حبيبتي ... هل انا حقا حبيبته

الحلقة 6

انجي روحت البيت ، وكل تفكيرها ..====

هعمل ايه دلوقت .. انا بين نارين !! نار انا عاوزة أنيس ، ونار خايفة اقوللبابا يشلفطني .. اعمل زي البنات ما قالو ، واخد فرصة واقول لبابا حد عاوز يقابلك؟ حد عاوز يطلب ايدي .. بابا صعب .. مش سهل افاتحه في موضوع زي ده .. وبعدين هوهيخلص كده ..
طب استني يا انجي ..انا هتصل بأنيس واقوله انا قلت لبابا ..انه يجي ..ونشوف ردفعله
ترررررن ترررن ..مرتدش يا انيس ، متردش ..
أنيس : الو .. ازيك يا نوجه..
انجي مبحبش الدلع ده !! : انا الحمدلله ..
أنيس : مال صوتك ؟
انجي : مفيش ، بس انا كلمت بابا
أنيس بفرحة ، انجي اتصدمت لما سمعتها : والله .. اخيرااا .. يااااه مش مصدق ..اناكده اتأكدت انك بتحبيني ..انا كنت خايف انك مش مصدقاني ..دلوقت اتأكدت انك واثقةفيا ..
انجي : مممممممم
انيس : ايه .. مالك ؟ هو قالك حاجة تضايقك ؟
انجي : انت فرحان بجد ..
انيس : يا بنتي انا بحبك بجد وعاوازك ليه مش مصدقاني ..؟؟
انجي : انا مقلقة بس ؟
انيس : خايفة يعني ابوكي يرفضني ؟
انجي : يعني ..
أنيس : بصي طالما انا وانتي بنحب بعض خلاص .. متقلقيش ..خلي عندك ثقة في حبنا
انجي قفلت سماعة التلفون .. وقعدت تسأل نفسها ؟ انا بحبه فعلا ؟؟ هل انا عاوزةارتبط بيه ؟؟ ..ليه انا متوترة كدة ؟ ليه انا مش واثقة في نفسي وفي مشاعري ! ..ليهمتلخبطة كده ..ليه قلقانة ؟ انا مش بكرهه أميس ..بس بردو مش بجبه اوي للدرجة ..يارب يارب خلص الموضوع ده للي فيه الخير .. يارب مليش غيرك دلوقت ..بصت لقتتلفونها بيرن "أنيس".
انجي : انيس ..
أنيس : ايه يا بنتي قفلتي ولا ايه الي حصل
انجي افتكرت انها قفلت التلفون : لالالا ..الشبكة وقعت !!
أنيس : انا مش هنام النهاردة من الفرحة ..هو قالك الميعاد امتى ..هيقابلني امتى !؟
انجي : لسه محددش ميعاد ، لما يحدد هقولك ، انت عارف بابي مشغول ..
أنيس : مش مهم ..اي وقت ، هفضي نفسي ..
انجي : طب هقفل بقى عشان تعبانة من الشغل
أنيس : ماشي يا انجي .. مبروووووووووووك لينا بقى مقدما .
انجي ملقتش حاجة تقولها غير سلام ..

انجي حطت راسها بين ايديها ، وقالت ايه المصيبة دي ..!! وقعدت تقول لنفسها ؟ هو انا شيفاها مصيبة ليه ؟! ..هيمعملتش حاجة خارج الحدود لما كانت معاه .. هما كانو صحاب عادي ، بيخرجو زي اياتنين صحاب ، وباباها عارف ان لها صحاب ولاد بتخرج معاهم ..اينعم مش مبسوط اويبالشلة ، بس اهو عارف .. من ساعة ما والدتي ما اتوفت وهو مش بيحب يخنق عليا ، بسبردو لسه قاسي وصارم ،، انا مش مضايقة ! انا عارفة اني طايشة واستاهل الشدة .. بسمش هقول حاجة زيادة انا هقوم اصلي ركعتين واطلب من ربنا الحل .. يارب لو الموضوعخلص ..مش هعمل كده تاني ولا هكررها في حياتي .. انا مش عاوزة اتجوز ولا ارتبط ..وهبعد عن صداقة الاولاد اذا هيفهمو غلط ..ويفكرو فيا في حاجة اكتر من حدود الصداقة....يا انجي انتي خايفة من الجواز نفسه ولا من ايه ؟؟!! مش عارفة مش عارفة ! كلالي اعرفه اني حاليا مش عاوزة ارتبط بحد ..
المصيبة هقول لبابا اازي دلوقت ..
هستجمع قواي واروح اقوله دلوقت وهو راجع من الشغل ، بيبقى تعبان ..ومش هيركز يعني..

انزل استناه في مكتبه تحت .. يلا يا انجي يلاااا ..

=== انجي نزلت السلالم ، رجل ورا ورجل قدام ..ومشتاقة لمامتها في اللحظة دي ، كانتقالت لها ..واستشارتها وكان الموضوع خلص .. وتقولها انها فعلا بتحب انيس و واثقةفيه ..بس مش عاوزة ترتبط بيه ..مش عاوزة ترتبط دلوقت بأي حد ..وفي نفس الوقت حاسة ان في حاجة غلط فيالقصة ..وفي نفس الوقت مش عاوزة تقوله في وشه مش عوزاك ! ..ايه الوقعة والمصيبةالي هي فيها دي ؟!!

كل الكلام ده في بالها وهي قاعدة مستنية والدها في المكتب ..واول ما جه ،قلبها دقبسرعة اوي ، حست انه هيتخلع من مكانة ..واول ما دخل والدها
الاب : ازيك يا انجي ؟ ايه الي مسهرك لحد دلوقت ! (بنبرة فخمة اوي ، وصوت بهدلهالسيجار)
انجي : الحمدلله .. مستنياك ..
الاب : خير ؟ وشك مخطوف ؟ مالك يا بنتي قلقتيني ؟
انجي : خير خير يا والدي .. انا ..انا !! جايلي عريس !
الاب حاول انه يبلع شوية العادات والتقاليد ان ازاي بنت تجيب عريس وقلة ادب ومسخرة: ما شاء الله بنتي كبرت وبقت عروسة وبيجليها خطاب ..
انجي : وعاوز يقابلك يا والدي ..
الاب كح شوية وقال : وماله ماله ميضرش ..وقابلتيه فين بقى !
انجي كانت خايفة من السؤال ده .. هترد تقول ايه ، من النت ؟ هيرميها بالعصاية اليفي ايده ، ابوها راجل صارم ومش هيمشي معاه الكلام ده : واحدة صحبتي عرفتنا ع بعض..
الاب : ع كده قابلتيه ..قبل ما تكلميني (صوته بدأ يبقى فيه نبرة المحقق )
انجي بتردد عذراء جبانة : ا...ه ..
الاب مسك نفسه انه يتنرفز و مش قادر ع اخره : تمام تمام .. وعجبك ع كده ؟
انجي كانت خايفة من السؤال ده ،اكتر من اي سؤال تاني : هو كويس يا والدي ، لماتقابله هترتاحله.
الاب في سره ، عيال اخر زمن ، لأ وبجاحتها كمان جاية تقولي هتحبه ، فاضل شويةوتقولي ، هتحبه زي ما بحبه يا بابا :وماله يا بنتي ، نشوف و نسأل عنه بردو .. اسمه ايه ؟
انجي : اسمه أنيس .. أنيس عبدالفتاح منصور ..خريج أداب وبيشتغل مدرس ..
الاب عجبه انه بيشتغل ع الاقل مش عاطل ، مكنش واثق في اختيار بنته ، قال هتجيبواحد عاطل صايع من شلتها الفلتانة دي : طيب يا بنتي .. تحبي نقابله امتى !
انجي عاوزة تخلص من الموضوع ده : لو فاضي الويك اند ده يا والدي
الاب في سره الله الله ..وكمان مستعجلة ع الجوازة ! هما مالهم شباب الايام ديمتصربعين ع ايه ؟ : وماله يا انجي نفضي نفسنا يا حبيبتي .. قوليله يقابليني بعدبكرة .. الساعة 9 ..هنا في المكتب .. معنديش مشاكل ..
انجي : شكرا يا بابا .. هجبلك الشاي بتاعك دلوقت ..
الاب ، البت فرحانة للدرجادتي دي عمرها ماجابتلي كوباية ماية ، دلوقتي هتعملي شاي!! بركاتك يا انيس : ماشي يا بنتي .. يا عالم ممكن تكون اخر كوباية شاي اشربها منايديك ..
انجي فتحت عينيها في وش والدها لأول مرة في الحوار ده ،،ا خيرا رفعت رأسها وقالت :بعد الشر ، هتفضل تشرب من ايدي شاي طول ما انا عايشة .. مفيش حاجة هتبعدنا عن بعض
الاب ضحك ضحكة فخمة وقال : هما البنات كده ..بيتوترو علطول اول ما يعرفوا انهمهيطلعوا من بيت ابوهم ..
انجي شافت ان ابوها بدأ يخلي البساط احمدي ، طمعت في كلام كتييير ..