الحلقه { 70 }
ام وليد : ما تنطقى ايه عمل كده فى وشك ؟
منى : ابدا يا ماما مفيش
وليد : انا من امبارح وانا بسئلك وانتى تقولى مفيش قولى طيب حصل ايه ؟
منى : قولت مفيش يا وليد اتخانقت انا وحبيبه فا راحت عضانى عادى بقى
ام وليد : حبيبه اللى هى مين دى ؟
منى : حبيبه بنت خالى فجر شدينا انا وهى فى الكلام راحت هجمة عليا وعضانى
ام وليد : اه افتكرتها مش دى البنت اللى شفنها وحنا بنخطبك اللى كعب جزمتها اتكسر ؟
منى : اه هى ربنا ينكد عليها يا رب
وليد : انا مش قولتلك ملكيش داعوه بيها ؟
هتحضرى فرح ايمان كده ازاى ؟
ولا اخوتى كمان شويه لما يجو يشفوكى كده ونتى معضوضه من وحده هبله وقليلة الادب
منى : يوووو بقى ما كلو بسببك
ام وليد : ليه وهو مالو وليد ؟
منى : اصل هى بتحب سواق
فا بقولها مش مستوانا
فاقلتلى يعنى بتاع الفراخ هو اللى مستوانا
وليد : بنت ال
ام وليد : ومالو بتاع الفراخ مش مكفى فاتح بيت ومكفيه ؟
منى : بس بقى روحت قمت جبتها من شعرها وراح هى عضانى
ام وليد : وانا اللى كنت عاوزه اخطبها لعطيه خليها بقه كده تعنس ولا تتجوز السواق شوفى هيجبلها شبكه ايه دا اخرو طقم دوسات
منى : لا يا ماما دا بتقول بقى رجل اعمال بيتاجر فى العربيات وكمان جبلها شقه فى كمباون
وليد : مين السواق ده سيكا ولا التانى ؟
منى : لا سيكا
وليد : اه تلقيه بيتاجر فى العربيات المسروقه هو شكلو حرامى
منى : خليها بقى انا هقوم اشوف وشى ده احط اى حاجه ادارى العضه دى البيت بيتك يا ماما والمطبخ اهو
ام وليد : وانا مالى بالمطبخ لا انا جايه انهارده ارتاح ورينى شطارتك بقى يا مرات ابنى
منى : يعنى ايه ؟
ام وليد : انتى لما بتيجى عندى كبايت الشاى بتشربيها وتحطيها قصادك مش بيهون عليكى تقومى تغسليها
انا بقى لما اجى بيت ابنى المفروض المعمله بالمثل
منى : اه طيب ومالو
انا هدخل جوا وشويه وجايه
**** ( بقلم هند محمد @isis Mohamed ) ****
أنت تقرأ
احنا كدا ( الجزء الثانى )
Romanceرواية احنا كدا ( الجزء التانى ) هى جزء تانى لوراية احنا كدا الجزء الاول بقلم : هند محمد ازيس محمد isis mohamed قصه اجتماعيه رومانسيه كومديه
