حبيبتي ... هل انا حقا حبيبته

الحلقة 19

انجي كانت سرحانة ..في موابيلها ومحستش بندى حواليها ... محستش الا بايد نازلة ع كتفها
ندى : ايه ده يا بنتي ؟؟ انتي موتي وانتي قاعدة ولا ايه ؟!
انجي : ها ..!
ندى : مالك ..رحتي فين ؟
انجي : مفيش (وخبت موبايلها )
ندى : لسه مردش بردو ..
انجي : اه لسه ..
ندى : كده عدى اكتر من 3 شهور ..
انجي : 6 شهور اهو ..
ندى : ولسه مستنية رد ..
انجي : مش عارفة انا مستنية ايه .. ولا اانا عنيدة .. ولا بقت عادة اني استناه ..مش عارفة .
ندى: تعالي نخرج شوية
انجي : اه ياريت .. احنا بقالنا كتير متجمعناش ..لا انا ولا انتي ولا اميرة ..
ندى : ممم ..اه ..
انجي : هو انتي لسه في حكاياتك مع اميرة ؟!
ندى : بصي انا عارفة اني جرحت اميرة ... وخدت منها صديق عمرها .. بس هي اوفر ..لازم كانت تعدي الموضوع عادي ..انا مش بايدي اعمل حاجة تانية ..
انجي : هي الي غلطانة في الاخر بردو ..
ندى : محدش غلطان ، ومحدش صح ..كل واحد بس عمل الي هو عايزو ، ولازم نحترم قرارات بعض ..
انجي :معلش ..احنا بشر بردو ..نستحمل بعض ..
ندى : طب يلا نمشي ..نتفسح ..تعالى نروح كافيه بعد الشغل
انجي : طيب ..

==وبعد الشغل ، ندى راحت مع انجي اقرب كافيه يغيرو جو ==
انجي اول ما دخلت الكافيه تنحت .. وندى اول ما دخلت الكافيه ، عينها لمح حد تعرفه
انجي لمحت انيس
ندى لمحت وليد قاعد مع اصحابه .. وليد في طريقه و هو يسلم ..
لقى انجي رايحة ع طرابيزة ..من غير وعي .. وندى بتندها بس مش سامعاه
انجي وقفت قصاد طرابيزة انيس ..انيس مكنش لوحدة ، كانت جمبه بنت ..
انجي فضلت متنحة ..قدام الطرابيزة لا كلام ولا سلام .. متنحة بس ..
انيس بلع ريقه ..ومش عارف يتصرف ..قام اخد ايد البنت الي جمبه ، وقال لها يلا يا حبيتي ..الزباين هنا مجانين ..
وليد وندى سامعين الحوار من بعيد .. وليد سمع ندى بتهته : يكونش ده انيس الي كان عايز يخطبها ..
وليد طلع ع الطرابيزة الي واقفه عليها انجي بسرعة ، وشدها من ايديها : ايه يا حبيبتي الي موقفك هنا ..انا قلتلك مستنيكي ع الطرابيزة الي هناك ..
واعتذر وليد للراجل وخطيبته (انيس ،والبنت ): انا اسف ، بس مراتي مش مركزة ، حامل ..اول مولود لينا، وساعات بتوه ..
انيش عينه بقت وسع الطبق من كتر الانبهار !! ايه ده !! لحقت !! اتجوزت !! وحامل كمان !!
انيس : لا مفيش مشكلة ..
انجي برقت لوليد والي قاله ..ايه ده ..!!
انيس زي ما يكون فاق من الغيبوبة : مش انتي انجي ؟
انجي رجعت تتنح له تاني ..!!؟؟
خطيبته تنحت له
وليد برق له .. واستنى اجابة انجي ؟؟
انجي : اه ..مش انت انيس بردو ؟!
انيس ، وخطيبته جمبه مستغربة : اه ..وبص لخطيبته ، دي انجي كانت زميلتي في الكلية ..
خطيبته طبعا بكل ترحاب ، ما البنت متجوزة وحامل مفيش خطر عليها : اتفضلي اتفضلي اقعدي معانا ..
انجي مكدتبش خبر وقعدت علطول ..وليد لقى نفسه مضطر انه يقعد جمبها ..
انيس بقى في موقف محرج ، مكنش متوقع ده هيحصل ..
خطيبته : انيس كان بيحكيلي دايما عن زملاءه ، وزميلاته ، بس مقليش انه كان ليه زميله حلوة كده ؟
انجي في سرها ،(مش لما اكون زميلته اصلا في الكلية !! يا كداب يا ضلالي )
وليد شاف الشراسه ع وش انجي ، قال عشان يلحق الموقف : امال انا اتجوزتها ليه ؟! ..جمالها سحرني ..
انجي مش مركزة ولا في اي كلمه من الي بيقولها وليد .. وعينها بطلع شرار في وش انيس وسألت : امال بعد الكلية محدش شافك ..اختفيت فين !! ..ومش بترد ع حد ولا حد عارف يوصلك !!
انيس فهم هي تقصد ايه : سافرت برة بقى ، اكون نفسي ..
خطيبته : اه ،و كانت سفرية وش السعد ، قابلت حبيبي هناك ..وقررنا نبقى مع بعض ..و ايدنا مخطوبين اهو ..و فرحنا كمان كام شهر ..(ومسكت ايده وبصتله بابتسامه )
انيس ارتبك ..وليد : ربنا يخليكو لبعض ، ويرزقكو بواد زيينا عن قريب ..
انيس بردو مقدرش يخبي فضوله : ما شاء الله اتجوزتي يا انجي ، وهتبقى ام كمان ..
وليد عارف ان انجي مش هترد ع الاسئله دي : اه .. وانا هبقى اب ..بس لسه بدري ، هي لسه في الشهر الاول ..
انيس قعد يبص لوليد من فوق لتحت ..واد باين عليه العز ..اكيد ابوها هيوافق ع ده ..مفيش اصلا وجه مقارنه بينه وبين وليد .. حاجة زي الشمس والارض .. وليد من الشخصيات الي مينفعش تتحط في مقارنه معاه ..ولو في حياتك التانية
وليد : يلا بقى يا حبيبتي نمشي من هنا .. نخلي عصافير الحب يستمتعو بغداهم
انجي بصت لخطيبته : اتشرف يا مودميزيل ..وبصت لأنيس :كويس اني شفتك صدفة واطمنت
وليد شدها من ايدها بهدوء ..: اتشرفنا

وراحو قعدو ع طرابيزة تانية ..
ندى من بعيد واقفة تراقب الجو ..وضحكة خبيثة جواها ..

وليد : استاذنك يا ندى هانم ..تاخدي انجي ، وتروحي مطعم تاني ..مش حلوة الاتنين يبقوا في نفس المطعم .
ندى حاولت تخفي ابتسامتها :طبعا طبعا ..كلامك مضبوط..
وليد : وعشان الكلام ..هأخد صحابي ع مكان تاني ..عشان محدش يعلق اني قعدت مع صحابي وسبتها
ندى بضحكة : طبعا طبعا
انجي في حالة صدمة ودهشة .. انيس !! انيس نسيها ..و ارتبط بواحدة تانية !! مني غير حتى كلمة !!
انجي بهيسترية : يا كلب يا حقير ... يا واطي ...
ندى قعدت تهز انجي عشان تفوق وتسكت ..واخدتها برة المطعم قبل ما اي حد يحس بيها
ووليد دفع الحساب ..لطربيزته ،وطربيزة خطيبها السابق..
قال يعني حركة جريئة..

ندى : خدي يا انجي اشربي ماية .. واهدي
انجي :انا حاسة اني مخدتش حقي ...
ندى : هتعملي ايه يعني .. ما قلنا انسيه خلاص
انجي : نسيته ... بس اول ما شفته متعرفيش حصل ايه ؟؟
ندى : اهدي بس اهدي .. كويس ان وليد كان هناك ..مكنتش عارفة هعمل معاكي ايه
انجي : اه .. وليد ده كمان طلع منين ؟!
ندى : يا بنت اهدي ، ده عمل معاكي موقف رجولة والله .. مشفتيش وش أنيس انتي لما وليد كده دخل عليه ، تحسي خرقة جمب فستان سواريه
انجي شرقت من الضحك : ههههههه يخربيتك ضحكتيني ..هموت ..
ندى : اهو ، تموتي من الضحك اهون من ما تموتي من الهم .. مش كده .!
انجي : معاكي حق ..بس وليد ده طلع حكاية .. والله استغربت موقفه ، لولا اني كنت في عالم اخر ، كنت سألته عمل كده ليه ؟
ندى : اهو جدعنة وخلاص ..ولا لسه هتخبي عليا ؟
انجي برقت !! اخبي !! اخبي ايه ؟؟
ندى : وبعدين انا سامعه اشاعات في الشركة عدد شعر راسي ..ايه يا بت بتخبي عليا ؟
انجي : يا نهااري .!! هدى السبب .. اقسم بالله ما في حاجة حصلت ..ولا في بينا اي علاقة من اي نوع .
ندى : مفيش دخان من غير نار ..بس انتي حرة
انجي : والله يا بنتي مفيش حاجة ..هو مرة جابلي ورد ..ومرة وصلني بالعربية ..بس يعني ..
ندى : جابلك ورد !!! .. وبس يعني !!
انجي : هو جاب ..بس انا بهدلته ..
ندى : خايبة ..
انجي تنحت ...
ندى : اه خايبة ..تلاقي الواد متدهول ع عينه وعايز يلفت نظرك ..
انجي : بس طريقته سمجة اوي .. يعني مش بالطريقة دي ..
ندى : عجباكي انتي طريقة الواتس ، والفيس ..ووقت الجد متشوفيش فيسه ..
انجي نزلت راسها في الارض ..
ندى : يا بت بهزر ..
انجي : بس انا دلوقت اضايقت ..كده انا مضطرة اشرح لوليد حاجات كتير مش عايزة اشرحلها ولا اتكلم فيها حتى ،، وبعدين من غير ما اشرح حتى .. زمانه فهم .. يع !! ايه الشعور ده ..انا حاسة اني مكشوفة اوووي قدامه ..
ندى : بطلي تفكير خايب .. يلا نروح نأكل .

،