပြီး ဧည့်ခန်းထဲမှ ကိုယ်စီကိုယ်စီ ထွက်သွားကြသည် ။
Tae Hyung ကတော့ မူလအတိုင်း နီရဲနေသောမျက်လုံးအိမ်တွေနှင့်သာ ဧည့်ခန်းဆိုဖာတွင် တိတ်တဆိတ်ဆက်လက်ထိုင်နေသည် ။
သူ့ရင်ထဲက ဒေါသနှင့် ဝမ်းနည်းမှုတွေကြောင့် သူဆာလောင်နေလား ခရီးပန်းနေလား ဆိုတာတွေကိုတောင် သူမခံစားမိပါ ။
သူအခုချိန်မှာ ဒယ်ဒီ နှင့် မာမီကို တွေ့ချင်စိတ်သာရှိသည်။
—————-
ခြံထဲသို့ ကားဝင်လိုက်သည်နှင့် Jungkook မျက်လုံးများ ဝိုင်းစက်သွားရသည်။
သူတို့ ရွာလေးနှင့်တောင် ခိုင်းနှိုင်းလို့ ရနိုင်သော ခြံဝန်းနှင့် စံအိမ်ကြီး ။
လည်ပတ်စရာနေရာ တစ်ခုလို့ သူ ထင်ခဲ့ပေမဲ့ ခြံဝတွင် ကျက်သရေရှိစွာ ပုံဖော်ထားသော "Park စံအိမ်တော်" ဆိုသော ခန့်ညားလွန်းသည့် ဆိုင်းဘုဒ်ကြီးက Jungkook ကို ထပ်ခါထပ်ခါ အံ့ဩစေခဲ့သည်။
