I'm His Accidental Wife

CHAPTER EIGHTEEN (CRAZY)

Naging busy ang mga sumunod na araw para kila Sabina at Paul.

Sabay silang pumapasok sa opisina at umuuwi ng condo maliban nalang kung kailangan ibang appointment si Paul sa labas ng opisina. Sa basement parking lot na din nagpa-park ng sasakyan si Paul dahil duon talaga dapat nagpa-park ang mga Top Executive ng company , na pinag pasalamat ulit ni Sabina dahil hindi sila makikita ng mga empleyado tuwing pasukan at uwian. Less issue and less tsismis na din. 

Hindi silang sabay mag asawa ngayon araw dahil kailangan si Paul sa construction site, kaya nag taxi nalang si Sabina. 

Pagpasok niya ng lobby ng building ay sakto namang pagpasok nila Precious at Letty.

"Uy! Mrs. CEO.. Nag taxi ka lang?" - Precious. Simula nung malaman nilang asawa niya si Paul ay ito na tawag ng mga ito sa kanya kapag sila sila lang ang magkasama.

"Hindi mo kasabay si Sir Paul?" -Letty.

"Dumiretso siya sa Cons-!" hindi na niya natapos ang sasabihin ng biglang may humablot sa buhok niya mula sa likuran.

"Hayop ka! Malandi ka!" sigaw ng babaeng habang hinihila pa din ang buhok niya.

Nawala ang balanse ni Sabina sa pagkaka-sabunot  nito sa kanya kaya napaupo na siya sa sahig habang mahigpit pa din ang hawak ng babae. 

Napasigaw siya sa sakit. Hinawakan niya ito sa kamay na nakahawak sa buhok niya para pigilan ito. 

"Dapat sayo kinakalbo! Malandi ka! Mauubusan ka ba ng lalaki huh?!" patuloy na sigaw ng babaeng hindi kilala. Nararamdaman din niya ang pag sampal na nito sa mukha niya. 

Sobrang nabigla din ang mga tao sa lobby ng mga oras na yun. Pati ang mga security guard ay hindi kaagad nakapunta sa kanila sa pagkabigla.

 "P*ta ka! Haliparot! Bagay lang sayo yan! Dapat inaalam mo kung sinong inaagawan mo!" sigaw pa din nito habang patuloy ang pananakit sa kanya.

Umawat na sila Precious at Letty ng matauhan ito. Dumating na din ang mga security guard at pinilit na awatin ang nagwawalang babae.

"Bitawan mo ko?! Hindi kita kilala!" yun nalang ang tanging nasabi ni Sabina.

"Ano ba?! Bitawan nyo nga ako!!! Yang babaeng yan dapat ang tinatanggal nyo!! Mang aagaw yan!! Tandaan mo 'to hindi pa tayo tapos!!" Hiyaw pa din ng babae habang hawak ng mga security ng ilayo ito sa kanya. Sinipa pa siya nito bago tuluyang naawat ng mga guard. 

"Sab ok ka lang?" Nag aalalang tanong ni Precious habang tinutulungan tumayo at mag ayos si Sabina.

"Hayop ka!!! Napakalandi mo?! Akala mo napakaganda mo!! Malandi!" Patuloy na din ang paghiyaw nito. "Wag nyo kong pigilan kakalbuhin ko yang babaeng yan! Mang aagaw yan!!"

Tuluyan na itong nailayo ng mga security guard pero nagpipiglas pa din ito at patuloy na sumusigaw.

"Sino ba yon?" Naiiritang sabi ni Letty. "Nakakaloka!!! Baliw ata yon e!!!

"Manong guard. Bakit naman po nakapasok yung ganong klaseng tao! Dapat po double check kayo ng mga pumapasok." Sita ni Precious sa isang security guard na lumapit sa kanila.

Gulong gulo ang buhok ni Sabina at namumula din ang kanyang mukha. Mahapdi din anit at pisngi niya.

"Pasensya na po Mam. Mabilis pong pumasok yung babaeng yun. Hindi din po namin napansin." hinging paumanhin nito habang kumakamot ng batok.

"Sa susunod manong huh? dapat po nag iingat tayo sa mga pinapapasok natin dito. Lahat po tayo pwedeng mapahamak." - Precious

"Sab anong masakit? Gusto mong magpunta ng hospital? O kaya sa clinic?" -Letty.