حبيبتي ... هل انا حقا حبيبته

الاخيرة

==== في الكافيه ===
انجي دخلت الكافيه ..وقعدت تدور ع الطرابيزة بتاعتها ..ألي هتقابل عليها العريس المقبل ..وبعدها بعشر دقايق ..دخل وليد .. انجي اتخضت ..هو جي هنا يعمل ايه .. واستخبت منه ..

وليد قعد بيدور ع الطرابيزة بردو .. (هو كمان عنده موعد مع عروسة المستقبل ) .. اول ما دخل شاف انجي .. نسى ميعادة ودخل قعد ع نفس الطرابيزة معاها ..
انجي بلعت ريقها : ايه الي جابك هنا .؟؟
وليد : هو ده بيتكم ؟ ده "كافيه" براحتي !!
انجي : بس مش براحتك تقعد هنا ..
وليد : المكان زحمة
انجي لفت عينيها في المكان .. الاماكن فاضية كتير في المكان ..بس عدتها ..وبعدين بدأت تبص في الساعة ..وخافت ليجي الموعد بتاعها مع الواد ..ويشوفها معاه
وليد اصلا نسى ان كان في ميعاد مع حد ... وقعد هو و انجي يتكلمو كتير .. كلام تافه.. كلام ملهوش معنى ..بس طول ما هما مستمتعين ..يبقى له معنى .. وعدى الوقت ..

وليد : انتي كنتي اليفة النهاردة
انجي : افندم !!
وليد : اوباا !! لالاالا ..انتي كنتي كويسة ..مش لازم تكشري عن انيابك دلوقت
انجي ضحكت ومعلقتش ..
وليد : مش هأخد جواب منك ؟
انجي : ع ايه ؟
وليد : انا قلتلك بحبك ..ومسمعتش منك كلمة
انجي بصت للأرض : مش هينفع ارد
وليد : افهم من كده مش بتحبيني ؟!!
انجي بلعت ريقها : مش عارفة .. مش اه ومش لأ ..
وليد : اجابة مش مطمنة ..ولا حتى مقلقة ..
انجي : اصل مش عايزة اعلق نفسي تاني ..انا صريحة اهو ..
وليد : مش هعمل زي أنيس ..صدقيني ..
انجي : حتى لو انا مصدقاك ..المشكلة مش أنيس .. ولا انت .. ولا ده ..المشكلة اكبر من كده
وليد : خليكي صريحة للأخر ..وقولي
انجي هزت رأسها نافية : دي حاجة خاصة ( هقوله ايه !! ابويا الي بيجوزني ..ابويا عشان منصبه وفلوسه هيبعني بقرة )
وليد : مش هضغط عليكي ..
انجي : وليد مش عيزاك تتضايق مني ..بس بجد متعلقش نفسك معايا ..
وليد: ابقى كده كنت بلعب .. انا هحترم خصوصيتك ..بس لازم تحترمي كمان اني راجل ..و مينفعش ابعد كده ..
انجي : .......................
وليد : يلا ع الشغل
انجي :لأ انا قاعدة شوية .. مستنية حد
وليد : طيب .. انا ماشي ..


=== تلفون وليد رن ... عمه بيتصل بيه ===
العم : ها ؟ شفتها ؟
وليد : مين دي ؟!
العم : انت مرحتش ولا ايه ؟؟! العروسة يا مسطول ؟
وليد : اه اه .. لا رحت والله في الميعاد ..بس هي مظهرتش
العم : مش مصدقك ؟؟
وليد : والله رحت ..هبعتلك صورة الفاتورة ..
العم : غريب ..مع ان ابوها قالي انها هتظهر ..
وليد : يمكن طفشت ..وبعدين ايه جو جدي وجدتك ده
العم :بص انا مش عجباني اصلا طريقة الجوازة ولا ابوها اصلا .. بس هيساهم في اسهم الشركة بتاعتنا ..و مش هنخسر حاجة لما تتقابلو ..ممكن نقوله انك مش طايقها ..او نستغل انها مجتش ..ونقول ايه قلة الذوق دي ..استنى هكلمه اقوله الي حصل ده مينفعش ..
وليد : منعملش للبنت مشاكل ..
العم : انا بتلكك وعايز اخلص

العم كلم ابو انجي .. (أيوة انجي هي العروسة بتاعته ) ..وقاله مينفعش الاستهتار ده ..بنتك مظهرتش ..واحنا عاملين المقابلة دي مخصوص عشانك ..
الاب برم شنبه ورفع سماعة التلفون بأنجي
الاب : مرحتيش ليه ؟؟ مش قلتي هتسمعي الكلام ..؟
انجي : رحت والله ..
الاب : ايه !! امال قرايب الواد بيقولوا مظهرتيش ليه ؟
انجي : لا والله رحت ..بس محدش جه .. وقعدت مستنية لولا ..."افتكرت ..عملت لينك" .. اوبا ممكن يكون ؟!
الاب: ايه !! لولا ..ايه !! .. يكون ايه !!؟؟
انجي : مفيش ..انا رحت ..صدقني ..بس معلش هقفل عشان ورايا شغل ..


انجي فتحت موابيلها ..اتصلت ع ندى
ندى : الو ..
انجي : هاتي نمرة وليد ..
ندى : !! طب سلمي
انجي : بسرعة
ندى : 01098557344
انجي : اوك ..ميرسي ..
ندى : خير
انجي :هقولك بعدين


== تلفون وليد بيرن ..نمرة ..افتكرها امنية .. طنش ==
تلفونه بيرن متواصل .. طهق رد بعصبية : الو !!
انجي : ايو يا وليد ..أنا انجي ..
وليد : خير ؟؟ في حاجة ؟؟ انتي كويسة ..؟؟
انجي ضحكت : ههههههههههه اه كويسة ..هو لازم في مصيبة؟!
وليد : اه صح .. اصل اتخضيت لما لقيت صوتك ؟؟
انجي ضحكت ..
وليد : جبتي نمرتي منين ؟
انجي : من ندى ..
وليد : اوووه ..!
انجي : انبهرت ..
وليد :بس خير ؟
انجي : هو انت المفروض كنت تقابل بنت كموعد ..
وليد : مش فاهم ؟
انجي : انا النهاردة كان المفروض اقابل "عريس الغفلة" في كافيه الي كنا انا وانت فيه من شوية ..بس مظهرش ..وانت ؟
وليد : استنى كده !! هو انتي الي المفروض كنت اقابلها !! ..والي مجتش ؟؟!
انجي : هههههههههههههههههه تخيل !
وليد : ايه القدر ده ..
انجي مبتسمة ..
وليد : الو ..أنتي رحتي فين ؟
انجي : هنا اهو
وليد : ده انا عكيت ..وقلت لعمي انك مجتيش ..
انجي : ما عشان قلت كده ..و والدي كلمني .. خمنت انه انت ؟
وليد : طب هتصل بيه اقوله انك جيتي اهو ..هههههههه
انجي : وماله ..
وليد : انا كنت معترض ع الفكرة ..بس حبيتها دلوقت
انجي : ماشي
وليد : هو ايه الي ماشي ..
انجي : الي حصل يعني ؟
وليد : انتي مبسوطة ؟!
انجي : ايه المشكلة ..
وليد : افتكرتك زي البنات الي من بتوع انا مش جاموسة في سوق الجمعة .. والي ما يشتري يتفرج
انجي : هههاهاههاهاهاهههااا .. لما نتقابل هفهمك ..
وليد : طب ما احنا فيها ..يلا ..
انجي : دلوقت ؟!
وليد : اه ..ابوكي وعمي عارفين .. ايه المشكلة .. وبعدين الصبح كنا صحاب وزمايل ,,دلوقتي احبة ..آآآ اقصد موعدنا
انجي ضحكت ..: طيب هستناك في نفس المكان ..
وليد : هوا ..
انجي : هههههههه

انجي قفلت .. ايه ده ...!! انا فرحانة اوي كده ازاي ؟؟ بابا و وليد .. الاتنين .. موافقين ع بعض .. اشكرك يارب ..اشكرك يااااارب .. انك عملت معايا كده ..وعوضت صبري خير ...