حبيبتي ... هل انا حقا حبيبته

الحلقة 4

==== البريك خلص ، وكل واحدة راحت ع مكتبها .. محدش بيفكر في مشاكل غيره الا و هو قاعد معاهم ، لكن اول ما ينفضوا بنرجع نفكر في مشاكلنا لوحدينا ====

ندى ، خلاص معدتش طايقة خناقتها مع سامي الكتيرة ، و كله كوم انه لسه مع تواصل مع اميرة .. هي عمرها ما غارت ع سامي ، بس فجأة اميرة بقت تظهر كتير في خناقتهم .. ويقولها ، أميرة عملت كدا وانتي معملتيش .. اميرة فهماني اكتر ..هو مش قاصد يجرحها ،، هي متأكدة انه بيحبها هي بس .. والمصيبة انها عارفة انهم صحاب ،ومتقدرش تكلم لأن هي كمان عندها صحاب ، وهو مش بيقول حاجة ..و عشان تداري ع الموضوع بتتخانق في حاجات زي لون الحيطة ، السيراميك ..اي حاجة والسلام ..المهم انها تلاقي حاجة تطلع بيها غضبها ، غير انها تجيب سيرة اميرة !! بس كتير انه يقولها كمان ع امه .. وميقولهاش انه قال لها ..!! ..ماشي يا سامي ..انا عارفة ان اميرة معندهاش خبث وبتتصرف بطبيعتيها ..بس ليه سألت قدامي السؤال ده !! تقصد بيه ايه !! ؟؟ دماغي بيودي و يجيب من التفكير !!

انجي دماغها عماله تفكر و تودي وتجيب ،، وهل صح انها حكت لهم ، دلوقتي هيفكرو فيها ازاي !! .. هل هيقدرو يتفهمو ان دماغها مش تعبانة ، وانها بجد ممكن تلاقي الي تحبه كده .. زي ما ممكن تلاقيه في شغلك ، في كليتك ، في مدرستك ، جارك ، كل واحد برتبط بحد اتعامل معاه .. محدش دلوقت برتبط بحد اول مرة يشوفه ليلة الدخلة !! ..ده كان ايام ستي ..دلوقت لازم يتقابلو ويشوفو بعض ..و يرتاحو لبعض .. مش ممكن كنت قابلته في الشغل ..و عجبتني شخصيته .. وبعدين احنا شفنا بعض كذا مرة ،، مش لوحدنا طبعا ، اتقابلنا مع اصحابنا ..انا محترمة مش مفعوصة ، او مقصوفة الرقبة .. انا اصلا مستغرباني .. انا عمري ما كنت كده .. من امتى بفكر في حد غير نفسي !! .. بس يا انجي اسكتي اسكتي ..

اميرة وهي بتتمشى للمكتب ، وشايفة تامر ، وهو عمال يقرأ الكتب ..اي كتاب..ده حتى قرأ مراجع الشركة حطاها ع الرف كمنظر ..هو بيقرأها بكل مزاج ..وحب ..
اميرة : تامر ، هو انت بتقرأ اي كتاب ؟؟
تامر : في حاجة احلى من الكتب ؟
اميرة : كلنا بنحب نقرأ ..بس انت مش طبيعي .. يعني محدش بيقرأ اي كتاب والسلام ..
تامر : انتي عمرك جربتي تقري ؟
اميرة : انا بحب القراية اصلا ..
تامر : بتقري ليه ؟
اميرة : عشان بتدخلني في عالم تاني ..والقراية في اوقات كتير بتساعديني اخرج منالمود الي انا فيه ،، وانت ؟
تامر : انا القراية والكتب بالنسبالي ، هرمون ، ادمان.. لفافتي المفضلة من انقىانواع الافيون.. انا ممكن اقعد ايام من غير اكل او شرب ، ولا اقوم من على كتاببقرأه وشاديدني !!
أميرة باستغراب : ايه الكتاب ده الي يشد اوي للدرجاتي ..
تامر : كتييييييييير
اميرة : طب قولي واحد وانا استعيرة منك !!
تامر : لا ..
اميرة : لا ايه ؟؟
تامر: مش بخلي حد يأخد كتبي !
اميرة : هو انا هأكلهم يعني !! ع العموم مش مهم هشتري انا ..
تامر : طب طالما هتشتري ..اشتري كتب تانية غير الي عندي ..
اميرة : ليه ؟
تامر : عشان اقراهم منك .. انا بحافظ ع الكتب اووووي ..
اميرة : انا مبحبش ادي كتبي لحد بردو ..
تامر الشرر بظ من عينه ..وحسيته كان ممكن يقتلها ..
اميرة غيرت الموضوع : يلا نشتغل بقى