PASSWORD (Completed) (Raw)

PASSWORD : Him

ILANG minutong nakaupo lang ang dalaga sa sahig habang yakap ang tuhod. Tulala ito at patuloy sa pagluha dahil inaalala niya ang mukha ng kanyang yumaong ama. Sanggol pa siya noong mangyari ang trahedyang nagpabago sa pakikitungo ng kanyang lolo.

Salamat sa larawang natagpuan niya sa attic. Larawan ng kanyang ama habang hawak ang kamay ng isang babae. Putol ang larawan na sa palagay niya ay ang dapat na larawan ng ama at ina. Pinutol iyon at ang natira ay ang sa kanyang ama kaya't lihim niyang inilagay iyon sa kanyang wallet.

Dad I wish you were here with us. I want to feel your comforting hug. Seeing your sweet smile and hear your angelic voice calling my name.

"Daddy nahihirapan na po akong magpatuloy. Hindi ko na kaya," napayuko ang dalaga sa tinuran dahilan upang bumagsak ang mga luha sa pulang carpet. Isa, dalawa hanggang sa lumikha iyon ng isang mapa.

---

SA kabilang banda ang binatang si Brent ay nagtungo sa mansyon upang sunduin si Katie. Nagpapasama kasi ito sa kanya sa Mall upang mamili nang gagamitin para sa dadaluhang Cosplay Event.

Binagtas niya ang daan kahalintulad sa daang tinahak ni Shery kaya naman noong inaayos niya ang suot na puting polo shirt ay halos mapahinto ito sa nakitang taong nakaupo sa 'di kalayuan.

Ang yabag niya ang naging dahilan upang lingunin ng dalagang nakayuko.

Napanganga ang dalaga, gusto niyang usalin ang pangalan ng binata pero nahihiya siya. Idagdag pa na walang bahid ng awa ang ekspresyon ng binatang kaharap na para bang nagsisisi pa itong nagpunta doon tuloy nagkrus muli ang landas nila.

Batid ng dalaga ang galit ng binata. At tanggap niya iyon dahil wala naman kasi siyang magagawa kung tataliwas siya sa kagustuhan ng Lolo. Gustuhin man niyang magpaliwanag pero ito na ba ang tamang oras?

Nagsimulang kumilos ang binata at tuluyang lumagpas sa kanyang posisyon na parang walang nakitang Shery na nakaupo sa sahig.

Ang dalaga ay nagdadalawang-isip pero gulat na napatakip ito ng bibig noong kusang kumilos ang bibig niya upang tawagin ang pangalan ng binata.

Epektibong napahinto ang binata pero hindi siya hinarap. Para bang hinihintay siya nitong magsalita pero hindi niya alam kung saan sisimulan. Kilala niya ang binata dahil ito ang kanyang kababata idagdag mo pa na ito ang kanyang mangingibig noon.

KASAGSAGANG naghahabol si Shery ng requirements ni Katie. Nakiusap kasi itong tulungan siya dahil hindi niya iyon magagawa dahil may importanteng laban siyang dadaluhan.

Madami siyang hawak na papel, folder at ilang libro. Lahat ng iyon ay requirements ni Katie bukod pa ng sa kanya mismo kaya't halatang hirap ito sa noo'y dapat na pagkatok sa pinto.