احنا كدا ( الجزء الثانى )

الحلقه { 6 }

الحلقه { 6 }
ام فجر : ( قاعده على البحر وفرحانه ) الله ايوه بقى الواحد يعيشلو يومين
فجر : مبسوطه يا ماما ؟
ام فجر : اوى اوى والله لو كان ينفع كنت نزلت البحر
ايمان : طب ما تيجى ننزل يا تيته انا واحمد هنمسكك
ام فجر : نسيت اجيب المايووه
حبيبه : هههههه انتى عندك مايوه يا نانا
شفت يا دادى ومرضيتش تخلينى اللبس مايوه
ايمان : تلبسى مايوه هنا لا معندناش بنات تلبس كده
حبيبه : ما نانا هتلبس اهو اشمعنى انا
ام فجر : انا بهزر مش بتكلم بجد انا برضو هلبس مايوه مش اى حد يقول اى حاجه تصدقيه
دا كان جدك يزعل فى نومتو
حبيبه : ايه يعنى ايه هو مش مات هيزعل ازاى ؟
ام فجر :انتى متعرفيش ان الميتين بيحسو بأهلهم ؟
حبيبه : لا ازاى
فجر : ماما مش وقت الكلام ده وبعدين احنا جايين من امريكا مش شبرا الخيما الله يرضى عليكى بلاش الكلام ده هى مش هتفهم
محمد : صح يا تاتا احنا جايين ننزل البحر ونتفسح يلا ننزل البحر يا بونبونى
حبيبه : يلا
فجر : بونبونى مين يالا مفيش حد هينزل لا اقعدى جنبى هنا
حبيبه : انزل البحر يا دادى
محمد : فى ايه يا خالو متخفش عليها هناخد غطسين بس
فجر : مافيش انزل اغرق انته مش هتنزل
حبيبه : يا دادى
فجر : بعدين اقعدى
حبيبه : حاضر
ايمان : طب هتنزل معايا انا واحمد
فجر : لا انزلى مع اخوكى انتى هى لا
حبيبه : طب انا هقاعد اتفرج عليهم كده
فجر : اه خليكى وبعدين ممكن يجيلك برد لو نزلتى المايه
ام فجر : خودى الساندوتش ده اتسلى فيه ؟
حبيبه : ايه ده ؟
ام فجر : كفته بيتى هناء عملاها وحطه عليها طحينه تستاهل بوئك
حبيبه : اكل يا دادى ولا دى كمان لا
فجر : لا كولى
احمد : ماشى انا هقوم انزل البحر يلا يا منى يلا يا محمد
حماده : اه واحنا كمان يلا يا يا ايمان قاسم نازل انته وعمرو ؟
قاسم : اه طبعا
حماده : طب يلا
خليها جنبك كده
فجر : روح يلا وانته شبه امك كوثر كده
اه خليها جنبى
( نزلو كلهم وسابو حبيبه جنب فجر وهى زعلانه )
فجر : خلاص بقى متزعليش هبقى اوديكى قريه سياحيه فيها بيسين خاص للبنات تنزلى فيه لاكن هنا مش حلو
كولى الكفته بقى
حبيبه : ماشى
فجر : ماشى انتى انحرفتى اسمها حاضر او اوك دادى
ام فجر : ما تسيب البت مع اخواتها
فجر : اسكوتى انتى مش فهمه اخواتها ايه
حبيبه : دادى ممكن تبقى تجبلى مايوو زى بتاع ايمان كده شكلو حلو بدل البنطلون والتيشيرت دول
فجر : حاضر انا مشوفتش منهم كنت جبتلك بس دول حلوين برضو
حبيبه : شوف بيلعبو مع بعض انا عوزه اروح اللعب معاهم
فجر : بس يا حببتى جرالك ايه خودى كاتشب
ام فجر : هى حبيبه اسم الله عليه هتدخل كلية ايه ؟
فجر : لسه ما قررناش بس هى بتحب الرسم اوى بفكر اداخلها فنون جميله
ام فجر : جميلة ايه داخلها حقوق ولا تجاره ولا طب دى هتبقى عسل وهى دكتوره
فجر : لو هى عاوزه تدخل طب ليه لا ان شالله ادخلها كليه خاصه
ها يا حبيبه عاوزه ايه ( بيبص جنبو ملقاش حبيبه )
البت راحت فين
دى فى البحر قامت امته دى
انتى يا بت تعالى
ام فجر : ههههههههه ضحكت عليك العيال شورولى اشغلك عنها ههههههههههههه عشان يجو يخدوها
فجر : كده طب انا نازل اجبها
( نزل لهم فجر البحر )
كده برضو تسهينى وتنزلى معاهم
حبيبه : سورى دادى
حماده : نهار اسود سورى دادى بسكويته يا ربى
فجر : انا هوريك البسكويت يا ابن كوثر انته انا هغرقك
حماده : خلاص يا خالو خلاص
حبيبه : ههههههههه
محمد : بونبونى والله
فجر : لا انا صحيح كنت عايش فى امريكا بس انا اصلا من الانفوشى يا جزم
منى : فى ايه يا خالو بس متعصب ليه
فجر : انتى مش سمعه اخوكى بيقول بونبونى والتانى بيقول بسكويته
منى : وايه يعنى عادى ما هى اللى بنتوه عسل
فجر : الله ما يطولك يا روح
حبيبه تعالى نطلع من البحر
حبيبه : لا هعوم شويه مع منى وايمان
فجر : طب افصلو الولاد هنا وانتى يا منى هناك كده
قاسم : عمو عندو حق انتو البنات ابعدو شويه
عشان تكونو على راحتكم
( وبعد شويه من الفصل اطمن فجر انهم بعدو عن بعض راح قالهم )
فجر : خليكم كده بقى انا هروح اقعد مع ستكم
منى : روح متخفش احنا مع حبيبه اهو
فجر : طب ماشى
( خرج فجر من البحر )
ام فجر : ماللك فى ايه ؟
فجر : مالى يا ماما مانا كويس اهو
ام فجر : انته غيران على بنتك اوى كده ليه دول اخواتها
فجر : اصلك مش عارفه اللى حصل
ام فجر : لا عارفه مش محمد وحماده عوزين يخطبو حبيبه
وانته زعلت اخواتك وقولتلهم لا
فجر : طب مانتى عارفه اهو وبعدين البنت صغيره اوى
ام فجر : انا اتجوزت ابوك وانا 14 سنه
فجر : ايامك مختلفه يا ماما وبعدين دى لسه بتدرس وكمان انا معنديش غيرها
ام فجر : يعنى مش هتجوزها ؟
فجر : يو بقى يا ماما لا مش هجوزها هحنطها جنبى
نهار اسود رجعو يعومو جنب بعض تانى
افصل عن بعض افصل
محمد : ( انته شكلك راجل افيل وهتخنقنى ) حاضر يا خالو حاضر
حبيبه : اسمعو الكلام بدل ما يخراجنى
حماده : سيبك منو هيرغى شويه ويسكت
حبيبه : يعنى ايه ؟
محمد : يعنى هيتكلم شويه وخلاص
حبيبه : هو عمو شوقى وعمو رمزى بيعملو زى دادى كده معاكم
منى : لا انا ابويه متبرى مننا
ايمان : وانا ابويا بيقولنا طول ماحنا بعيد عنو ومش جيبنلو وجع الدماغ احنا بيس
حبيبه : يا بختكم
انا دادى بقى بيتدخل فى كل حاجه
فجر : هو انا لازم انزلكم عشان تحترمو نفسكم مش قولت نفصل
احمد : فى ايه يا خالو متنشن كده ليه ؟
فجر : ايه بيقول ايه ده
محمد : متنشن يعنى متعصب
فجر : من افعلكم يلا بقى اطلعى معايا
حبيبه : يا دادى
فجر : مفيش دادى هى كلمه واحده يلا اطلعى
حبيبه : اوك دادى
محمد : ( يخرب بيت عسل امك ) بت يا منى يلا نطلع احنا كمان اتحجاجى بأى حاجه ويلا
منى : مالك كده مهتم بيها ليه ؟
محمد : خليكى نصحه بقى ؟
منى : ماشى بس خلى بالك احمد سحب اختو ولازق جنبها
محمد : طب يلا بينا
فجر : ايه انتو طلعتو كلكم ليه ؟
قاسم : جوعنا
منى : مش عاوزه تروحى الحمام يا حبيبه ؟
حبيبه : اها كنت عاوزه
ايمان : طب تعالى معانا
فجر : انته رايح فين انته وهو طب دول بنات وريحين الحمام ريحين فين انتو ؟
محمد : هنسبهم بنات لوحدهم يروحو الحمام
حماده : ايه يا خالو احنا فى مصر مش امريكا رجلينا على رجل اخوتنا البنات
فجر : طيب ماشى
امسكى فى ايد منى لحسن تتوهى
حبيبه : حاضر
حماده : تتوه مين دانا اشيل كلمة ذكر من البطاقه
فجر : طب خالص بقى بدل ما انا هشلهالك انا
ايمان : والله انته عسل يا خالو
( واخدو حبيبه وراحو الحمام )
فجر : مالك يا قاسم تعبان ولا ايه ؟
قاسم : اصل بصراحه يا عمو انا حاسس ان محمد وحمادا بيلطفو اوى ويسخفو اوى مع حبيبه
فجر : انته قولتلى انته فى سنه كام ؟
قاسم : رايح تانيه ثانوى
فجر : ( اطمن ان قاسم اصغر من حبيبه ) عندك حق يا قاسم انا واخد بالى برضو
قاسم : حاجه تحرق الدم ؟
فجر : والله انته راجل يا قاسم
قاسم : طب انا هروح ارخم عليهم بقى
عشان لو انته رخمت هيزعلو
فجر : اه روح دى اختك برضو يا قاسم
قاسم : اه طبعا
ام فجر : فجر متخفش من عدوك اللى انته شايفو خاف من صحبك اللى مطمنلو
فجر : يعنى ايه ؟
ام فجر : ولا حاجه ما تقوم تجبلنا جلاتى نفسى فيه
فجر : عمرو خد هات ايس كريم هو بكام ؟
عمرو :تلاقيه ب 5
فجر : ياه هو غالى كده ليه طب احنا كام
9 ×5 = 45
خود 50 اهو
عمرو : اجيبو بئيه ؟
ام فجر : بالشكولاته كلو بالشكولاته
عمرو : ماشى
**** ( بقلم هند محمد @isis Mohamed ) ****
هناء : ابراهيم عاوزه اقولك على حاجه ؟
ابراهيم : نعم ؟
هناء : ايه رئيك نخطب حبيبه لقاسم
ابراهيم : بس دى اكبر منو
هناء : مش مهم هما 3 سنين مش كتير
ابراهيم : بصى اخويا ده ميتناسبش وكمان انتى شايفه هو رخم لا بلاش
هناء : البنت حلوه ومؤدبه ومتعلمه وكمان روحها حلوه
ابراهيم : وانا ماقولتش حاجه على البنت
انا بكلمك على اخويه انا مش عاوز مشاكل معاه وبعدين ممكن يفتكر انى طمعان فيه
هناء : ليه بقى انته عندك هنا اكبر معرض ملابس كمان ورشه انته واللى اسمها نادين شوركه فيها هتطمع ليه بقى
ابراهيم : انسى الموضوع ده انا مش موافق اخويا مش هيوافق
هناء : انا مستخسره البنت تروح لحد دى زى النسمه
تعرف امبارح بقولها انا نفسى اخلف بنت
راحة قيلالى اعتبرينى انا بنتك
ابراهيم : رقيقه زى امها الله يرحمها
هناء : هى ماتت ازاى يا ابراهيم
ابراهيم : مش عاوز اتكلم فى اللى فات
هناء : عاوزه اعرف
ابراهيم : طب ما تقوليش لحد
هناء : لا والله ما هقول
**** ( بقلم هند محمد @isis Mohamed ) ****
ام حازم : مالك فى ايه تانى
حازم : مفيش
ام حازم : البنت بتاعت امبارح ؟
حازم : مش راضيه تروح من بالى يا ماما
انا حلمت بيها امبارح
ام حازم : استغفر الله البنت دى شكلها مولعب وقليلت الادب عشان تخلى خطيب بنت عمتها يفكر فيها كده عملتلك ايه قولى
حازم : قليلة الادب دى هى مؤدبه اكتر من اى واحده فى مصر
دى هى وابوها اخر المواطنين المؤدبين
ام حازم : طب يابنى كده غلط حتى لو روحت واتقدمتلها ابوها مش هيوافق هيعمل حساب اختو
حازم : طب انا بحبها اعمل ايه ؟
ام حازم : فكر فى منى
حازم : منى
امبارح لما روحتلهم
بقولها وحشتينى يا منى منى تقولى متشوفش وحش
لاكن حبيبه بقولها وحشتينى تقولى وانته كمان
ام حازم : بقولك البنت دى مش محترمه ابعد عنها
حازم : يو بقى يا ماما
( موبيل حازم بيرن )
ام حازم : مين بيرن عليك ؟
حازم : دا اياد
ام حازم : طب رد عليه شوفو عاوز ايه
حازم : سلام عليكم ؟
اياد : ازيك عامل ايه ؟
حازم : الحمد لله فينك ؟
اياد : خلاصت النابطشيه ومروح قولت اكلمك نخرج سوى كمان شويه
وكنت عاوز رئيك كده فى موضوع محيرنى من امبارح
حازم : ماشى انا شويه ونتقابل عند القلعه
اياد : ماشى على 8 كده
حازم : ماشى سلام يا باشا
ام حازم : مالو اياد
حازم : مش عارف
**** ( بقلم هند محمد @isis Mohamed ) ****
قاسم : ( رجع وعمال ينفخ ومش طايق نفسو )
فجر : مالك فين حبيبه ؟
قاسم : بص من الاخر بنتك دى هبله ومسكوها طبله
فجر : ايه ليه بتعمل ايه ؟
تفتكرو حبيبه بتعمل ايه ؟