احنا كدا ( الجزء الثانى )

الحلقه { 20 }

الحلقه { 20 }
حبيبه : طب وايه يعنى لما ام تكلم ابنها ابراهيم ايه المشكله ؟
( الباب خبط )
نادين : حبيبه فى ايه افتحى حبيبه فجر افتح بتعمل فى البت ايه
فجر : ( راح فتح بسرعه ) ايه يا مروشه انتى فى ايه
نادين : انا اللى فى ايه مالك يا حبيبه مين بيصوت عندكم ؟
ام فجر : نادين انا اللى كنت بصوت انتى لسه سكنه هنا
فى واحده بتنده على ابنها فى الاوضه
نادين : انا خفت لما سمعت حد بيصوت خوفت تكون حبيبه والله كنت هنط من البلكونه
الحمد لله انتى كويسه يا حبيبه
حبيبه : اه الحمد لله
ام فجر : الشقه دى لازم تتبخر ويتقرى فيها قرءان
حبيبه : يا نانا دى جارتنا بتنادى على عيالها عندها اطفال اشقيه اوى انتى ايه خوفك كده
ام فجر :دى كانت بتقول يا ابراهيم ؟
نادين : وايه يعنى هو ابنها اسمو ابراهيم
ام فجر : يعنى ده مش عفريت المرحومه
فجر : حرام عليكى بقى نشفتى دمى وسيبتى اعصابى مش تتئكدى الاول
ام فجر : كده برضو بتزعق فى امك كده
فجر : يا ماما حطى نفسك مكانى نايم والاقى امى بتصوت تخيلى والله قومت منطور من السرير
ام فجر : معلش انا خوفت يكون عفريت
حبيبه : عفريت ايه مفيش حاجه اسمها كده
نادين : دى رحمه جارتنا عندها 3 عيال ابراهيم ومحمود وهنا الصغيره وليل نهار تصوت منهم
اهو سمعاها
ام فجر : وانا ايه عرفنى بقى انا قولت اصوت حد ينجدنى خفت اتلبس
فجر : صبرنى يا رب
انا داخل انام عندى جامعه الصبح
ام فجر : معلش يا فجر حقك عليا
نادين : حببتى جبتلك اللى انتى طلبتيه منى جبتلك بقى شويه لبس تحفه
حبيبه : اهم حاجه جبتيلى الطرح
نادين : اكيد استنى اجبلك الحاجه من جوا مش انتو سهرنين ؟
ام فجر : اه انا مش جالى نوم
نادين : طيب هدخل اجبلك الحاجه
( داخلت نادين تجيب اللبس الجديد لحبيبه )
حبيبه : هى مين المرحومه اللى انتى بتقولى عليها دى يا نانا
ام فجر : ايه لا دى امى الله يرحمها ساعات بحلم بيها وبسمع صوتها الله يرحمها بقى
حبيبه : يا باختك بتحلمى بمامتك
بس هو اللى يحلم بمامتو يصوت كده
ام فجر : معلش بقى انا ست كبيره
حبيبه : انتى قمر يا نانا تعرفى انا فرحنه اوى انك معايا هنا
ام فجر : يعنى مش مدايقه منى ؟
حبيبه : بالعكس دا انا وانتى هنبقى اصحاب وهنعمل مع بعض كل حاجه
نادين : انا جيت ها بقى شوفى كده وقوليلى رئيك جيبالك كل طقم وكمان الاكسسوار بتاعو والجزمه والشنطه بتعتو ومع الطرحه كمان
ام فجر : انتى مدلعاها اوى الله الله
حبيبه : الله دى حاجات حلوه اوى بس انا مش بعرف امشى بكعب ؟
نادين : انا هعلمك تعالى عشان نشوف المقاس المهم ولو حاجه محتاجه تظبيط اوديها الورشه بكره
**** ( بقلم هند محمد @isis Mohamed ) ****
رشا : الله الله ايه ده رابعه العداويه فى ثوبها الجديد
فاروق : ايه ده باقيتى موزه ايه ده والله احلى من الاول
حبيبه : بجد يعنى الحجاب لايق عليه ؟
رشا : بجد وشك فى الحجاب حلو اوى طلعه زى الملاك قمر
فاروق : لا بجد كمان الالوان تحفه
رشا : جبتى الحاجات دى منين ؟
حبيبه : من نادين هى اللى جابتهملى لما رجعت من الاسكندريه امبارح لاقتها جايبالى حاجات ايه كتير اوى وكل طقم بالحاجات بتاعتو حتى الجزمه
رشا : لازم تعرفينى على نادين دى اجيب منها حاجات لا بجد حاجات شيك اوى متعرفيش الاسعار ايه ؟
حبيبه : دادى قالها كام وكده بس هى قالتلو انا جايبه حاجات لبنتى ومش رديت تاخد حاجه
رشا : ست زوق اوى
فاروق : بس اسكوتو ابن الورمه دخل
يوسف : صباح الخير
( ادوفعه كلها ) صباح النور
يوسف : دا مين الوجه الجديد ده
انتى حبيبه ام دمعه صح ؟
حبيبه : اه انا ام دمعه
يوسف : ودا من ايه الايمان ده مش كنتى عامله فيها ام الشعور
حبيبه : ما انا كان قدامى لقابين اللقب الاول ام الشعور والتانى ام دمعه فا انا قولت بلاش ام الشعور واحتفظ بأم دمعه مش كده احسن
يوسف : ههههههه اه احسن برضو خلاص يا جماعه من هنا ورايح نقولها ام دمعه
رشا : هههههههههههههه يا ريت يا دكتور فعلا ونشيل بقى التكليف
حبيبه ام دمعه
وانا عشان تختوخه شويه بيقولولى تختخ
يوسف : اها ماشى يا تختخ حلو برضو
فاروق : طب تحب نقول لحضرتك ايه ابو طويله على شان طويل يعنى ماحنا هنشيل التكليف بقى
يوسف : انته هتستظرف ؟
فاروق : لا ابدا بس يعنى عشان لازم نكون مع بعض ونقرب من بعض
يوسف : كل واحد يفتح الكتاب ماشى انا هوريكم
الجزء اللى باقانا شهر بنذاكرو كلو ملغى
افتحو الباب الرابع
**** ( بقلم هند محمد @isis Mohamed ) ****
ام فجر : انا هفضل قعده كده يادى الحوسه طب اقوم اعمل الاكل
بس انا مش عارفه عوزين ياكلو ايه
انا هقوم اتفرج على التلفزيون ولما حبيبه تيجى نبقى نشوف نطبخ ايه
( جرس الباب رن )
ام فجر : مين ؟
رامى : انا رامى البواب يا حجه افتحى
ام فجر : ايوه خير ؟
رامى : الدكتور قالى اطلع اشوفك محتاجه حاجه ولو عندك زباله اخودها
رحمه : مساء الخير الزباله يا رامى
رامى : ماشى يا مدام
ام فجر : انتى اللى عندك عيال صغيره ؟
رحمه : اه ومجنانى
ام فجر : لا مفيش زباله يا رامى روح انته
رحمه : انا جوزى نزل تحبى تيجى تشربى معايا شاى
ام فجر : ماشى اجيب المفتاح بس واجيلك
**** ( بقلم هند محمد @isis Mohamed ) ****
رجاء : حلو اوى بجد الطرحه واللبس الجديد جميل
رشا : شوفتى مش قولتلك
اسماء : هو المحل بتاع نادين فين نروح نشترى من عندها
حبيبه : مش عارفه اقولك انا ممكن اقولها وهى تاخودنا يوم من الجامعه ونروح عندها المحل
وكمان ممكن تفصلنا اللى احنا عوزينو عشان عندها ورشه
هاجر : بس الاسعار ايه بقى خلى بالك الطقم اغلى من 200 جنيه معرفكيش
رجاء : بس لو حلو زى لبسك كده ممكن ناخد بالقسط
رشا : قسط ايه بس اكيد معندهاش قسط
حبيبه : يعنى ايه قسط
هاجر : يعنى مثلا ناخد الحاجه وكل شهر ندفع جزء من الفلوس فهمتى
حبيبه : اها طب انا هقولها
اسماء : انا عندى اخوتين بنجهزهم لو عندها حاجات حلوه ممكن نجهزهم من عندها
حبيبه : هقولها والله ماشى
فاروق : طول مانتو قعدين كده كلام عن الموضه واللبس والمكياج
رشا : طب هنتكلم على ايه يعنى
فاروق : اى حاجه شوفتو المتش بتاع امبارح
حبيبه : لا انته كده عاوز حماده وقاسم هما دول اللى بيحبو الكوره
هاجر : ما تقولى لاقربك دول يجو يوم نتعرف عليهم
فاروق : يا ريت ؟
حبيبه : طب هقولكم فكره انا يوم كده هقولهم ويجو نتفسح هنا نروح اى مكان
فاروق : ماشى
هاجر : بس يكون فى بنات مش هنخرج مع ولاد بس
حبيبه : مفيش بنات غير منى وايمان الباقى كلهم شباب
ممكن نانا تيجى معانا
ايه ده استنو خالو بيتكلم
الو ايوه يا خالو انته فين
جلال : معلش يا حببتى العرابيه مش عارف مالها مش راضيه تدور حولى خودى تاكسى وروحى
حبيبه : بس انا معرفش اروح لوحدى
جلال : اركبى تاكسى وقوليلو العنوان وهو هيوصلك
فاروق : هو فى ايه ؟
حبيبه : خالو مش هيقدر يجي يوصلنى
فاروق : طب هتيه
الو ايوه يا عمو انا فاروق زميل حبيبه
لو حضرتك مش فاضى انا اوصلها
جلال : بجد مش هنعطلك يعنى
فاروق : لا طبعا بس ممكن تقولى العنوان انا اعرف انها فى الزمالك فين فى الزمالك بقى
جلال : انا هقولك
**** ( بقلم هند محمد @isis Mohamed ) ****
سيكا : طب وانا اعمل ايه فى واحد ركبت معاه اشدها من شعرها بالعافيا
يوسف : يعنى هى موقفتش تاكسى ؟
سيكا : لا والله دا انا حتى مركبتش حد وانا مستنيه هى كان معاها كمان بنات كتير ركبو معاها مع الشاب ده ومشيو اعمل ايه انا
يوسف : طيب انا هتصرف هكلمك تانى متقفلش تليفونك
سيكا : ماشى
يوسف : يعنى ايه يا فجر مش هعرف احرق دمك طب اعمل ايه مبقاش انا يوسف لو محرقتش قلبك على بنتك
**** ( بقلم هند محمد @isis Mohamed ) ****
فاروق : هو ده البيت ؟
حبيبه : ايوه هو ده
هاجر : بجد انتى خيبه بقالنا اكتر من شهر ومحفظتيش السكه ايه ؟
حبيبه : واحفظها ليه ما خالو هو اللى بيسوق
فاروق : طب افرضى اهو خالك مجاش كنتى هتركبى تاكسى وتسيبه يمشى بقى برحتو لا انتى متتسابيش لوحدك
حبيبه : بطلو تريقه عليا بقى ويلا اركن عشان اخلى نانا تشوفكم
هاجر : ماشى بس مش هنتأخر انا ابويا هيزعقلى
رجاء : انتى سكنه فى الدور الكام ؟
حبيبه : 7
اسماء : فى اسانسير طبعا
حبيبه : اه طبعا
كمان رشا جات اها
رامى لو سمحت ممكن توفر اماكن عشان زمايلى هيطلعو معايا
رامى : حاضر عنيا اتفضلو نورتو العماره
**** ( بقلم هند محمد @isis Mohamed ) ****
حبيبه : نانا انتى فين
ايه ده دى مش هنا
اسماء : تكون نزلت تجيب حاجه
حبيبه : لا هتنزل تجيب ايه استنو نكلمها موبيل
الو ايوه يا نانا انتى فين ؟
ام فجر : انتى جيتى الشقه ؟
حبيبه : اها انتى فين؟
ام فجر : انا عند جارتنا استنى انا هجيلك
اسماء : ايه لقتيها فين ؟
حبيبه : عند جارتنا اول يوم كده تروح للجيران نانا دى غريبه
ام فجر : انا جيت ما شاء الله مين دول كلهم ؟
حبيبه : خضتينى عليكى كنتى فين ؟
ام فجر : قولى الاول مين دول
حبيبه : دول اصحابى دى اسماء ودى رشا ودى رجاء ودى هاجر وده بقى فاروق اصحابى لما عرفو انك جيتى معنا صممو يجو يشوفوكى
ام فجر : اهلا يا حبيبى طب وقفين ليه اقعدو
اسماء : والله يا تيته مبسوطين ان احنا شوفناكى
ام فجر : وانا كمان خالك جلال فين
حبيبه : العرابيه بتعتو باظة معرفش يجى ياخودنى فاروق هو اللى وصلنى
ام فجر : وانته بقى عندك عربيه ؟
فاروق : اها عندى
ام فجر : ابوك بيشتغل ايه ؟
فاروق : صاحب شركة كمبيوتر
ام فجر : ما شاء الله متريش يعنى ربنا يخليهولك
فاروق : هههههه اه مريش
ام فجر : خاطب بقى ولا لسه بتدور ولا اجبلك عاروسه انا
فاروق : هو انا مش خاطب ولسه بدور لو لقيتى يلا وريهانى
ام فروق : ( باصت لحبيبه ) من غير ما ندور ربنا يرزؤك ببنت الحلال
وانتى يا حلوه يا تختوخه انتى مخطوبه ؟
رشا :لا مش مخطوبه لسه بدور ملاقيش عندك حد ينوبك ثواب
رجاء : اه وانا كمان
اسماء : اريحك يا تيتها بصى الطقم ده كلو بيدور شدى حيلك معانا بقى
ام فجر : هههههه انتو جوازكم على ايدى ان شاء الله
هاجر : يا رب
اسماء : طب بقى نقوم عشان احنا كده هنضرب فى البيت
ام فجر : طب ماتخليكم شويه
هاجر : لا ابويا هيزعق احنا بس قولنا نيجى عشان منسبش حبيبه لوحدها وكمان نعرف بيتها فين
ام فجر : طب بس المرادى مش تتحسب تعالو مره كمان اكون جبتلكم صور للعرسان
رشا : انا اول واحده بصى بقى يا نانا انا عاوزه واحد شبه احمد عز كده
ام فجر : هههههه بطخنك ده قولى احمد رزق مش عز
رشا : ههههههههه والله انتى عسل
ماشى نخلى اول جوازه زى احمد رزق تتعوض فى الجوازه التانيه
ام فجر : وانتى عاوزه تتجوزى مرتين؟
رشا : ربنا يسهل اهو الواحد يبدل كده عشان الملل
اسماء : تيته البت دى تفها ومش بتاعت جواز صدقينى ياختى نخلص الجامعه الاول وبعد كده تجوز بلا هم
فاروق : انا همشى مين هيجى معايا
رشا : لا روح انته انا هخودهم معايا سلام بقى
فاروق : ماشى سلام
( وهو خارج قابل نادين فى الاسانسير هى كانت داخله شقتها وهو هيركب الاسانسير )
نادين : ايه ده انته مين ؟
فاروق : انا زميل حبيبه
نادين : بجد اسمك ايه ؟
فاروق : انتى نادين ؟
نادين : اه عرفت منين ؟
فاروق : لا انتى مشهوره اوى طب ادخلى بقى البنات كانو عوزين يشوفوكى
نادين : استنى بس انته اسمك ايه ؟
فاروق : اسمى فاروق
نادين : ماشى يا روقه عوزين نبقى نشوفك
فاروق : ان شاء الله
( ونزل فاروق ومشى )
حبيبه : ايه ده نادين كويس البنات كانو عوزينك
نادين : خير فى حاجه
**** ( بقلم هند محمد @isis Mohamed ) ****
( وتانى يوم )
ابراهيم : مالك فى ايه ؟
هناء : مكتأبه
ابراهيم : من ايه ؟
هناء : الشقه فاضيه كده امك كانت عملالى حس
ابراهيم : مش انتى كنتى عوزاها تمش
هناء : بجد كنت غلطانه انته بتروح الشغل والعيال فى المدارس وكمان اخواتك كل واحده فى شغلها البيت بيبقى فاضى عليا
ابراهيم : كنتى كتير تلمحيلى انك عاوزه شقه لوحدك ونستقل بحيتنا
الانسان ده غريب مش بيحس بالنعمه غير لما تروح من ايدو
المهم مش انا هجيب شقق للعيال
هناء : فين ؟
ابراهيم : فى اعلان كده بيبيعو شقق قولت اشترى 3 هما اتنين واحنا كمان عشان لما نكبر نكون جنبهم
هناء : يا ريت يا ابراهيم
ابراهيم : ماتيجى بعد الغدا كده ننزل نتمشى شويه
هناء : يا ريت
ابراهيم : طيب اعملى حسابك انا هنزل بقى عشان هروح على الورشه وكمان المعرض ناقصو حاجات كتير
هناء : طب ماتتعبش نفسك اوى عشان متروحش تعبان وتقولى مافيش خروج
ابراهيم : انا عمرى قولتلك كلمه ورجعت فيها
هناء : الصراحه لا
ابراهيم : ماشى سلام بقى
هناء : مع السلامه
**** ( بقلم هند محمد @isis Mohamed ) ****
حازم : ها قولتى ايه
نور : انته فجأتنى يا حازم
حازم : يا سلام احنا باقلنا اكتر من 4 ايام بنتكلم معقول مش حسه باحساسى نحيتك
نور : لا حسه بس
حازم : شكلك حلو اوى وانتى مكسوفه كده
ها بقى تتجوزينى
نور : طب سبنى افكر
حازم : قدامك لحد ما المتر يجيب الشاى وتقولى رئيك
نور : طب ولو قولتلك انى موفقه بس ليه شورط
حازم : نسمع الشروط
نور : متقوليش ابطل كاراتيه
حازم : لا مش هقولك انا هقولك علمينى عشان واحنا فضين نفضل نضرب فى بعض هههههههههههههه
نور : ههههههههههه طب والحاجه التانيه انى لما اخلص الدكتروه انزل اشتغل
حازم : ماشى وايه يعنى انزلى دا اذا لقيتى شغل
نور : بس هى دى شروطى
حازم : انا بقى ليه شرط واحد
ان امى تعيش معانا
نور : وانا موفقه وهخليها فى عينى
حازم : اجى اقابل ابوكى امته ؟
نور : هقولو الاول وكمان عشان ماما تكون عارفه
حازم : ماشى بس بسرعه
نور : ( بخجل وفرحه ) حاضر
حازم : قمر وانتى مكسوفه كده
**** ( بقلم هند محمد @isis Mohamed ) ****
فجر : الحمد لله العشا حلو اوى مين طبخ انهاردا
ام فجر : انا
فجر : تسلم اديكى انا هدخل انام بقى لحسن مش قادر
حبيبه : خليك معايا شويه
فجر : والله يا حبيبه ما قادر بعد بكره الجمعه هقعد معاكى
حبيبه : انا طول الاسبوع ده متكلمتش معاك خالص
فجر : معلش حببتى وبعدين مش نانا معاكى
حبيبه : اه والله من غيرها مش عارفه كنت هعمل ايه
( جرس الباب رن )
فجر : يا يا نادين
ام فجر : لا دى تلاقيها رحمه
فجر : ماما انا مش بحب الاخطلات مع السكان
ام فجر : بس انا بحبو
فجر : اعمل ايه يا ربى
روحى افتحى يا بنتى
حبيبه : حاضر ايوه انا جايه
**** ( بقلم هند محمد @isis Mohamed ) ****
تفتكرو مين اللى بيخبط ؟