Seventeen

Chapter 5

"Good morning..." bati ni Nikki sa kanilang ina ng madatnan niya itong nagluluto sa may kusina. Naupo siya sa may lamesa saka nag-umpisang magtimpla ng gatas.

Hihigupin na lamang niya ang kanyang gatas nang mapatingin ito sa kanilang wall clock. Alas-sais pasado na kaya nagtaka siya kung bakit hindi niya makita ang kapatid. "Ma, nasaan si Nixie? Pumasok na ba siya sa school sa ganitong oras?"

"Maaga siyang nagising at nagpaalam na magja-jogging daw muna." Sagot naman ng kanilang ina.

Nagulat si Nikki sa narinig. "Ano'ng meron sa batang 'yon? Bakit bigla-bigla na lang gumagawa ng mga bagay na di naman niya dati ginagawa?"

"Ay naku, hindi ko rin alam diyan sa kapatid mo." Nagkibit-balikat ang kanilang ina.

Samantala, medyo malayo na rin ang natatakbo ni Nixie mula sa kanilang tahanan.

Uwaaahhh...

Ang sakit na ng paa ko kakatakbo!

Gusto ko ng tumigil at sasabihin ko na lang na tumakbo nga ako!

Pero since ganon siyang tao...

Biglang huminto sa pagtakbo si Nixie. Saka biglang lumingon sa kanyang likuran. At hindi nga siya nagkamali, nakasunod nga sa kanya ang kanyang boss na si Kaiser.

"Good morning!" matamis ang pagkakangiti nito habang papalapit sa kanya. Nakasuot ito ng navy blue hooded jacket at loose jeans.

Sabi ko na nga ba't andito siya para i-check ako!

"Ano'ng ginagawa mo dito sa ganito kaaga?" kunot-noong tanong ni Nixie rito.

"What do you mean what? I came here to make sure you were really running." Nakangiti pa rin nitong sagot.

"Hmp! Hindi mo naman na kailangang i-check ako kasi tumatakbo naman talaga ako!" pagkasabi ay tumalikod na si Nixie saka tumakbo ulit.

Nagulat pa siya nang sabayan siyang tumakbo ni Kaiser. "B-bakit ka tumatakbo rin sir?!"

"Wala lang. I just felt like running since I'm here." Nakangiting turan ni Kaiser.

Huminto muli si Nixie saka hinarap nito ang lalaki. "Eh di dun ka sa kabila tumakbo. Paano na lang kung makita tayong magkasama ng mga magulang ko? Ano na lang ang sasabihin nila?"

"Then I'll say that you're doing this to become a singer." Kalmado lang na sabi nito.