Jungkook ဒီနေ့ အလုပ်နားရက်ဖြစ်တာကြောင့် Jimin Hyung နှင့်အတူ နေ့လည်စာစားရန် Hyung ရှိရာ ဆေးရုံသို့လာခဲ့ခြင်းဖြစ်သည် ။
Jungkook ဆေးရုံသို့ရောက်ချိန်တွင် Hyung က ဂျူတီချိန်မပြီးသေးသောကြောင့် ကန်တင်းတွင်သာ စောင့်နေလိုက်သည်။
ဘွားဆီမှ သင်ထားဖူးသော မတောက်တစ်ခေါက် ဟင်းချက်လက်ရာ နှင့် Jimin Hyung အတွက် ထမင်းဘူးလေးပါ ပြင်လာသေးသည်။
အချက်အပြုတ်တော်တဲ့သူမျိုးမဟုတ်ပေမဲ့ ဘွားရှိစဉ်က Jungkook ချက်သော Soondubu Jjigae က အလွန်အရသာရှိသည်ဟု မကြားခနချီးကျူး ဖူးတာကြောင့် ယုံကြည်မှုတော့ရှိသလိုပင်။
" sorry Jeon ကိုယ်နည်းနည်း နောက်ကျသွားတယ် "
သူစောင့်နေပြီး ခနအကြာတွင်တော့ Hyung ကရောက်လာသည်။ တော်သေးတာပေါ့ ဟင်းတွေ မအေးသေးလို့ ။
" ရပါတယ် Hyung ရဲ့ ကျွန်တော်လဲ ရောက်တာ မကြာသေးပါဘူး "
" ထမင်းဘူး ယူလာတာလား Jeon ကိုယ်တိုင်ချက်ထားတာလား "
" ဟုတ်တယ် Hyung ။ အရမ်းတော့ မကျွမ်းပေမဲ့ စားလို့တော့ အဆင်ပြေမှာ ပါ"
Jungkookစကားဆုံးသည်နှင့် Jimin က အဆင်သင့်ဖွင့်ပေးထားသော ဘူးထဲမှ ဟင်းရည်ကို ခပ်ကာ မြည်းစမ်းကြည့်တော့သည်။
Jungkook ကတော့ Jimin မျက်နှာ အနေအထားကိုသာ အကဲခတ်နေရင်း အဆင်မှပြေပါ့မလားဟုလဲ စိုးရိမ်နေပုံပင်။
" ဝါး Jeon ဒီလိုနေရာတွေမှာလဲ တော်တာဘဲလား တကယ်အရသာရှိတယ် "
Jimin ဆီမှ ချီးကျူးစကားကို ကြားသည်နှင့် ရှက်ပြုံးပြုံးကာ ဂုတ်ပိုးကို လက်နှင့်ပွတ်လိုက်မိသည်။
ဒါက တကယ်တော့ Jimin ဆီမှ ကူးလာသော အကျင့်လေးတစ်ခုပင်။
" Hyung ကြိုက်ရင် ကျွန်တော် နောက်နေ့တွေလဲ ချက်ကျွေးမယ်နော် "
Jimin ကတော့ Jeon စကားကိုတောင် ပြန်မဖြေနိုင်တဲ့အထိ အားရပါးရ စားသောက်နေတာကြောင့် ခေါင်းကိုသာညှိမ့်ပြနိုင်သည်။
" Jeon လဲစားလေ ကိုယ်စားတာဘဲကြည့်မနေနဲ့ "
Jimin စားလို့ ပြီးခါနီးအထိ တစ်လုပ်မှ မစားဘဲ သူ့ကိုသာ ကလေးတစ်ယောက်လို စိတ်ဝင်တစား ထိုင်ကြည့်နေသော Jeon ကြောင့် Jimin သတိပေးလိုက်တော့မှသာ သူထမင်းစားဖို့ကို သတိရသောပုံပင်။
