الحلقه { 42 }
وليد : مش بتردى ليه من اول جرس ؟
منى : معلش كنت فى المطبخ مع ماما مكنش معايا التليفون
وليد : التليفون بعد كده متسبيهوش من اديكى فهمه
منى : حاضر بس انا كان ايدى فى المايه فا سبتو فى الاوضه
وليد : انتى بتتكلمى كتير ليه لما اقول حاجه تتسمع ابقى خوديه معاكى فى اى مكان انا مش هفضل مستنى لما سيتك تردى عليا
منى : فى ايه يا وليد بتزعق كده ليه قولتلك حاضر هبقى اخدو معايا
وليد : انا ازعق زى مانا عاوز وانتى بقى المفروض تسمعى الكلام
منى : طيب حاضر هسمع الكلام
وليد : هى بنت خالك دى هتيجى امته ؟
منى : وانته بتسئل عليها ليه ؟
وليد : عشان مش عاوز اشوف وشها لما تيجى ابقى قوليلى عشان مش عاوز اشوفها هى وابوها
منى : حاضر
وليد : فاضيه انهارده
منى : انا فاضيه اه
وليد : طب هجيلك انهاردا شويه
منى : اوك هستناك
وليد : ماشى سلام
**** ( بقلم هند محمد @isis Mohamed ) ****
ام فجر : مالك سرحانه فى ايه ؟
حبيبه : فى واحده صحبتى
ام فجر: ههههههه صاحبتك ولا صاحبك
حبيبه : لا صاحبتى
ام فجر : مين دى بقى ؟
حبيبه : اسمها سماح بس ظروفها صعبه اوى يا نانا
ام فجر : ليه مالها ؟
حبيبه : هى متعرفش باباها مين وكمان امها مين وهى بتحب واحد وخايفه اهلو مايرضوش
ام فجر : يعنى ايه متعرفش ابوها وامها مين ؟
حبيبه : اصلها كانت عايشه فى دار ايتام وهى صغيره
ام فجر : اه فهمت لقيطه يعنى اه صحيح اهلو مش هيرضو بيها
حبيبه : بس هى طيبه اوى وجدعه اوى وكمان متربيه جدا
ام فجر : بس برضو يا حبيبه ملهاش ام ولا اب دى بنت حرام يا بنتى
حبيبه : ما هى مش ذنبها هى مالها تشيل ذنب ابوها وامها ليه ؟
ام فجر: هى صحيح ملهاش داعوه بس الناس برضو مبترداش
حبيبه : طب هو يعنى حرام ربنا ممكن يزعلى لو حبيبها ده اتجوزها واهلو رضيه ؟
ام فجر : لا بالعكس دا هياخد ثواب كمان من ربنا انو ستر عليه واتجوزها
حبيبه : طب يبقى اذا كان ربنا هيديه حسنات كتير الناس مش ترضى ليه بقى
أنت تقرأ
احنا كدا ( الجزء الثانى )
Storie d'amoreرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
