حبيبتي ... هل انا حقا حبيبته

الحلقة 22

=== في بيت اميرة ===
اميرة ( هو انا ليه لما قدملي بسنت .. كنت متغاظة !! لالاالالا مش متغاظة ..بس حسيت بتهديد ..لالالاالا ..واحس كده ليه .. فاكس ..

هاجر فجأة بتخبط ع المكتب ..

اميرة : ايه يا بنتي خضتيني ..
هاجر : نعم !! بقالي ساعة بنده عليكي وانتي مش معبرة اهلي .. سرحان في ايه ؟
اميرة : ممممممم ..مش عارفة ابدأ منين
هاجر : شكل الموضوع له علاقة بواد ..قولي قولي ..
اميرة : هش ..أمك تسمعنا يخربيتك ..
هاجر : انجزي ..ورايا مذاكرة ..
اميرة : مممممممم تامر النهاردة خرجني واشترالي كتاب
هاجر : الله الله .. الواد بقى عال العال اهوو .. اعترفلك ؟
اميرة : اعترف ايه ؟
هاجر : اعترف بشكره وعرفانه بالجمييييل ....امال هيعترف بايه ؟
اميرة : سمجة ..!! دجاجة .!! .. مش هقولك حاجة
هاجر : لا خلاص قولي .. اسفة
اميرة : قدملي بنت "بسنت" بس لما عرفت انها مخطوبة قلبي هدى .. وبطل نفسنه وفضول ..
هاجر : ايه ده ؟ حبيتيه ؟!!
اميرة : ايه الدبش بتاعك ده ..علطول نزلتي بالكلمة ..
هاجر : بقولك الكلام الي مخبياه ع لسانك .. اهو لما ودنك تسمعه تبدأ تفكر فيه ..
اميرة : لا يا ستي .. مش الي في بالك ..بس حاسه ان تامر تعبت فيه ..
هاجر : هههههههههههههههههه سكر والله .. ايه احساس الام ده ؟
اميرة : مش فهماكي ؟
هاجر : هقولك حاجة بس متفكريش اني قليلة ادب .. فكرتي في تامر مرة كده "لحظة حميمية" ..
اميرة : وحياة امك ؟؟!
هاجر : طب فكري كده ..
اميرة بتقزز : يع .!! لا طبعا .. ايه القرف ده .. تامر ده .. ده بسكوته .. ايه الي بتقوليه ده...وبعدين اميرة سكتت شوية ..وعينيها سرحت ..جه في بالها "سامي" ..وقد ايه الموضوع عجبها ..وبعدين هزت دماغها : بطلي يا قليلة الرباية انتي .. ايه الصياعة دي !!
هاجر : ده الحل الوحيد عشان تعرفي اذا بتحبيه حب صداقة ولا حب جواز ..
اميرة : لا يا شيخة ..!
هاجر : الطريقة نافعه كتييير ..
اميرة: ايه القرف الي انتو فيه ده ..
هاجر : انا دكتورة ..القرف ده ستايل حياة ..المهم ها ؟؟ الموضوع فرق في التفكير دلوقت
اميرة : يا بنتي حاسة ان تامر ده ..تربيتي ..يعني تعبت عشان يوصل للدرجاتي ..هي تيجي تاخده ع الجاهز كده؟
هاجر : بصي ..أنتي عاملة زي الام .. الي ربت ابنها ..وبتنقيله عروسة .. و حالتها صعبة كمان ..لأن شايفة ابنها ميستهلوش اي واحدة ..كلهم خسارة فيه ...
اميرة : ايه ؟
هاجر : يا اميرة دي مشكلتك من زمان ..انتي فيكي غريزة الام ..وهتفضلي تهتمي بالناس وتساعديهم في مشاكلهم لحد امتى ؟؟ .. وفي الاخر لما مشاكلهم تنتهي هتبقى لوحدك يا حبة عيني .. ويقولوك شكرا سلامات ..
اميرة قرقضت ضوافرها : بس صدقيني مش بحب تامر ..بالطريقة دي ..أنا ببقى مبسوطة وانا معاه ..ببقى مرتاحة اه ..بس مش حب ..مش كل ما هقعد ما حد فترة هحبه واتجوزو يعني .!!
هاجر : يا بنتي انتي فاكرة ايه ؟!! كله بالتعود ..أتنين اتعودو ع بعض ..كملو سوا .. الفنان بيتجوز فنانة من الي حواليه ..الواد بيتجوز بنت عمه الي جمبه .. واحد بيتجوز زميلته معاه في الكلية ، في الشغل ..جارته ..
اي حد حواليهاااا .. و حواليه .. التعود هو االمفتاح .. الاساس ..
اميرة : ممممممممممم .. مش عارفة
هاجر : لا انتي عارفة بس مش عايزة تعترفي ..
اميرة : ايه الحل .. انا تعبت ومش عايزة انجرح تاني
هاجر : خلاص قوليله ..
اميرة : اقول ايه ؟؟
هاجر : قوليله انك مهتمة بيه .. مش عيب ..
اميرة : انا !! اميرة الي عمرها مركونه في الحيطة ؟؟ ده انا مقلتهاش لسامي ..اقولها لده ؟!
هاجر : انا بقول رأيي .. ع الاقل هتبقى عارفة انتي واقفة فين ..
اميرة : افرضي اترفضت ؟
هاجر : وايه يعني ؟!! بردو هتبقى عارفة انتي واقفة فين ..
اميرة : هستجمع قوتي .. ونشوف ..


ندى قاعدة في صالتها تفكر .. هتعمل ايه ؟؟ .. رفعت سماعة التلفون ..واتصلت بكل اصحابها ..وجت ع نمرة اميرة ..اتصل ولا مش اتصل .. لقت نفسها داست النمرة
اميرة : الو
ندى اتنحنحت ..: اميرة ازيك ؟
اميرة : اوووه ندى ..عاش من سمع صوتك
ندى : قال يعني بتسألي يا اختي ..
اميرة ضحكت : معاكي حق والله .. محقوقالك ..
ندى : المهم فرحي الاسبوع الجاي ..من غيرك مش هيبقى حلو
اميرة : هحضر يا بنتي عيب عليكي .. اهو الاقيكي تحضري فرحي لما اتجوز
ندى : شكرا بجد يا اميرة .. مع اني كنت وحشة معاكي..
اميرة : وحشة ايه ؟؟ عيب يا بنتي .. ايه الكلام ده ..أنا لو مكانك هعمل زيك
ندى بضحك : مش كده بردو .. هههههههههههههه
اميرة : المهم عنوان القاعة ..

..... رغي ...



== انجي في البيت ===
الاب : انجي يا بنتي .. انا نويت اجوزك الي اخترتهولك ..
انجي (متوقعة ده طبعا ) : حاضر يا بابا الي تشوفه ..
الاب :استعدي بكرة في مقابلة ..هتقابلو بعض في كافيه الاول ..تأخدو راحتكو ..ونشوف رأيك
انجي (قال هتفرق يعني ، انا خلاص عارفة انك هتجوزني اي حد ..اي مصلحة ) : حاضر يا بابا
الاب : ربنا هاديكي يا بنتي .. هي دي انجي الي ربتها ..
انجي : طبعا يا والدي .
الاب : خلاص بكرة الميعاد في الكافيه ده ..واداها العنوان ..


== اميرة وتامر في المكتب ..اميرة طول الوقت متنحة لتامر ..تامر خد باله ===
تامر : خير يا اميرة ؟ في سبانخ بين سناني ولا ايه ؟!
اميرة قززها التعبير : ايه القرف ده ..لأ
تامر : امال متنحة فيا ليه ؟؟ وسيم ..
اميرة هزت رأسها موافقة
تامر برق عينيه .. بجد !!
اميرة : ايه اول مرة حد يقولك ؟!
تامر ابتسم : ده من امتى ده ؟!
اميرة : انت مش ملاحظ ان طريقة لبسك اتغيرت ..وبدأت تهتم بشكلك ؟
تامر : ما لازم بقى مع الشخصية الجديدة
اميرة : دلوقتي لابس بنطلون وتيشيرت ..و مسرح شعرك ..و حاطط جل ..وبقيت جميل
تامر بخجل : شكرا ..
اميرة لسه متنحة بردو ..بتفكر في كلام هاجر .. تعمله ولا لأ ؟؟
تامر مش راضي يسالها هي مالها .. لتحرجه تاني بجملة صاروخية ..


== انجي بصت النهاردة في المكتب ع وليد .. بس مجاش ..هي عارفة انه رجع للتدريب مع ندى ..بس مش عوايده ميجيش كده يبص بصة ..بعدين اتصدمت من نفسها انها مفتقداه .. وقالت : استعدي يا انجي للمقابلة .. العريس .. بتاع ابوكي ..


=== مكتب اميرة و تامر ===
تامر : يا اميرة مالك ؟ في حاجة عايزة تقوليها ؟
اميرة : اه ..بس مش عارفة ابدأ منين ..
تامر : ابدأي من اي حتة ..انا سامعك ..انتي استحملتيني كتييير ....
اميرة شهيق ..زفير : بص انا مستغربة نفسي من الي هقوله ده ..ومن صراحتي
تامر : قلقتيني ..
اميرة : فاكر لما عرفتني ع بسنت ..
تامر : اه ..ده من يومين
اميرة : اهو انا من يومين بقى ، مش قادرة اتلم ع بعضي .. بفكر ... فيك
تامر بلع ريقه ..وحس ان في كلام هيجي ..: متقلقيش عليا ..انا بخف ..وبقيت احسن ..وبتحسن
اميرة حست انه بيقفل في الكلام فأختصرت : اه اه ..طب الحمدلله

==== في الكافيه ===
انجي دخلت الكافيه ..وقعدت تدور ع الطرابيزة بتاعتها ..ألي هتقابل عليها العريس المقبل ..وبعدها بعشر دقايق ..دخل وليد .. انجي اتخضت ..هو جي هنا يعمل ايه

،
،
،
يتبع
،
،
،
،

ر ..ه1o+