حطموك يا قلبي

الجزء 4

كان وجهو شاحب نوعا ما عينيه ذابلين واخا هكاك زوينين وعندو حفيرات دزين مخبيين تحت لحيته العشوائية ........ابتاسمت ليه ما بغيتيش نبين راسي معقدة وقلت ماشي مشكل ،ياك غير الكتف نصبر غير تسالي الأغنية نبعد عليه ولاكن قبل متسالي الأغنية حسيت بيديه كينزلو حتا وقفوا عند الخصر ديالي ،هنا معجبنيش الحال ،حطيت يدي علا يديه وبغيت نحيدهم عليا ولاكن الشخص زاد زيرني و قربني لعندو وكيشوف في عيني بحزن......معرفتش شنو لي خلاني نستسلم ليه......سالات الأغنية و مشيت معاه ببساطة قربنا من واحد الطبلة و جلسنا علا الفوتاي........ جلسنا متقاربين و بدأ كيحكيلي بصوت مخنوق قصة حياتو كيعاود علا مرتو لي خانتو معا صاحبو، وعلا ولدهم لي بعد مدار تحليل صدق ماشي ولدو .... كان في حالة يرثى لها شاد الكاس فيدو طول ما هو كيعاود محبسش الشراب ودموعو هابطين علا وجهو ومرة مرة كيضرب بيدو علا صدرو .......فعلا كما كيقولو لي شاف مصايب غيرو كتهون عليه مصيبتو........حالتو قطعات لي قلبي وبقا فيا بزاف بزاف عنقتو بقوة زيرتو لعندي وحاولت نخفف عليه .......بعد ما برد شوية ناض وجارني من يدي في اتجاه الدروج خرجنا من تما ركبنا في طوموبيلتو وكسيرا بالجهد ، انا كنت بحال الروبو كنتبعو بلا وعي......حتا كنلقا راسي معاه في شقة مفروشة.....عاد ضرباتني الفيقة وبدا قلبي كيضرب من الخوف ، طلعت فيه عيني ،بأن لي في حالة غير طبيعية اكيد الشراب عطا المفعول ديالو.....كانو عينيه حومر وخارجين كيقرب مني ونضراته كلها شهوة ورغبة بغيت نهرب وهو يحاوطني بذراعو حكمني بكل قوة ، رفعت رجلي وضربتو لحجرو بكل ما في جهدي.... فقد السيطرة علا راسو وتنترت منو فساع مشيت كنطير للكوزينة هزيت جنوي ويديا كيرتعشو ......
انا: (وكنلهث) إلا قستي فيا شعرة والله حتى نقتلك.....
متسوقش للهدرة ديالي وقرب لعندي وعينيه كيتوعدو بالشر حاول يحيد لي الجنوي شديت معاه راسي مبغيتش نطلقو، واحد اللحظة طحت في الأرض و بلا منحس ضربتو في فخدو وبدا يسيل بالدم ، معرفتش كيفاش درت ليها الضربة كانت عميقة وقوية ، بالخلعة زدت وركت وزيرت علا الجنوي.... حتى خارت القوى ديالو
وطاح في الارض، عاد عقت براسي شنو درت رميت سلاح ،خليتو مليوح في الأرض غارق في دماياتو ومشيت حليت الباب ونفذت بجلدي.........نزلت كنجري في الدروج كندور مورايا وانا مرعوبة، لحسن الحظ لقيت طاكسي في باب البناية ، ركبت ووصلني لدارنا لي كانو ناعسين ومحسوش بالغياب ديالي......دخلت للبيت دوشت ولبست بيجامتي وغرقت في نوم عميق ، دوزت شي سيمانة وانا كنقفقف نسيت كاع مشاكلي وهمومي وليت كنطلب من الله غير نتفك من هاد المصيبة ، فاتت سيمانة شهر شهرين تشغلت بمرض بابا وبديت ننسا......كان كيحساب لي تهنيت منو بصفة نهائية لاكن كنت غالطة هاهو رجع بعد طول غياب......كان هو نفس الشخص ،طبعا خليل هو نفسو لي ضربتو بالموس وخليتو كينزف وهربت........
انا حمارة ومكنفهمش كيحساب لي ختاروني في هاد الوظيفة من بين 200 وحدة غير هكاك ،سعا باينة كان كيقلب عليا وجاتو الفرصة تا لعندو صيفط ليه السيفي وتصاور ديالي .........
ماعرفت شنو مخبيا لي الايام وشنو هو المصير ديالي اكيد بغا يعذبني ويذلني اكيد بغا يحطمني ويدمرني كثر ما انا مدمرة ...... عودة للحاضر