الحلقه { 25 }
جلال : دا غلبان اوى وظروفو صعبه بس بجد كويس
فجر : طب قولى ماله حكايته ايه ؟
جلال : احكيلك يا سيدى
بص سيكا ده كان متربى فى دار ايتام بس يعنى كان المعمله مش حلوه فى الدار راح خد فى وشو وهرب من الدار
وهو كان بيحب العربيات وكده نزل على الحرفيين
فجر : ايه حرفيين فين دى
جلال : الحرفيين يا فجر مكان كده بعد المطار شارع مليان ناس بتبيع قطع غيار عربيات وبتصلح وفى بيع وشرا كده يعنى
فجر : اه ماشى بعدين
جلال : حظ سيكا الحلو راح واشتغل عند مكانيكى علمه كل مسمار فى العربيه بتاع ايه وهو دماغو نظيفه اتعلم بس وهو بيشتغل كان بيدرس خلص ثناويه ودخل الجامعه واهو كل سنه بينجح شايل ماده او اتنين بس اهو بينجح
فجر : وانته بقى عرفتو ازاى ؟
جلال : مانا بشترى وابيع عربيات مانته عارف وبصلح كمان وكده وعرفتو بقى بس هو اليومين دول بيحب يشتغل سواق عشان الجامعه
فجر : انا راضى زمتك تمشى بنت اختك مع واحد من دار ايتام واحد لقيط انته ايه ؟
جلال : وهو ذنبو ايه المهم الواد كويس وبيعرف ربنا ليه يشيل غلطه ابوه وامو عملوها
وبعدين انته فاكر كل اللى اتربه فى دار الايتام دول ولاد حرام ولقطاء لالالا
دول عيال غلابه وفى ناس كمان بتبقى مش لاقيه تاكل تودى مثلا ولاد اخوه ولا اخوتها الميتين
فجر : ايه ده مش فهم حاجه ؟
جلال : يعنى مثلا ناس غلابه ليه اخ ومات ومفيش حد ياخد بالو من عيالو بدل العيال ما تضيع فى الشوارع بيودوها دار الايتام
دا غير بقى العيال اللى بتوه وكمان اللى بتتخطف من اهلها وبيترمو فى الشارع وعيال اللى بيشحتو ولما يكبرو بيودوهم بردو دار ايتام او بيبقو ولاد شوارع
فجر: لا انا كده اخاف على حبيبه ده ممكن يعمل فيها حاجه
جلال : لا متخفش سيكا راجل متخفش انا اضمنه برقتى بقولك ابنى اللى مخلفتوش
فجر : تعرف لو حبيبه جرالها حاجه منه
جلال: متخفش انته مش هتخاف على حبيبه قدى دى بنت اختى
**** ( بقلم هند محمد @isis Mohamed ) ****
حبيبه : انته هتعمل فيه ايه ؟
سامح : متخفيش انتى امانه فى رقبتى ومش بس كده دانتى بنت اخت اكتر راجل وقف جنبى
انتى متعرفيش بابا جلال ده عندى ايه
أنت تقرأ
احنا كدا ( الجزء الثانى )
Storie d'amoreرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
